2 तिमोथि 3:2 - धिमाल

² इङको पहरको द्‍याङगेलाइ ताइमिङहेङ खिनिङ दायाका, टाकाकाउरिको लाल्‍चा पाका रो ताइमिहेङ बाराका फोमपाका, तुजुक रो बादनामि पाका ज्‍यावा। एम्‍बालाइ ताइको आबाआमाइहेङ मासाअ्‌का, अपगुनि, अपुनित जेनावा।

Dhimal NT

² हाइपालिपानु द्‍याङगेलाइ ताइमिहेङ खिनिङ माया पाका, धनको लोभ पाका, आहाङकारि, घमन्डि, ताइमिहेङ बार्का फोम पाका, आरु द्‍याङगेलाइहेङ निन्दा पाका, ताइको आमाइ-आबाको आग्या माकेम्का, आरुको गुन मातिङका कालाउ आपबित्तरो हिखे।

2 तिमोथि 3:2 Iomraidhean Croise

मत्‍ति 15:6

एसापा ताइको आबा आमाइहेङ मान पालि मागोयाङ दोअ्‌तेङ नेलाइ ताइको चलनभारि लागितेङ परमेस्‍वरको हुकमहेङ बेकामको बान्‍हाइसुखेना।

लुका 12:15

वा एम्‍बालाइहेङ दोअ्‌हि, “होस पासु, गोताङ खाल्‍को लाल्‍सासोजोगेका काम पासु, हाइपानु द्‍याङको ज्‍यान वाको टाकाकाउरि जेथे दोङ हेन्‍जा हिलाउ बुङ इङको द्‍याङहेङ जातिङको ज्‍यानचाहिँ माप्‍यावा।”

लुका 16:14

इदोइ गोताङ काथागेलाइ हिङतेङ फरिसिगेलाइ लेङतेङ इसुको खिल्‍लि उराइपाहि। हाइदोनु एम्‍बालाइ टाका काउरिहेङ दोङ माया पाघाहि।

लुका 6:35

“एन्‍सा माको, दुस्‍मनगेलाइहेङ माया पासु, झाराङहेङ भालाइ पासु रो रिन र्‍हेकालाइहेङ र्‍हुका आस मापासिङ रिन पिसु। एन्‍सा पासुन्‍हा पानु नेलाइ बारा इनाम निङस्‍वाना। कालाउ नेलाइ बाराका परमेस्‍वरको चान जेङस्‍वाना। हाइदोनु परमेस्‍वर ते बाइगुनि रो स्‍वार्थिहेङ बुङ दायाखे।

साल्न्हाका चात्या 5:36

हाइपानु नानिखान्‍तेङ लाम्‍फा बुङ एमि थुदास दोअ्‌का कादोङ दोअ्‌तेङ जाअ्‌हि रो द्‍यासाइ द्‍याङगेलाइ वासेहेङ पिताइहि। इङको सेअ्‌न्‍हाहि, इङकोहेङ पिताइकालाइ झाराङ राइन्‍हाहि रो गोताङ बित्‍था जेङहि।

फिलिप्पि 2:21

बोगेलाइ ते झाराङ ताइकोङ सुरता खिनिङ हिखे। कालाउ इसु ख्रिस्‍टको बारेता एम्‍बालाइहेङ हाइदोङ मतलब मान्‍थु

कलस्सि 3:5

इदोइखातिर नेलाइको कुकरमि बिचारसो ओल्‍हेका दुरजन काथागेलाइ पालि लाअ्‌सु। इदोइचाहिँ: दुराचार पालि, अपुनित काथाता लागिलि, लेदरपाका लाल्‍सा पालि, मारेम्‍का बिचार पालि रो दिअ्‌लि। कालाउ दिअ्‌लि ते गोइका चिजहेङ पुजिका भाइकाङ जेङखे।

2 थेस्लोनिकि 2:4

इङको नियम मासाअ्‌का द्‌याङ ताइमिङ बारातेङ द्‍याङगेलाइ परमेस्‍वर थानेका गोताङ काथागेलाइहेङ रो पुजिका गोताङ थोकको खिलाप पावा। इङको ते परमेस्‍वरको थानता योम्‍तेङ ताइमिहेङ परमेस्‍वर दोअ्‌तावा।

1तिमोथि 1:20

एम्‍बालाइता हुमेनियस रो अलेक्‍जेन्‍डर। परमेस्‍वरहेङ बादनामि पालि लाअ्‌ताको दोअ्‌तेङ का एम्‍बालाइहेङ दियाबलसको खुरता पिका हिघा।

1तिमोथि 1:9

केलाइ इदोइ काथा गेका हिनाहि, नियम रेम्‍का द्‌याङको भाअ्‌सिङ बनेका माको कालाउ इदोइ ते नियम मासाअ्‌का रो धुमिगेलाइ, परमेस्‍वरहेङ मामानेकालाइ रो कुकरमिगेलाइ, आखेका मन हिका रो परमेस्‍वरको खिलापिगेलाइ, रो ताइको आबा आमाइहेङ सेअ्‌कालाइ, द्‌याङगेलाइ सेअ्‌कालाइ,

1तिमोथि 3:3

इङको दान्‍हाइसुका रो म्‍हागिल्‍का हिलिमागोयाङ, कालाउ इङको सहेलि दोका, सिपापा हिका रो टाका काउरिको लाल्‍चा मापाका हिलिगोयाङ।

1तिमोथि 6:10

हाइदोनु गोताङ खालको आखेकाको मुल दोङ ताकाकाउरिको माया। हेथे द्‍याङ ते ताकाकाउरि कामाइका दिअ्‌काता लागेतेङ खान्‍धुर पालि लाअ्‌पिका हि। कालाउ हेन्‍जाङ तु:होइ एम्‍बालाइको कोन्‍धाङ दोङ तु:का हि।

1तिमोथि 6:4

वा हाइदोङ मागेसिङ एन्‍साङ तुजुकहोइ फुलिखे। वा ते झागारा पाका बिमार लागेका द्‌याङ। वा काथाङ काथाता झागारा खिनिङ पालि भोखे। इसिका काथागेलाइहोइ ते दाहा, झागारा, बादनामि रो मारेम्‍का साङका देखाल पापाखे।

2 तिमोथि 3:4

एम्‍बालाइ बोमिहेङ छल पातेङ, मनमानि पातेङ तुजुकहोइ फुलितेङ हिगिलावा रो परमेस्‍वरहेङ माया पाका खान्‍तेङ भुरुङ मोजमजा दोङ मोन्‍दा ताकावा।

याकुब 2:8

जातिङको नेलाइ “ताइको भेरपाकोहेङ ताइमिहेङ भाइपाङ माया पासु” दोअ्‌का पुनित धरमकिताबता लेखेन्‍हाका परमेस्‍वरको सारभिको नियमहेङ साअ्‌सुन्‍हा पानु नेलाइ रेम्‍काङ पासुखेना।

याकुब 4:16

कालाउ नेलाइ तुजुक पातेङ धामास लागाइसुखेना। एसापा तुजुक पातेङ धामास लागाइलि रेम्‍का माको।

याकुब 4:6

कालाउ वा केलाइहेङ हेन्‍जाङ निगाहा प्‍यावा। हाइपानु पुनित धरमकिताबता इसिका लेखेन्‍हाका हि, “परमेस्‍वर तुजुक पाकालाइको खिलाप पाखे, कालाउ नोइकालाइर्‍हुता निगाहा पावा।”

1पतरुस 5:5

एन्‍साङ पातेङ धानागेलाइ, नेलाइ बुङ मन्‍डलिको आगुवागेलाइको आधिनता हिसु रो नोइतेङ एमि भेनेङको चाकर पासु। हाइपानु धरमकिताबता इसिका लेखेन्‍हाका हिः “परमेस्‍वर तुजुकिगेलाइको खिलाप पावा, कालाउ नोइकालाइहेङ निगाहा पावा।”

२ पत्‍रुस 2:10

खासपातेङ एम्‍बालाइहेङ, जाइ अपुनित पाका कामातुरता वालातेङहिखे रो परमेस्‍वरको खाबाराहेङ आनादर पाखे। एबालाइ अजिर, तुजुकि हिखे रो सादेलचरगेलाइको इजत बुङ मापाखे। भुरुङ उल्‍ताङ बादनामि पाखे।

२ पत्‍रुस 2:12

कालाउ इदोइ द्‍याङगेलाइ ताइमिङ मागेका काथागेलाइको बादनामि पाखे। एबालाइ झार गुपुसगेलाइभाइका हिखे रो ताइको लाल्‍सागेलाइको जिउकोबसता हिखे। एबालाइ रिम्‍तेङ सेअ्‌न्‍हालि जोन्‍मिकालाइभाइकाङ हि रो एबालाइ झार गुपुसगेलाइभाइपाङ मुअ्‌तावा।

२ पत्‍रुस 2:18

एम्‍बालाइ तुजुक रो निरबुदि काथागेलाइ पाखे। कालाउ जिउहेङ लालचपाका कामगेलाइ तिङपातेङ असतसो घुरिकालाइहेङ बुङ फासेपाखे।

२ पत्‍रुस 2:3

लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।