2 तिमोथि 4:9 - धिमाल

⁹ दोकाझोको कासेहेङ मारफाङ दुसु।

Dhimal NT

⁹ तिमोथि जेथे धेमा जेङलि दो, कासेहेङ भेतिलि लोलि कोसिस पाअ्‌।

2 तिमोथि 4:9 Iomraidhean Croise

लुका 12:58

“हासुबुङ नाङकोर्‍हुता आदालतता मुद्दा चालाइतेङ न्‍याधिसकोता चुमपुनु दामाताङ झगरियादोफा मिलिलि बोल्‍पासु। माकुनु वा नासेहेङ न्‍याधिसकोता आगाता जाअ्‌पावा कालाउ वा पलटनहेङ जिम्‍मा प्‍यावा। एन्‍सालाउदोङ पलटन नासेहेङ चुमपुतेङ थुनाता व्‍हाअ्‌तावा।

2 तिमोथि 1:4

नाङको खारका फोमपातेङ नासेहेङ हेथे दुसुलि मन जेङखे। नासेहेङ दुसुलि निङनु का हेथे लेङचाधाङका।

2 तिमोथि 4:21

चुङदिङ लोलि मानिङसिङ मारफाङ लो। युबुलस, पुडेस, लिनस, क्‍लौडिया रो इता हिका झाराङ खान्‍धुरिगेलाइ नासेहेङ सेउपाका पिगिल्‍का हि।

तितस 3:12

का अर्तिमास माकोनु तुखिकसहेङ नाङकोता दिङगिल्‍तेसाङ नाचाहिँ निकोपोलिसता कासेहेङ दुसुलि लोउ। हाइपानु का चुन्‍दिङ दोपाङ इन्‍ता दोङ हिलि निधो पाका हिघा।