2 तिमोथि 3:8 - धिमाल

⁸ यान्‍नेस रो याम्‍ब्रेस जेसापा मोसाको खिलाप पाका हिघाखे, एन्‍सा दोङ इदोइ द्‍याङगेलाइ बुङ सतको खिलाप पावा। एबालाइको ते आकिल दोङ बिगिरका हि रो खान्‍धुरदोङ राम्‍पाका हि।

Dhimal NT

⁸ इदोइ धाताइका सिक्स्यकगेलाइ ख्रिस्टको सत्ये सन्देसहेङ घोसाना पालिसो रोकिलि कोसिस पाखे, जेसाङ यान्नेस कालाउ याम्ब्रेस मोसाको बिरोध पाका हिघाहि। इदोइ द्‍याङगेलाइको बुद्दि बिगिरका हि इङको द्‍याङगेलाइ ख्रिस्टको खाङधुरिता आसफल जेङका हि।

2 तिमोथि 3:8 Iomraidhean Croise

साल्न्हाका चात्या 15:24

केलाइ हिङका हिन्‍हाहि, केलाइको माझासो हेअ्‌मि द्‍याङगेलाइ केलाइको हुकुम माकोसिङ माजेङका काथा दोअ्‌तेङ नेलाइको मन तु: पिका हि।

1तिमोथि 1:19

ना ताइको खान्‍धुरि रो रेम्‍का आकिलहेङ मालाअ्। आकिलको दोअ्‌का मासाअ्‌लाउ हेअ्‌मिको खान्‍धुर दोङ मुअ्‌तेङ हानेहि।

1तिमोथि 4:2

इसिका बिद्‍यागेलाइ असत धुइकालाइ रो छलपाका द्‍याङगेलाइसो लोखे, जाइको फोमपाका सरबङ मुअ्‌का हिखे।

1तिमोथि 6:5

इसिका द्‍याङगेलाइ ते एकोर्‍ह्‍या जेङतेङ गनगन खिनिङ पातेङहिखे रो इन्‍सिकालाइको आकिल दोङ बिगिरका हिखे। एम्‍बालाइ सत दोङ राम्‍पाका हिखे रो परमेस्‍वरको बारेता बिद्‌या पिलिचाहि ताका कामाइका रेम्‍का दामा दोअ्‌तेङ एम्‍बालाइ फोमपाखे।

2 तिमोथि 4:15

इङको केलाइको काथाको हेन्‍जाङ बाइरि जेङका हि। एन्‍सा जेङलाउ ना बुङ होस पातेङ हि।

तितस 1:10

हाइदोनु हेन्‍जाङ द्‍याङगेलाइ छलपाका, बिथाको काथा पाका, धाताइकाइ हिखे। इसिकालाइता ते खास पातेङ खाताना पालिगोयाङ दोअ्‌कालाइ दोङ हि।

तितस 1:16

एम्‍बालाइ परमेस्‍वरहेङ नाल्‍का हिघा दोअ्‌तेङ जिकिर पाखे, कालाउ एम्‍बालाइको कामहोइ चाहिँ परमेस्‍वरहेङ इन्‍कार पाखे दोअ्‌का तिङपाखे। एम्‍बालाइ ते दिगमिगहिका, आटेरिगेलाइ हि रो हिदिङ बुङ रेम्‍का काम पालि लाएकको मान्‍थु।

२ पत्‍रुस 2:14

एम्‍बालाइको मिँ दुराचारहोइ पोङघाका हिखे रो जेथे कुकरम पालाउ बुङ माघाइखे। एम्‍बालाइ खान्‍धुरता लुरमान्‍थुका द्‌याङगेलाइहेङ कुकरमको जालेता फासेपाखे। एम्‍बालाइको कोन्‍धाङ दिअ्‌काता धिरपाका निङका हिखे। एम्‍बालाइ सारापनिङचाका चानचामिन्‍दि एइ।

१ युहन्‍ना 2:18

काङको दायाका जामालाइ, न्‍हुअ् पहर इदोङ एइ। ख्रिस्‍ट दुस्‍मन लोदोङखे दोअ्‌का नेलाइ हिङका हिसुन्‍हा। एला हेन्‍जाङ ख्रिस्‍ट बाइरि लोका हि। इदोइभाअ्‌सिङ केलाइ गेन्‍हाखे, इदोइ न्‍हुअ् पहर एइ।

१ युहन्‍ना 4:1

मोन्‍दाताकालाइ, ताइमिदोफा पुनित हाङसा हि दोअ्‌तेङ धुइकालाइहेङ खान्‍धुर मापासु, कालाउ नेलाइदोफा परमेस्‍वरको हाङसा एइ ना माको जाचेतेङ खाङसु। हाइदोनु हेन्‍जाङ असत आगाधुइकालाइ बुङ जेसोकोसोङ हानेका हि।