2 तिमोथि 2:24 - धिमाल

²⁴ प्रभुको चाकर चेरसुलि माएल। इङको झाराङदोफा मिलिका हिलिगोयाङ कालाउ बिद्‍या धिरपालि दोका रो गोताङ काथा सहेलि दोका जेङलिगोयाङ।

Dhimal NT

²⁴ कालाउ प्रभुको बान्धाइति चेरसुलि माएल, कालाउ वा झाराङहेङ दायाका हिलि गोइखे, कालाउ परमेस्वरको बचन रेम्फासो धिरपालि दोका कालाउ बिरोधि द्‍याङगेलाइ दोफा गोताङ काथा सहिलि दोका हिलि गोइखे।

2 तिमोथि 2:24 Iomraidhean Croise

मत्‍ति 12:19

वा ना चेरस्‍वावा ना हेन्‍जा चिय्‍हास्‍वावा, ना हासुङ इङकोको गाला दामागेलाइता हिनावा।

युहन्‍ना 6:52

कोलाउ यहुदिगेलाइ, “इदोइ द्‍याङ हेसापा केलाइहेङ ताइको जिउ चालि पिलि द्‌वावा?” दोअ्‌तेङ ताताइमिता सावालजावाफ पालि तेङहि।

साल्न्हाका चात्या 15:2

कोलाउ पावल रो बारनाबासको एम्‍बालाइदोफा हेन्‍जाङ गालाबाजि जेङहि। इन्‍ताको दादा ओनेगेलाइ पावल, बारनाबास रो बो हेअ्‌मिहेङ इदोइ काथाको फाइसालाको भाअ्‌सिङ साल्‍तेङ दिङगिल्‍कालाइ रो एल्‍डरगेलाइकोता यरुसलेम हानेलि भरना पाहि।

साल्न्हाका चात्या 23:9

इन्‍ता बारा गालबाजि जेङहि रो फरिसि मन्‍डलिको आधे धरममास्‍टरगेलाइ जाअ्‌तेङ एसा दोअ्‌तेङ बिरोध पालि तेङहि, “इदोइ द्‍याङता केलाइ हाइदोङ फतुर मातिङन्‍हाखे। इदोइ द्‍याङदोफा हिदिङ आत्‍मा माकुनु सादेलचरको धुइका दोङ हिनु हाइ जेङहि कुनु!”

साल्न्हाका चात्या 7:26

जुम्‍निदिना एम्‍बालाइ दोङ ताताइमिता चेरसुतेङ हिका पहरता मोसा लोहि रो एम्‍बालाइहेङ मिलिपालि बल पातेङ दोअ्‌हि, ‘नेलाइते दादा ओनेता हाइपालि चेरसुतेङ हिसुखेना?’

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

फिलिप्पि 2:14

नेलाइ हिदिङ काम पालाउ बुङ गानगानमापासिङ रो माचेरसुसिङ गोताङ काम पासु।

फिलिप्पि 2:3

नेलाइ ताइको खिनिङ भालाइ भोतेङ हाइदोङ मापासु। नेलाइ बारालि बुङ माभोसु रो बिथाता तुजुकि जेङलि हाइदोङ मापासु। कालाउ ए भेनेङदोफा नोइका जेङसु रो बोमिगेलाइ ताइमिखान्‍तेङ मानलाएक हि दोअ्‌तेङ फोमपासु।

कलस्सि 3:13

नेलाइ एमि भेनेङहेङ सहेसु रो हासुङको खिलापता हाइदोङ काथा हि पानु माफ पासु। जेसापा प्रभु नेलाइहेङ माफ पाहि, नेलाइ बुङ एमि भेनेङहेङ माफ पासु।

1 थेस्लोनिकि 2:7

ताइको जामालाइहेङ सामार्‍हाइका आमाइभाइपाङ नेलाइको माझाता केलाइ नोइका जेङन्‍हाहि।

1तिमोथि 6:11

कालाउबुङ ना परमेस्‍वरको चाकर, इदोइ गोताङ मारेम्‍का काथागेलाइसो फारापाङ हि। ना परमेस्‍वरको आगा उचित ठर्‍हाइन्‍हाका काथाता, चाकरता, खान्‍धुरता, दायाता, धिरताता, नोइका जेङका काथाता ताइको मन लागाइ।

तितस 1:1

का पावल परमेस्‍वरकोङ बान्‍धाइ रो ख्रिस्‍ट इसुकोङ साल्‍तेङ दिङगिल्‍का इदोइ चिथि लेखेदोङखा। परमेस्‍वर कासेहेङ साल्‍हि रो वाको साल्‍तेङ दिङगिल्‍कालाइको खान्‍धुर बार्‍हेपालि दिङगिल्‍हि। कालाउ परमेस्‍वरहेङ मोन्‍दाताका ज्‍यानदोफा मिलिका सतभारि एम्‍बालाइहेङ थुकापालि बुङ कासेहेङ खाटाइहि।

तितस 1:7

हाइदोनु मन्‍डलिको आगुवा परमेस्‍वरको कामको जिमा र्‍हुका हिखे। इदोइभाअ्‌सिङ इङको हिदिङ दुस मान्‍थुका द्‌याङ हिलिगोयाङ। इङको ताइमिङ पाका, मारफाङ चेरताम्‍पाका, म्‍हाका, चेरसुका रो मारेम्‍का काम पातेङ टाका कामाइका हिलिमागोयाङ।

तितस 1:9

ताइमिको निङका जातिङको बिद्‍याता लागेतेङ हिका रो बोमिहेङ बुङ इदोइ बिद्‍या पितेङ बल पिलि दोका जेङलिगोयाङ। एसापा इदोइ बिद्‌या धिरपाका माफिक हिलिगोयाङ कालाउ याको खिलाप पाकालाइको बिरामहेङ तिम्‍पापिलि द्‍वाना।

तितस 3:2

एम्‍बालाइ हासुङको खिलाप मापाको, गालबाजिसो फारापा ह्‍याको, नोइका ज्‍याको रो झाराङ द्‍याङगेलाइदोफा रेम्‍का बेभार तिङपाको।

याकुब 1:1

परमेस्‍वर रो प्रभु इसु ख्रिस्‍टको चाकर का याकुबसो इदोइ चिथि चारबितिङ राइन्‍हातेङ हिका इस्राएलको तेन्‍हे खालहेङ लेखेदोङखा। नेलाइ झाराङहेङ सेउपाखा।

याकुब 3:17

कालाउ जेदोङ आकिल सादेलसो लोखे, इङको पुनित, सुका पिका, नोइका रो मिलिका हिखे। इसिका आकिल दायाहोइ पोङघाका हिखे रो इङको रेम्‍का कामको फल सेपाखे। कालाउ इदोइ पछेपात रो छल मापाका जेङखे।

याकुब 4:2

नेलाइ निङलि लाल्‍सा ते पासुखेना कालाउ बुङ मानिङसुखेना। एन्‍साङ पातेङ नेलाइ इङको निङलिकोभाअ्‌सिङ सेअ्‌सुखेना रो दिअ्‌सुखेना कालाउ बुङ मानिङसुखेना। नेलाइ चेरसुलाउ बुङ रो धुम पालाउ बुङ नेलाइ मानिङसुखेना, हाइदोनु नेलाइ परमेस्‍वरदोफा मार्‍हेसुखेना।

1पतरुस 3:8

आखिरता दोअ्‌खा, नेलाइ झाराङ एलोङ मनको जेङतेङ एमि भेनेङहेङ तु:ता साघाइसु। ताइको दादाओने रो बाइओने भाइपाङ एमि भेनेङहेङ इन्‍ताना पासु। कालाउ नोम्‍का कोन्‍धाङको रो नोइका मनको जेङसु।