2 तिमोथि 2:2 - धिमाल

² का नासेहेङ हेन्‍जाङ द्‌याङगेलाइको आगाता पिका बिद्‌या बो धिरपालि दोका खान्‍धुरि द्‍याङगेलाइहेङ जिमा पि।

Dhimal NT

² का हेन्जा साक्सिगेलाइको आगाता ख्रिस्टको बारेता दोअ्का सन्‍देस नाअ् हिङका हिघाखेना। एला का चाहिखा कि नाअ् बुङ ओदोङ सन्‍देस आरु खान्धुराइगेलाइहेङ हिङपा जाइहेङ नाअ् खाङधुरि योग्य थानिखेना, कालाउकि इम्बालाइ बुङ ओदोङ सन्‍देस आरु द्‍याङगेलाइहेङ हिङपालि द्वाको।

2 तिमोथि 2:2 Iomraidhean Croise

मत्‍ति 13:52

कालाउ इसु एम्‍बालाइहेङ दोअ्‌हि, “इदोइखातिर सादेलको सारभिको बिद्‍या निङका झाराङ धरममास्‍टर एमि साअ्‌को गिर्‍हिभाइका एइ। जाइ ताइको भाकारसो नावा रो पुर्ना जाङका आनेमानेगेलाइ बाहार ओल्‍हेपाखे।”

मत्‍ति 24:25

फोम पासु, का नेलाइहेङ लाम्‍फासोङ दोअ्‌पिका हिघा।

लुका 12:42

प्रभु दोअ्‌हि, “आकिलहिका रो कामता साअ्‌लिदोका खाजान्‍चिचाहिँ हिसिका द्‌याङ वाला? गिर्‍हि ताइको साअ्‌को गोताङ कामकाजको जिमा पिकान्‍हुसो वा बो कामत्‍यागेलाइहेङ उचित पहरता चाका इन्‍तिजाम पापिखे।

1 कोरिन्थि 4:2

कालाउ इदोइ कामको खाङकाखुङका पाका जिमा निङका द्‌याङ खान्‍धुरलाएक हिलिगोयाङ।

कलस्सि 1:7

इदोइ रेम्‍काबानाल नेलाइ इपाफ्राससो धिरका हिसुन्‍हा। वा केलाइदोफाङ काम पाखे रो केलाइ वासेहेङ माया पान्‍हाखे। केलाइको भाअ्‌सिङ वा ख्रिस्‍टको खान्‍धुरलाएक चाकर एइ।

1तिमोथि 1:12

काङको कामता कासेहेङ बल पिका केलाइको प्रभु इसु ख्रिस्‍टहेङ का च्‍याबास चार्‍हाइखा। वा कासेहेङ खान्‍धुर पातेङ दोङ ताइको कामता लागाइहि।

1तिमोथि 1:18

खान्‍धुरता काङको जातिङको चान तिमोथि, हेन्‍जाङलाम्‍फा नाङको बारेता धुइका आगाधुइ माफिक का नासेहेङ हुकुम पिखा। इङको काथागेलाइ फोम पातेङ रेम्‍का बानालको भाअ्‌सिङ रेम्‍का धुम पालि दोसु।

1तिमोथि 4:14

नाङको निङका बरदानहेङ काम मालागेका दोअ्‌तेङ बादनाम मापा। जेदोङ दान मन्‍डलिको आगुवागेलाइ नार्‍हुता खुर ताअ्‌तेङ आगाधुइलाउ ना निङका हिघान्‍हा।

1तिमोथि 4:6

ना इदोइ काथा खान्‍धुरिगेलाइहेङ धिरपान्‍हा पानु ना ख्रिस्‍ट इसुको रेम्‍का चाकर जेनाना। नाङको पाका खान्‍धुर रो रेम्‍का बिद्‌याता ना बाराकाताङ हानेका हिन्‍हा दोअ्‌का काथा या तिङपाखे।

1तिमोथि 5:22

हातार पातेङ हासुहेङ मन्‍डलिको आगुवा माबान्‍हाइ। बो द्‌याङगेलाइको कुकरमता भाग मार्‍हु रो ताइको ज्‍यान सुदो ताअ्।

1तिमोथि 6:12

ना खान्‍धुर पाका काथाता रेम्‍फा चले रो असिम ज्‍यानहेङ रिम्‍तेङताअ्, याकोङ भाअ्‌सिङ परमेस्‍वर नासेहेङ काइका हिघाहि। कालाउ ना बुङ हेन्‍जाङ द्‌याङगेलाइको आगाता ताइको खान्‍धुरको दासि पिका हिघान्‍हा।

2 तिमोथि 3:10

कालाउ ना चाहिँ काङको बिद्‌या, काङको आनिबानि रो बिचारहेङ र्‍हुका हिना। काङको खान्‍धुर, सहेका सरबङ, दाया रो धिरताहेङ तिङकाङ हिन्‍हा।

2 तिमोथि 3:14

कालाउ नाचाहिँ ताइको बिद्‌या निङतेङ खान्‍धुर पाका सतता लागेतेङहि। हासुहासुसो ना बिद्‌या निङन्‍हा, इदोइ ना ताइमिङ गेखेना।