2 तिमोथि 4:8 - धिमाल

⁸ एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

Dhimal NT

⁸ एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

2 तिमोथि 4:8 Iomraidhean Croise

मत्‍ति 24:36

“कालाउ बुङ इङको दिना रो पहर हेअ्‌लाउ ल्‍वाङ इङको हासुङ मागेखे। ना सादेलचरगेलाइ, ना का द्‍याङको चान दोङ गेखा। इदोइ काथाको बारेता परमेस्‍वर आबा खिनिङ गेखे।

मत्‍ति 7:22

इङको दिना हेअ्‌मि कासेहेङ दोअ्‌तावा, ‘प्रभु, प्रभु, हाइ केलाइ नाङको मिङता आगाधुइका माधुइन्‍हाहि? हाइ नाङको मिङता मासानगेलाइ माओल्‍हेपान्‍हाहि? हाइ नाङको मिङता भारभुसाइका कामगेलाइ मापान्‍हाहि कुनु?’

लुका 10:12

का नेलाइहेङ दोअ्‌ताङका, परमेस्‍वरको न्‍यायको दिनाता इङको पुरको द्‍याङगेलाइको पिरखान्‍तेङ भुरु कुकरमसो पोङघाका सदोम पुरको द्‍याङगेलाइको हालत सहिलि दोअ्‌का जेनावा।

1 कोरिन्थि 2:9

कालाउ धरम किताबता इसिका लेखेन्‍हाका हि, “द्‌याङ हेअ्‌लाउ मातिङका, माहिङका रो मनताङ फोम मापाका काथा दोङ परमेस्‍वर वासेहेङ माया पाकालाइको भाअ्‌सिङ त्‍यार पाका हि।”

1 कोरिन्थि 3:13

झाराङ द्‍याङगेलाइको पाका रेम्‍का मारेम्‍का कामगेलाइ परमेस्‍वरको निया पाका दिनाता जाचेन्‍हावा। हाइदोनु इङको दिना एम्‍बालाइको पाका कामगेलाइ हिसिका हि दोअ्‌तेङ मेहोइ जाचेन्‍हावा।

1 कोरिन्थि 9:25

घाकाता आसि र्‍हुकालाइ जिउहेङ सादाइलि दिनाङ रफत पाखे। एम्‍बालाइ ते मुअ्‍तेङ हानेका ताज निङलि एसा पाखे। कालाउ केलाइचाहिँ मामुअ्‌का मुकुट निङलि एसा पान्‍हाखे।

फिलिप्पि 3:11

कालाउ जेसालाउ बुङ का ख्रिस्‍ट भाइपाङ सिकासो आरोङ सिन्‍हुलि द्‍वाको दोअ्‌तेङ आस पाखा।

कलस्सि 1:5

जेदोङचाहिँ नेलाइको भाअ्‌सिङ सादेलता ताअ्‌न्‍हाका इनामको आसको खातिर नेलाइ इसिका खान्‍धुर रो माया पाका हिसुन्‍हा। इदोइ आसको बारेता नेलाइ लामफासोङ सतको बचन रेम्‍काबानालता हिङका हिसुन्‍हा।

1 थेस्लोनिकि 1:10

कालाउ नेलाइ सादेलसो लोका परमेस्‍वरको चानको दामा खान्‍तेङ हिसुन्‍हा आङ दोअ्‌तेङ एम्‍बालाइ दोअ्‌हि। परमेस्‍वर ताइको चान इसुहेङ सिकासो सिन्‍हुपाहि रो वा दोङ केलाइहेङ परमेस्‍वरको लोलि तोम्‍का चेरसो सिन्‍हुपावा।

1 थेस्लोनिकि 5:4

कालाउ दादाओने बाइओनेगेलाइ, नेलाइ कितिकितिकाता मान्‍थुसुन्‍हा, एन्‍साङ प्रभु लोका दिना नेलाइहेङ खुकाभाइपाङ उदेक मापावा।

2 थेस्लोनिकि 2:8

इङकोन्‍हुअ्‌सो नियम मामानेका देखाल ज्‍यावा, प्रभु इसु ख्रिस्‍टको नुइको हुसिहोइ रो वा लोलाउ ताइको जोल्‍का सरबङहोइ इङकोहेङ मुअ्‌पावा।

1तिमोथि 6:19

एसापा एम्‍बालाइ न्‍हुअ्‌सो निङका ज्‍यानको भाअ्‌सिङ गोइका ताइकोङ भाअ्‌सिङ बोल्‍याका जग बान्‍हाइलि ताकाकाउरि जोम्‍पाको एसा पानु खिनिङ एम्‍बालाइ जातिङको ज्‍यान निङलि द्‍वावा।

2 तिमोथि 1:10

जेदोङ निगाहा केलाइहेङ छुटकारापिका प्रभु इसु ख्रिस्‍ट लोकान्‍हुअ्‌सो देखाल जेङका। वा दोङ सिकाहेङ मुअ्‌पाहि रो रेम्‍काबानालसो हेअ्‌लाउ मासिका ज्‍यान तिङपाहि।

2 तिमोथि 1:12

इदोइभाअ्‌सिङ का इदोइ काथागेलाइता तु: भोगेदोङखा। कालाउ का इदोइता मालेदेरखा हाइदोनु का हासुता खान्‍धुर पाका हिघा इङको का गेखा। परमेस्‍वर कासेहेङ जिमा लागाइका काथाहेङ वा दोङ ख्रिस्‍ट मालोपाधाउ जोगाइतेङ ताअ्‌तावा। इदोइता का ढुक हिघा।

2 तिमोथि 1:18

ख्रिस्‍ट लोका दिनाता प्रभुसो इङको निगाहा निङलि द्‍वाको। एफिससता हिलाउ इङको कासेहेङ हेथे काथाता साघाइका हिघाखे इङको बुङ ना गेखेना।

2 तिमोथि 2:5

एन्‍साङ पातेङ घाकाता भाग र्‍हुकालाइ घाकाको नियमहेङ साअ्‌तेङ घानु खिनिङ इङको इनाम निङलि द्‍वावा।

2 तिमोथि 4:1

सिन्‍हुका रो सिका झाराङ द्‍याङगेलाइको निया पालि रो झाराङ र्‍हुता राजपालि लोका ख्रिस्‍ट इसु रो परमेस्‍वरको आगाता का नासेहेङ हुकुम पिखा,

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

याकुब 1:12

जाइ तु: पिर सहेलि दोखे इङको द्‌याङ सहसाम्‍पा निङका हिखे। जाइ जाँचता थिर हिखे रो परमेस्‍वरहेङ माया पाखे इङको वा कबोल पाका ज्‍यानको ताज निनावा।

1पतरुस 1:4

परमेस्‍वर आबा नेलाइको भाअ्‌सिङ हेअ्‌लाउ मामुअ्‌का, दगामान्‍थुका रो माचुअ्‌का सहसाम्‍पा सादेलता ताअ्‌पिका हि।

1पतरुस 5:4

जेलाउ मुल घोका ख्रिस्‍ट देखाल जेङन्‍हावा, कोलाउ नेलाइ दिनाङ चिल्‍कातेङ हिका प्रताप रो मानको ताज निङस्‍वाना।