2 तिमोथि 3:6 - धिमाल

⁶ एम्‍बालाइको माझाता हेथे द्‍याङगेलाइ साअ्साअ्‌ता हानेतेङ कुकरमकुकरमहोइ रो कुकरमकोङ लाल्‍सा ताअ्‌का बेबाल द्‌याङगेलाइहेङ ताइको बसता ताअ्‌तावा।

Dhimal NT

⁶ हाइपालिपानु इम्बालाइ मध्येसो हेथेते द्‍याङगेलाइ साअ्-साअ्गेलाइता हानिखे कालाउ आनाइ बेबालाइहेङ ताइको आधिनता पाखे, जाइको ह्रदयगेलाइ पापहोइ लादाइका हिखे कालाउ गोताङ खाल्को इच्सागेलाइसो काबुता परिका हिखे।

2 तिमोथि 3:6 Iomraidhean Croise

मत्‍ति 11:28

“ओइ झाराङ माइका रो ल्‍हिकाहोइ एरेन्‍हाकागेलाइ काता लोसु, का नेलाइहेङ माइसा चापाङका।

मत्‍ति 23:13

“धिकार धरम मास्‍टर रो फरिसिगेलाइ! नेलाइ चिम्‍काटा हिसुन्‍हा। हाइपानु नेलाइ सादेलको सारभिको फिनु गिअ्‌का हिसुन्‍हा। नेलाइ ताइमि बुङ लिअ्‌ता मादुल्‍सुखेना रो लिअ्‌ता दुल्‍लि ना ताइमिङ दुल्‍सुखेना ना भोकालाइहेङ बुङ दुल्‍लि पिसुखेना।

मत्‍ति 23:14

[“धिकार नेलाइहेङ, धरम मास्‍टर रो फरिसिगेलाइ! नेलाइ चिम्‍काटा हिसुन्‍हा। हाइदोनु नेलाइ रान्‍दिगेलाइको साअ्‌द्वार घिङपिसुखेना रो ताइमिहेङ धरमाति तिङपालिको भाअ्‌सिङ र्‍हिर्‍हिङका पुकार पासुखेना। इदोइखातिर बो खान्‍तेङ नेलाइ हेन्‍जा डाँड निङस्‍वाना।]

मत्‍ति 4:24

एन्‍सा जेङलाउ वाको मिङ गालिल भेर्पा हिका सिरिया मुलुकको गोताङ थामेगेलाइता चारचाराइहि। कालाउ द्‍याङगेलाइ गोताङ खालको रोगाइका रो बेथासो सान्‍ताइका मासाअ्‌धेकालाइहेङ इसुकोता चुमाहि। एम्‍बालाइता मासान खोअ्‌का, झाकालोङका रो गाहिलि जेङका हिघाखे। वा एम्‍बालाइ झाराङहेङ एल्‍पाहि।

मर्कुस 4:19

कालाउ बुङ इदोइ दुनियाको पिर रो टाका काउरिको इन्‍ताना रो बो थोकको लालच पातेङ कथनहेङ थुमन्‍हापापिखे रो हिदिङ फल मासेपाखे।

1 कोरिन्थि 12:2

नेलाइ दोङ गेसुखेना, प्रभुहेङ खान्‍धुर मापाकाखान्‍तेङ लाम्‍फा नेलाइ हिदिङ ना हिदिङ खाल्‍सो मामाधुइका दिरहेङ पुजितेङ बान्‍दालाइका हिघासुन्‍हा।

1तिमोथि 5:6

कालाउ ताइको ज्‍यान मोजमजाता दोपाका रान्‍दि चाहिँ सिन्‍हुलाउ बुङ लाम्‍फाङ सिका झोकोङ।

1तिमोथि 6:9

कालाउ धनि जेङलि भोका द्‌याङ कुकरमता परेपाका काथाता वालाखे। वा निरबुदि रो हान्‍ति पाका लाल्‍सागेलाइको आस्‍तिता देखे। इदोइ आखेका लाल्‍सागेलाइ एम्‍बालाइहेङ बारबाद पाकाता रो मुअ्‌काता थुकापावा।

तितस 1:11

एबालाइको नुइता बिजाला मालागाइसिङ माज्‍याङ हाइदोनु एम्‍बालाइ ते धिरपालिङ माएल्‍का काथागेलाइ धिरपातेङ पुराङ साअ् जाहानता उपदर्‍या माचाइका हि। खालि ताकाकाउरि कामाइलिको भाअ्‌सिङ एम्‍बालाइ एसा पाका एइ।

तितस 3:3

हाइदोनु केलाइ ताइमिङ बुङ ए पहर निरबुदि, हुकुममासाअ्‌का रो बिगारता वालाका हिघान्‍हाहि। केलाइ मारेम्‍का लाल्‍सासो रो गोताङ खालको भोगबिलासको बान्‍धाइगेलाइ हिघान्‍हाहि। केलाइ ताइको ज्‍यान आसाति रो डाहाता दोपाघान्‍हाखे। केलाइ आनादरि हिघान्‍हाहि रो एभेनेङहेङ आनादर पाघान्‍हाखे।

२ पत्‍रुस 2:18

एम्‍बालाइ तुजुक रो निरबुदि काथागेलाइ पाखे। कालाउ जिउहेङ लालचपाका कामगेलाइ तिङपातेङ असतसो घुरिकालाइहेङ बुङ फासेपाखे।

२ पत्‍रुस 3:17

मोन्‍दाताकालाइ, लाम्‍फासोङ इदोइ काथा गेतेङ हुसपातेङ हिसु। आसाति द्‍याङगेलाइको माजेङका काथाता आवाइतेङ ताइको धिरता माराम्‍पासु।