2 तिमोथि 4:1 - धिमाल

¹ सिन्‍हुका रो सिका झाराङ द्‍याङगेलाइको निया पालि रो झाराङ र्‍हुता राजपालि लोका ख्रिस्‍ट इसु रो परमेस्‍वरको आगाता का नासेहेङ हुकुम पिखा,

Dhimal NT

¹ जेलाउ येसु ख्रिस्ट राजा भाइपाङ सासन पालि ल्वाङ, कालाउ वा सिन्हुका कालाउ सिकालाइको न्याय पावा। ओदोङ भाअ्सिङ परमेस्वर कालाउ ख्रिस्टको साक्सिको रुपता का नासेहेङ थाङका आदेस प्याङका।

2 तिमोथि 4:1 Iomraidhean Croise

मत्‍ति 16:27

हाइपानु का द्‍याङको चान ताइको आबाको प्रतापता ताइको सादेलचरगेलाइदोफा ल्‍वाङका। इङको पहर का गोताङ द्‍याङहेङ इङकोको काममाफिक नातिजा प्‍याङका।

लुका 19:12

“एमि खानदानि द्‌याङ हेन्‍जाङ दुरे भेनेङ मुलुकता हानितेङ ताइको मुलुकको राजा जेङतेङ घुरिलि ठहर पाहि।

लुका 19:15

“कालाउ इङको द्‌याङ राजा जेङतेङ दोङ घुरिहि। कालाउ वा लोतेङसाङ ताइको कामत्‍यागेलाइहेङ पाइकार पातेङ हेथे कामाइसुन्‍हा दोअ्‌तेङ हिअ्‌लि काइगिल्‍हि।

लुका 23:42

इङकोन्‍हुअ्‌सो वा इसुहेङ दोअ्‌हि, “इसु, ना राजा जेङतेङ ताइको सारभिता घुरिलाउ कासेहेङ बुङ फोमपा।”

साल्न्हाका चात्या 10:42

वा केलाइहेङ रेम्‍काबानाल पारचार पालि, वा सिन्‍हुका रो सिकालाइको नियापाका जेङलिको भाअ्‌सिङ परमेस्‍वरसो भरना जेङका द्‍याङ एइ दोअ्‌का दासि पिलि हुकुम पाका हि।

साल्न्हाका चात्या 17:31

हाइदोनु दुनियाको झाराङ द्‍याङगेलाइको न्‍याय पाका दिना वा तोकिपिलि दोकाहि रो इङको दिना वा ताइमिङ साल्‍का द्‍याङसो न्‍यायदोसा निसाफ पावा। वासेहेङ सिकासो सिन्‍हुपातेङ परमेस्‍वर झाराङ द्‍याङगेलाइहेङ याको दासि पिका हि।”

कलस्सि 3:4

नेलाइहेङ नावा ज्‍यान पिका ते ख्रिस्‍ट दोङ हि। वा इदोइ सुमिङता द्‌याङगेलाइकोता तिङन्‍हालाउ नेलाइ बुङ वा दोफाङ तिङन्‍हास्‍वाना रो वा दोफाङ मानता आसि र्‍हुस्‍वाना।

2 थेस्लोनिकि 2:8

इङकोन्‍हुअ्‌सो नियम मामानेका देखाल ज्‍यावा, प्रभु इसु ख्रिस्‍टको नुइको हुसिहोइ रो वा लोलाउ ताइको जोल्‍का सरबङहोइ इङकोहेङ मुअ्‌पावा।

1तिमोथि 5:21

का नेलाइहेङ परमेस्‍वर, ख्रिस्‍ट इसु रो पुनित चरगेलाइको आगाता इदोइ बिद्‌या साअ्‌लि हुकुम पिखा। एसा पालाउ ना हासुङहेङ बुङ पछेपात मापा।

2 तिमोथि 1:10

जेदोङ निगाहा केलाइहेङ छुटकारापिका प्रभु इसु ख्रिस्‍ट लोकान्‍हुअ्‌सो देखाल जेङका। वा दोङ सिकाहेङ मुअ्‌पाहि रो रेम्‍काबानालसो हेअ्‌लाउ मासिका ज्‍यान तिङपाहि।

2 तिमोथि 2:14

इदोइ काथाता नाङको द्‌याङगेलाइहेङ साम्‍झाइ। काथाङ काथाता चेरसुका काम मापासु दोअ्‌तेङ एम्‍बालाइहेङ परमेस्‍वरकोङ आगाता चेतानि पि। चेरसुकासो ते हाइदोङ लाभ माजेङखे कालाउ हिङका द्‌याङगेलाइहेङ दोङ बिगिरपाखे।

2 तिमोथि 4:18

प्रभु दोङ कासेहेङ गोताङ खाल्‍को आखेकागेलाइसो सिन्‍हुपावा। वा कासेहेङ जोगाइतेङ ताइको सादेलको सारभिता चुमप्‍वावा। वाको दिनाङ प्रताप हितेङह्‍याको। आमेन।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

1पतरुस 1:7

याको उपाइचाहिँ नेलाइको खान्‍धुर जातिङको हि दोअ्‌तेङ तिङपालि एइ। सोना मेहोइ निखुरपान्‍हाखे कालाउ इङको मुअ्‌खे। इङको मुअ्‌का सोना खान्‍तेङ नेलाइको खान्‍धुर हेन्‍जाङ मोलको हि। हाइपानु इङको खान्‍धुर पाका पालि तु: पिरसो जाच पान्‍हाखे। इङकोन्‍हुअ्‌सो इसु ख्रिस्‍ट लोका दिनाता नेलाइ मान, प्रताप रो बाखिन्‍का निङस्‍वाना।

1पतरुस 4:5

कालाउ सिन्‍हुका रो सिकालाइको निया पाका परमेस्‍वरको आगाता इदोइ बारेता एम्‍बालाइ हिसाप पिलिगोयावा।

1पतरुस 5:4

जेलाउ मुल घोका ख्रिस्‍ट देखाल जेङन्‍हावा, कोलाउ नेलाइ दिनाङ चिल्‍कातेङ हिका प्रताप रो मानको ताज निङस्‍वाना।

२ पत्‍रुस 1:11

हाइपानु एसापा केलाइको प्रभु रो छुटकारापिका इसु ख्रिस्‍टको असिम सारभिलिअ्‌ता नेलाइ गाजाबसो दुल्‍लि निङस्‍वाना।

२ पत्‍रुस 1:17

जेलाउ वा परमेस्‍वर आबासो मान रो प्रताप निङहि कोलाउ सादेलसो, “या काङको दायाका चान एइ, जाइदोफा का हेन्‍जाङ लेङचाका हिघा” दोअ्‌का गाला लोलाउ केलाइ इन्‍ताङ हिघान्‍हाहि।

१ युहन्‍ना 2:28

काङको दायाका जामालाइ, वाता हितेङहिसु, कोलाउ वा देखाल पिलाउ केलाइ हिमत निनाङ रो वा लोका इङको दिना वाको आगाता केलाइ लेदेरलि मागोयाको।