2 तिमोथि 2:15 - धिमाल

¹⁵ लेदेरलि मागोइका रो सतको बानालहेङ उचितसो चालाइका चाकरभाइपाङ परमेस्‍वरहेङ मोन्‍दाताका पातेङ वाको आगाता वाकोङ काथा धुइलि त्‍यार हितेङहिलि चेस्‍ता पा।

Dhimal NT

¹⁵ ताइमिहेङ लेदेरपालि मागोइका कालाउ सत्येको सन्देसहेङ ठिक तरिकासो धिरपालि दोका काम पाकालाइ भाइपाङ नाअ् बुङ थाङका परिस्रोम पालि गोइखे कालाउकि परमेस्वर नासेहेङ पुर्न रुपता सुइकार पाको।

2 तिमोथि 2:15 Iomraidhean Croise

मत्‍ति 13:52

कालाउ इसु एम्‍बालाइहेङ दोअ्‌हि, “इदोइखातिर सादेलको सारभिको बिद्‍या निङका झाराङ धरममास्‍टर एमि साअ्‌को गिर्‍हिभाइका एइ। जाइ ताइको भाकारसो नावा रो पुर्ना जाङका आनेमानेगेलाइ बाहार ओल्‍हेपाखे।”

मर्कुस 4:33

द्‍याङगेलाइ गेलि द्‍वाको दोअ्‌तेङ दोकाथिकापा इसु इसिकाङ हेन्‍जा तुलनागेलाइ पितेङ एम्‍बालाइहेङ कथन हिङपाहि।

लुका 12:42

प्रभु दोअ्‌हि, “आकिलहिका रो कामता साअ्‌लिदोका खाजान्‍चिचाहिँ हिसिका द्‌याङ वाला? गिर्‍हि ताइको साअ्‌को गोताङ कामकाजको जिमा पिकान्‍हुसो वा बो कामत्‍यागेलाइहेङ उचित पहरता चाका इन्‍तिजाम पापिखे।

साल्न्हाका चात्या 2:22

“इस्राएलिको द्‍याङगेलाइ, इदोइ काथा हिङसु, नासरतको इसु इसिका द्‍याङ हिघाहि, जाइहेङ परमेस्‍वर सरबङहिका कामगेलाइ, भारभुसाइका कामगेलाइ रो चिनोगेलाइसो नेलाइको आगाता साबित पाहि।

साल्न्हाका चात्या 20:27

हाइदोनु परमेस्‍वर केलाइको भाअ्‌सिङ पालिखाङका हिदिङ काथा बुङ मादाइपासिङ का नेलाइहेङ गोताङ दोअ्‌पिहोइका।

1 कोरिन्थि 2:6

कौलाउबुङ खान्‍धुरता पुर्‍हिकालाइदोफा केलाइ आकिलको काथा पान्‍हाखे, कालाउ इङको आकिल इदोइ जुकको माको। इदोइ जुकता राज पाकालाइको आकिल बुङ माको। इदोइ राज पाकालाइ ते जोकसोङ सितेङ हानावा।

गलाति 1:10

का नेलाइहेङ दोअ्‌खा, एला का द्‍याङगेलाइको चितबुझिपालि माको, कालाउ का ते परमेस्‍वरको चित बुझिपालि भो:खा। एदि का द्‌याङगेलाइको चित बुझिपालि भो:का हिनु का ख्रिस्‍टको चाकर जेङलि दोङ मादोधाङका।

1 थेस्लोनिकि 2:4

परमेस्‍वर केलाइहेङ खान्‍धुर पातेङ दोङ रेम्‍काबानाल हिम्‍पाका जिम्‍मा पिहि। इदोङखातिर केलाइ वाको लाल्‍साता धुइन्‍हाखे। केलाइ द्‍याङगेलाइहेङ माको कालाउ बुङ केलाइको मन जाचेका परमेस्‍वरहेङ लेङचा पालि भोन्‍हाखे।

1 थेस्लोनिकि 5:14

दादाओने बाइओनेगेलाइ, केलाइ नेलाइहेङ आर्ति पिन्‍हाखे, कामपालि कुर्‍यागेलाइहेङ चेतानि पिसु। हारेस चाकालाइहेङ हाउसा पिसु, हाइदोङ पालि मादोकालाइहेङ मदत पासु रो झाराङदोफा सहेलिदोका तिङपासु।

1तिमोथि 4:6

ना इदोइ काथा खान्‍धुरिगेलाइहेङ धिरपान्‍हा पानु ना ख्रिस्‍ट इसुको रेम्‍का चाकर जेनाना। नाङको पाका खान्‍धुर रो रेम्‍का बिद्‌याता ना बाराकाताङ हानेका हिन्‍हा दोअ्‌का काथा या तिङपाखे।

याकुब 1:12

जाइ तु: पिर सहेलि दोखे इङको द्‌याङ सहसाम्‍पा निङका हिखे। जाइ जाँचता थिर हिखे रो परमेस्‍वरहेङ माया पाखे इङको वा कबोल पाका ज्‍यानको ताज निनावा।

याकुब 1:18

केलाइ सिरजाइको लाङ सेकागेलाइभाइपाङ जेङलि द्‌वाको दोअ्‌तेङ वा ताइकोङ लाल्‍सासो सत कथनहोइ केलाइहेङ नावा पातेङ सिरजाइका हि।

२ पत्‍रुस 1:10

इदोइखातिर दादाओने बाइओनेगेलाइ, नेलाइको काइन्‍हाका रो साल्‍का निधो पालि आरोङ बोल्‍याका जेङसु। हाइपानु इदोइ काथा पासुन्‍हा पानु नेलाइ हेअ्‌लाउ बुङ परमेस्‍वरसो दुरे माजेङस्‍वाना।

२ पत्‍रुस 1:15

काङको इदोइ जिउ लाअ्‍कान्‍हुअ्‌सो बुङ नेलाइ इदोइ काथाहेङ हिदिङ बुङ पहर फोमपालि दोसु दोअ्‌तेङ का दोअ्‌तेङ ह्‍याङका।

२ पत्‍रुस 3:14

इदोइखातिर मोन्‍दाताकालाइ, नेलाइ इदोइ काथाहेङ र्‍हुमकालाइ हिनाङसिङ, वाको नजरता नेलाइ दागा माकोनु दुस मान्‍थुकालाइ रो सान्‍तिता हिलि बल पासु।