2 तिमोथि 2:11 - धिमाल

¹¹ इदोइ धुइका काथागेलाइ जातिङको: “केलाइ वाकोदोफाङ सिन्‍हाहि पानु, आरोङ केलाइ वादोफाङ सिन्‍हुताङ।

Dhimal NT

¹¹ इदोइ भनाइ सत्ये हि, कालाउ यासेहेङ खाङधुरि पालि द्वाङ, जेसापा केलाइ ख्रिस्ट दोफा सिकानु, केलाइ बुङ वाको दोफाङ बान्चियाङ।

2 तिमोथि 2:11 Iomraidhean Croise

युहन्‍ना 14:19

एला आधे पहरन्‍हुअ्‌सो दुनिया कासेहेङ हेअ्‌लाउ मातिनावा, कुलाउ नेलाइ कासेहेङ तिङस्‍वाना। का सिन्‍हुका जेङका हिनाङ, नेलाइ बुङ सिन्‍हुतेङ हिस्‍वाना।

1 थेस्लोनिकि 4:17

कालाउ केलाइ सिन्‍हुतेङहिका रो लाअ्‌धिन्‍हाकालाइ प्रभुहेङ आदेलता दुसुलि एम्‍बालाइ दोफादोफाङ बादेलता तोल्‍हेन्‍हातेङ चुम्‍पुन्‍हास्‍वाना रो एसापा केलाइ दिनाङ प्रभुदोफाङ ह्‍याङ।

1 थेस्लोनिकि 5:10

वा लोलाउ केलाइ सिलाउ बुङ, बान्‍चेलाउ बुङ वादोफाङ सिन्‍हुलि द्‍वाको दोअ्‌तेङ प्रभु इसु केलाइको बादालाता सिहि।

1तिमोथि 1:15

ख्रिस्‍ट इसु कुकरमिगेलाइहेङ दोङ सिन्‍हुपालि इदोइ दुनियाता लोका, इदोइ झाराङ साअ्‌लिगोइका जातिङको काथा। कालाउ कुकरमिगेलाइता काचाहिँ झाराङखान्‍तेङ कुकरमि द्‌याङ।

1तिमोथि 3:1

इदोइ काथा जातिङको, एदि हासुङ मन्‍डलिता आगुवाको काम पालि लाल्‍सा ताअ्‌खे पानु इङकोको बिचार रेम्‍काङ।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।