2 तिमोथि 3:4 - धिमाल

⁴ एम्‍बालाइ बोमिहेङ छल पातेङ, मनमानि पातेङ तुजुकहोइ फुलितेङ हिगिलावा रो परमेस्‍वरहेङ माया पाका खान्‍तेङ भुरुङ मोजमजा दोङ मोन्‍दा ताकावा।

Dhimal NT

⁴ बो द्‍याङगेलाइहेङ धोका पिकालाइ, ताइमिहेङ बो खान्तेङ हेन्जा महत्व्यको थानिकालाइ, कालाउ परमेस्वरहेङ खान्तेङ मोजमस्तिहेङ हेन्जा मन परिका हिखे।

2 तिमोथि 3:4 Iomraidhean Croise

साल्न्हाका चात्या 19:36

इदोइ काथा सत्‍ते हि, यासेहेङ हासु बुङ माको दोअ्‌लि माद्‍वावा। एन्‍सा जेङलाउ नेलाइ सिपापा हिसु। एसापा जोसता लोतेङ ठहर दोङ मापासिङ हिदिङ काम पालि रेम्‍का माको।

साल्न्हाका चात्या 7:52

आगाधुइकालाइता हिदोइचाहिँहेङ नेलाइको खालगेलाइ मासान्‍ताइहि? ओबालाइ धरमाति सेवापाका लोदोङखे दोअ्‌कालाइ झाराङहेङ सेअ्‌हि। वासेहेङ नेलाइ धोका पिसुन्‍हा रो सेअ्‌सुन्‍हा। इङको झाराङहेङ सेअ्‌हि, जाइ इङको धरमाति सेवापाकाको लोका बानाल लाम्‍फासो दोङ हिङपाका हिघाखे। एला नेलाइचाहिँ वासेहेङ धोकापिका रो जिउसेअ्‌का जेङका हिसुन्‍हा।

1तिमोथि 3:6

कालाउ इङको भरखर खान्‍धुर पाका बुङ हिलि मागोयाङ। माकोनु इङको तुजुकहोइ फुलितेङ दियाबलस भाइपाङ दारता वालातेङ मुअ्‌तावा।

1तिमोथि 5:6

कालाउ ताइको ज्‍यान मोजमजाता दोपाका रान्‍दि चाहिँ सिन्‍हुलाउ बुङ लाम्‍फाङ सिका झोकोङ।

1तिमोथि 6:17

एला इदोइ दुनियाता गिर्‍हि जेङकालाइहेङ तुजुक मापालि दोअ्। कालाउ एम्‍बालाइको ताकाकाउरि दिनाङको भाअ्‌सिङ हितेङ माह्‍यावा। कालाउ केलाइको सुखको भाअ्‌सिङ गोताङ थोक होपाङ पिका परमेस्‍वरताङ भर ताअ्‌सु दोअ्‌तेङ एम्‍बालाइहेङ हुकुम पि।