2 तिमोथि 4:5 - धिमाल

⁵ कालाउ नाचाहिँ गोताङ काथाता बोल्‍याका जेङतेङ हि। तु: सहेका जेङ, रेम्‍काबानाल पारचार पा रो परमेस्‍वर नासेहेङ पिका गोताङ कामको जिमा पोङघा पा।

Dhimal NT

⁵ कालाउ नाअ् कस्ट भोगिलि गोइलाउ बुङ जेलाउ बुङ ताइमिहेङ नियन्तरन पालि गोइखे, कालाउ सुसमाचार प्राचार पालि थाङका मेहेनत पाअ्‌, कालाउ प्रभु नासेहेङ पिका गोताङ काम पुरा पाअ्‌।

2 तिमोथि 4:5 Iomraidhean Croise

मत्‍ति 25:16

कालाउ ना सोनाको टाका निङका ओदोङघरि हानितेङ इङको पाइकारता लागाइतेङ बो ना टाका काम्‍हाइहि।

मर्कुस 13:34

इदोइ ते गिर्‍हि ताइको कामत्‍यागेलाइहेङ साअ्‌को गोताङ काम जिम्‍मा पितेङ, कालाउ द्‍वारता हिकाहेङ नाङघातेङ हि दोअ्‍तेङ हुकुम पितेङ बोमुलुक हानेका भाइका एइ।

मर्कुस 13:37

जे का नेलाइहेङ दोअ्‌ताङका इङको का झाराङहेङ दोअ्‍खा, ‘नाङघातेङ हिसु।’”

लुका 12:37

कालाउ मालिक लोलाउ जागा हिका इङको कामत्‍यागेलाइ च्‍याबासि निनावा। जातिङको का नेलाइहेङ दोअ्‌ताङका, इङको मालिक बान्‍सालाइहेङ भाइपा बान्‍सा बुझाइलि त्‍यार ज्‍यावा। कालाउ इङको कामत्‍यागेलाइहेङ रेम्‍फा योम्‍पातेङ चापावा।

साल्न्हाका चात्या 21:8

जुम्‍निदिना इन्‍तासो बिदा जेङतेङ केलाइ कैसरिया पुरता थुकान्‍हाहि। इन्‍ता केलाइ रेम्‍काबानाल पारचारपाका फिलिपको साअ्‌ता हिन्‍हाहि। फिलिपचाहिँ साल्‍तेङ दिङगिल्‍कालाइहेङ सेवा पालि भाअ्‌सिङ साल्‍तेङ दिङगिल्‍का न्‍हिअ्‌मिता एमि हिघाखे।

कलस्सि 1:25

परमेस्‍वर दोङ कासेहेङ मन्‍डलिको चाकर बान्‍हाइहि। कालाउ नेलाइकोङ भालाइको भाअ्‍सिङ वाको गोताङ कथन हिङपालि जिम्‍मा पिहि।

कलस्सि 4:17

कालाउ प्रभुको जिमा पिका काम ना पोङघा पालि गोयाना दोअ्‌तेङ अरखिप्‍पसहेङ दोअ्‌पिसु।

1 थेस्लोनिकि 5:6

इदोइभाअ्‌सिङ बोमिगेलाइभाइपाङ केलाइ माजिमाइने, कालाउ नाङघातेङ ह्‍याइने रो सजक ह्‍याइने।

1तिमोथि 4:12

ना धाना हिन्‍हा दोअ्तेङ हासुङ बुङ नासेहेङ हेपेलि माद्‌वाको। कालाउ खान्‍धुरिगेलाइको माझाता नाङको धुइकाकथन, चालचलन, दाया, खान्‍धुर रो पुनित जेङका काथाता ना एअ्‌ नामुना जेङलि दो।

1तिमोथि 4:15

नाङको गोताङ मन रो हिकाझोको सरबङ इदोङ धिरपाका काथागेलाइता लागाइ। कोलाउ नाङको पातेङहिका गोताङ रेम्‍का काम झाराङ तिनाको।

2 तिमोथि 1:8

एन्‍साङ केलाइको प्रभुको दासि पिलि रो का वाको भाअ्‌सिङ थुना निन्‍चाकाता मालेदेर भुरुङ ना बुङ परमेस्‍वरको सरबङता रेम्‍काबानाल हिङपालि तु: ल्‍होपा।

2 तिमोथि 2:10

इदोइभाअ्‌सिङ परमेस्‍वरको साल्‍का वाको द्‌याङगेलाइको भाअ्‌सिङ ख्रिस्‍ट इसुसो निङका छुटकारा रो हेअ्‌लाउ बुङ माओताका प्रताप निङलि द्‍वाको दोअ्‌तेङ का इदोइ तु: भोगेदोङखा।

2 तिमोथि 2:3

ख्रिस्‍ट इसुको रेम्‍का रो जातिङको सिपाल्‍हाइ जेङतेङ ना बुङ तु: ल्‍होपा।

2 तिमोथि 4:17

कोलाउबुङ प्रभु दोङ काङको दोसा हितेङ कासेहेङ सरबङ पिहि। एन्‍साङ का बो जात्‍याको द्‌याङगेलाइहेङ परमेस्‍वरको रेम्‍काबानाल रेम्‍फा हिङपालि दोघा। एसापा वा कासेहेङ सिकासो सिन्‍हुपाहि।

1पतरुस 1:13

इदोइखातिर काम पालिको भाअ्सिङ नेलाइको ताइको मन त्‍यार पासु। ताइमिङहेङ आधिनता ताअ्‌सु रो इसु ख्रिस्‍ट लोलाउ नेलाइको निङलि तोम्‍का सहसाम्‍पाता दोङ आस पासु।