2 तिमोथि 2:7 - धिमाल

⁷ काङको दोअ्‌का इदोइ काथागेलाइ सोम पा। हाइदोनु प्रभु दोङ नासेहेङ इदोइ गोताङ काथागेलाइ गिका सरबङ प्‍यावा।

Dhimal NT

⁷ इदोइ गोताङ उधारनगेलाइहोइ हाइ धिरपाखे सोचिसु, कालाउ प्रभु नासेहेङ काङको दोअ्का इदोइ गोताङ काथागेलाइ बुझिलि साघाइयाङ।

2 तिमोथि 2:7 Iomraidhean Croise

लुका 21:15

हाइदोनु का नेलाइहेङ हाइ दोअ्‌लि गोइका इङको काथा रो आकिल प्‍याङका एन्‍साजेङलाउ नेलाइको हिदि बुङ बिरोधिगेलाइ नेलाइहेङ जितिलि माद्‌वावा रो नेलाइको कथन बुङ मापोन्‍हावा।

लुका 24:45

इङकोन्‍हुअ्‌सो इसु एम्‍बालाइहेङ धरमकिताबता लेखेन्‍हाका काथागेलाइ गेलि सरबङ पिहि रो दोअ्‌हि,

लुका 9:44

द्‌याङगेलाइ वाको काम तिङतेङ भारभुसाइका पहरता इसु चात्‍यागेलाइहेङ दोअ्‌हि, “का हाइ दोअ्‌लि भोखा इङको काथा रेम्‍फा हिङसु कालाउ मनता ताअ्‌सु। हाइपानु का द्‌याङको चानहेङ रिम्‍तेङ द्‌याङगेलाइको खुर्ता प्‍यावा।”

युहन्‍ना 14:26

कुलाउ साल्‍हापिका, माकोनु पुनित हाङसा, जाइहेङ आबा काङको मिङता दिङगिलावा। वा नेलाइहेङ गोताङ काथा धिरपावा। का नेलाइहेङ दोअ्‌का गोताङ काथा नेलाइहेङ फोम पापावा।

युहन्‍ना 16:13

जेलाउ वा पुनित हाङसा ल्‍वावा, कोलाउ वा नेलाइहेङ गोताङ सतता थोङगिलावा। वा ताइको पाहासो माधुयावा। वा जेदोङ हिनावा, इङकोङ धुयावा रो जेङलि लोका काथागेलाइ नेलाइहेङ हुकुम पाप्‍यावा।

साल्न्हाका चात्या 7:10

परमेस्‍वर वाको गोताङ तु:सो लाअ्‌पातेङ मिस्र मुलुकको राजा फारोको आगाता वासेहेङ निगाहा पाहि रो आकिल पिहि। कोलाउ फारो वासेहेङ मिस्रमुलुक रो वाको गोताङ साअ्‌को हाकिम बान्‍हाइहि।

1 कोरिन्थि 12:8

कालाउ पुनित हाङसा आधेमिहेङ आकिलको काथा धुइका रो आधेमिहेङ बुझिलि दोका सरबङ पिखे।

फिलिप्पि 4:8

एला दादाओने बाइओनेगेलाइ, जेदोङ काथा सत रो मानको हि, जेदोङ काथा नियाको रो पुनित हि, जेदोङ काथा माया लाएक रो निगाहाको हि, जेदोङ काथा रेम्‍का रो बाखिन्‍लि गोइका हि, इङकोङ काथाता मन लागाइसु।

कलस्सि 1:9

इदोइ काथा हिङका दिनासोङ केलाइ नेलाइको भाअ्‌सिङ दिनाङ पुकार पान्‍हाखे। पुनित हाङसाको पिका आकिल रो समझसो परमेस्‍वरको लाल्‍सा गेसु दोअ्‌तेङ दोङ केलाइको पारथाना हि।

1तिमोथि 4:15

नाङको गोताङ मन रो हिकाझोको सरबङ इदोङ धिरपाका काथागेलाइता लागाइ। कोलाउ नाङको पातेङहिका गोताङ रेम्‍का काम झाराङ तिनाको।

2 तिमोथि 2:6

भेम्‍ति ह्‍याअ्‌पातेङ मिलिङ चोइतेङ थिङकालाइ दोङ बालिको लाङ आसि निङलि गोयाङ।

2 तिमोथि 2:8

ख्रिस्‍टहेङ फोम पा, वा सिकासो सिन्‍हुहि। वाचाहिँ राजा दाउदको बङसावलि हिघाहि, का पारचार पाका रेम्‍काबानाल इदोइ दोङ।

याकुब 1:5

एदि नेलाइता हासुङहेङ आकिल गोइका हिनु परमेस्‍वरदोफा र्‍हेकाको रो वा इङकोहेङ लेङचातेङ प्‍यावा।

याकुब 3:15

इसिका आकिल परमेस्‍वरसो लोका माको, कालाउ इदोइ ते दुनियाको, हाङसाको रो दियाबलसको आकिल एइ।

याकुब 3:17

कालाउ जेदोङ आकिल सादेलसो लोखे, इङको पुनित, सुका पिका, नोइका रो मिलिका हिखे। इसिका आकिल दायाहोइ पोङघाका हिखे रो इङको रेम्‍का कामको फल सेपाखे। कालाउ इदोइ पछेपात रो छल मापाका जेङखे।

१ युहन्‍ना 5:20

केलाइ गेन्‍हाखे, परमेस्‍वरको चान इसु ख्रिस्‍ट लोका हि, जाइ सत हि। वासेहेङ नाल्‍लि द्‍वाको दोअ्‌तेङ परमेस्‍वर केलाइहेङ आकिल पिका हि। केलाइ सत परमेस्‍वरता हिन्‍हाहि, हाइदोनु केलाइ वाको चान इसु ख्रिस्‍टता बुङ हिन्‍हाहि। इसु ख्रिस्‍ट दोङ जातिङको परमेस्‍वर रो असिम ज्‍यान हि।