2 तिमोथि 2:10 - धिमाल

¹⁰ इदोइभाअ्‌सिङ परमेस्‍वरको साल्‍का वाको द्‌याङगेलाइको भाअ्‌सिङ ख्रिस्‍ट इसुसो निङका छुटकारा रो हेअ्‌लाउ बुङ माओताका प्रताप निङलि द्‍वाको दोअ्‌तेङ का इदोइ तु: भोगेदोङखा।

Dhimal NT

¹⁰ ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

2 तिमोथि 2:10 Iomraidhean Croise

मत्‍ति 24:22

इङको दिना मापोतोपाका हिनु हासुङ द्‌याङ सिन्‍हुलि मादोधावा, कालाउ बुङ साल्‍तेङ दिङगिल्‍कालाइको भाअ्‌सिङ इङको दिना पोतोपावा।

मत्‍ति 24:24

हाइपानु ‘कादोङ ख्रिस्‍ट’ हिघा दोअ्‌तेङ रो ‘कादोङ आगाधुइका’ हिघा दोअ्‌तेङ ढाटाइकालाइ ओल्‍हेतेङ लावा। जेङलि दोनु साल्‍तेङ दिङगिल्‍कालाइहेङ बुङ भाडकाइलि बाबारका भारभुसाइका काम रो सरबङको कामगेलाइ तिङपावा।

मत्‍ति 24:31

वा ताइको सादेलचरगेलाइहेङ धुतुरुको बारा गालाता दिङगिलावा। एम्‍बालाइ आतेललेता हिका सुमिङको चारपाहाङसो वाको साल्‍कालाइहेङ जोम्‍पावा।

लुका 18:7

एन्‍सा दोङ न्‍हिसिङ नितिमा परमेस्‍वरहेङ पुकारा पाकालाइ ताइको जनगेलाइहेङ वा न्‍याय मापाप्‍यावा कुनु? हाइ वा ताइ द्‍याङगेलाइहेङ मदत मापासिङ खाङतेङ खिनिङ ह्‍यावा कुनु?

लुका 22:57

कालाउ पत्‍रुस दोअ्‌हि, “आनाउ, का वासेहेङ मानाल्‍खा।”

युहन्‍ना 11:52

यहुदि जात्‍यागेलाइको भाअ्‌सिङ खिनिङ इङको इदोइ दोअ्‌का मान्‍थुघाहि, कुलाउ राइन्‍हातेङ हिका परमेस्‍वरको चानचामिन्‍दिगेलाइहेङ एदोसाङ जोम्‍पालि इदोइ दोअ्‌का हिघाहि।

युहन्‍ना 17:24

“आबा, का लाल्‍सा पाखा, ना कासेहेङ पिकालाइ का जेता हिघा एम्‍बालाइ कादोफाङ ह्‍याको रो काङको प्रताप तिनाको। जेदोङ प्रताप दुनियाको सिरजाइ जेङका लाम्‍फासो दोङ कासेहेङ इन्‍ताना पाका हिनाङ ना कासेहेङ पिका हिघान्‍हा।

युहन्‍ना 17:9

का दुनियाको भाअ्‌सिङ पुकार मापाखा, कुलाउ का एम्‍बालाइको भाअ्‌सिङ पुकार पाखा, जाइहेङ ना कासेहेङ पिका हिन्‍हा। हाइदोनु एम्‍बालाइ नाङकोङ एइ।

1 कोरिन्थि 1:21

दुनियाको द्‍याङगेलाइ ताइकोङ आकिलहोइ परमेस्‍वरहेङ नाल्‍लि माद्‌वाङ दोअ्‌का काथा परमेस्‍वर ताइको आकिलहोइ निधो पाहि। कालाउ इङकोको बादाला केलाइको पारचार पाका निरबुदि काथासो दोङ खान्‍धुर पाका द्‍याङगेलाइहेङ सिन्‍हुपालि विचार पाहि।

1 कोरिन्थि 9:22

का निरधो द्‌याङगेलाइको माझाता काम पालाउ एम्‍बालाइ ख्रिस्‍टता खान्‍धुर पाको दोअ्‌तेङ का बुङ एम्‍बालाइ भाइपाङ निरधो जेङखा। एसापा झाराङ द्‌याङगेलाइ ख्रिस्‍ता नावा ज्‍यान निनाको दोअ्‌तेङ का द्‌याङगेलाइको आगाता गोताङ थोक जेङघा।

कलस्सि 1:24

इदोइ पहरता का नेलाइको भाअ्‌सिङ तु: भोगेलि गोइलाउ का लेङचाका हिघा। हाइदोनु ख्रिस्‍टको जिउको भाअ्‌सिङ माकोनु मन्‍डलिको भाअ्‌सिङ भोगेलि गोइका तु:गेलाइ का काङको जिउता भोगितेङ पोङघा पाङका।

कलस्सि 1:27

एम्‍बालाइहेङ झाराङ द्‍याङगेलाइको भाअ्‌सिङ इङको लिअ्‌ताको काथा हेथे बाराका हि दोअ्‌तेङ हेपिका परमेस्‍वरको उपाइ हिघाहि। कालाउ इङको लिअ्‌ताको काथाचाहिँ इदोङ एइ: ख्रिस्‍ट नेलाइको मनता हि रो नेलाइको मानता बासा ह्‍यावा।

1 थेस्लोनिकि 5:9

हाइपानु परमेस्‍वर केलाइर्‍हुता ताइको चेर हुपिलि साल्‍का माको, कालाउ प्रभु इसु ख्रिस्‍टसो छुटकारा निङलि लाम्‍फासोङ साल्‍का।

2 थेस्लोनिकि 2:14

याकोङ भाअ्‌सिङ केलाइको हिङपाका रेम्‍काबानालसो परमेस्‍वर नेलाइहेङ काइहि। एन्‍साङ पातेङ नेलाइ केलाइको प्रभु इसु ख्रिस्‍टको प्रताप निङलि दोस्‍वाना।

2 तिमोथि 1:1

परमेस्‍वरको लाल्‍साहोइ ख्रिस्‍ट इसुता हिका ज्‍यानको कबोलको बारेता हिङपालिको भाअ्‌सिङ का पावल ख्रिस्‍टको साल्‍तेङ दिङगिल्‍का जेङका।

2 तिमोथि 2:1

काङको चान तिमोथि, नाचाहिँ ख्रिस्‍ट इसुको पिका निगाहाहोइ बोल्‍याका जेङ।

2 तिमोथि 2:3

ख्रिस्‍ट इसुको रेम्‍का रो जातिङको सिपाल्‍हाइ जेङतेङ ना बुङ तु: ल्‍होपा।

तितस 1:1

का पावल परमेस्‍वरकोङ बान्‍धाइ रो ख्रिस्‍ट इसुकोङ साल्‍तेङ दिङगिल्‍का इदोइ चिथि लेखेदोङखा। परमेस्‍वर कासेहेङ साल्‍हि रो वाको साल्‍तेङ दिङगिल्‍कालाइको खान्‍धुर बार्‍हेपालि दिङगिल्‍हि। कालाउ परमेस्‍वरहेङ मोन्‍दाताका ज्‍यानदोफा मिलिका सतभारि एम्‍बालाइहेङ थुकापालि बुङ कासेहेङ खाटाइहि।

1पतरुस 2:10

लाम्‍फा ते नेलाइ परमेस्‍वरको राइति मान्‍थुसुघान्‍हा, कालाउ एला नेलाइ वाको राइति जेङका हिसुन्‍हा। ए पहर ते नेलाइ परमेस्‍वरको दाया निङका मान्‍थुसुघाना, कालाउ एला नेलाइ दाया निङका हिसुन्‍हा।

1पतरुस 5:10

हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।