2 तिमोथि 1:8 - धिमाल

⁸ एन्‍साङ केलाइको प्रभुको दासि पिलि रो का वाको भाअ्‌सिङ थुना निन्‍चाकाता मालेदेर भुरुङ ना बुङ परमेस्‍वरको सरबङता रेम्‍काबानाल हिङपालि तु: ल्‍होपा।

Dhimal NT

⁸ ओदोङ भाअ्सिङ केलाइको प्रभु येसु ख्रिस्टको बारेता द्‍याङगेलाइहेङ साक्सि पिलि मालेदेरसु। कालाउ का कैदता हिघा दोअ्तेङ बुङ मालेदेरसु, भरु परमेस्वर नेलाइहेङ पिका सरबुङ प्रयोग पालि गोइखे, कालाउ सुसमाचारको भाअ्सिङ काङको दुखता झ्वाइका जेङसु।

2 तिमोथि 1:8 Iomraidhean Croise

मर्कुस 8:38

कालाउ इदोइ दुराचारि रो निठुरि पुस्‍ताता जाइ कासो रो काङको कथनसो लेदेरावा, का द्‍याङको चान बुङ आबाको प्रतापता पुनित सादेलचरदोफा लोलाउ इङकोसो लेदेराङका।”

लुका 9:26

हाइदोनु जाइ द्‌याङ काङको मिङ रो काङको बिद्‌यादोसा लेदेरावा, का द्‌याङको चान बुङ काङको रो परमेस्‍वर आबाको कालाउ पुनित सादेलचरगेलाइको प्रताप चुमतेङ लोलाउ वासेहेङ ताइको द्‌याङ दोअ्‌लि लेदेराङका।

युहन्‍ना 15:27

नेलाइ लाम्‍फासो दोङ कादोफा हिका हिनाङसिङ नेलाइ बुङ काङको दासि जेङस्‍वाना।”

युहन्‍ना 19:35

नेलाइ बुङ खान्‍धुर पालि दोसु दोअ्‌तेङ इदोइ तिङकालाइ दासि पिका एइ रो वाको दासि जातिङको हि रो जातिङको धुइखा दोअ्‌तेङ वा गेखे।

साल्न्हाका चात्या 5:41

कोलाउ इसुको मिङता दुत्‍कार सहिका जेङन्‍हाहि दोअ्‌का काथाता लेङचातेङ एम्‍बालाइ बाराकचहरिसो ओल्‍हेतेङ हानेहि।

1 कोरिन्थि 1:6

हाइपानु ख्रिस्‍टको बारेता पिका दासि सत हि दोअ्‌तेङ परमेस्‍वर नेलाइता तिङपाहि।

फिलिप्पि 1:7

नेलाइको बारेता इसिकाङ बिचार पालि कासेहेङ उचित लागेहि। हाइदोनु का नेलाइहेङ ताइको कोन्‍धाङसोङ माया पाखा। कालाउ का थुनाता हिलाउ बुङ, बाहार हिलाउ बुङ नेलाइ कासेहेङ रेम्‍काबानाल पारचारपालि रो इदोइहेङ जोगाइलि परमेस्‍वरको पिका इदोइ गोताङ निगाहाता नेलाइ कादोफाङ भाकर्‍हुका हिसुन्‍हा।

फिलिप्पि 3:10

का ख्रिस्‍टहेङ नाल्‍लि रो वासेहेङ सिकासो आरोङ सिन्‍हुपाका सरबङहेङ गिलि भोखा। कालाउ वा तु: पिर भोगिका भाइपाङ का बुङ तु: पिर भोगितेङ वाको सिकाता वा भाइपाङ जेङलि भोखा।

फिलिप्पि 4:13

ख्रिस्‍टको पिका सरबङहोइ दोङ इदोइ गोताङ काथा पालि द्‌वाङका।

कलस्सि 1:11

परमेस्‍वरको बाराका सरबङको भान्‍डारसो लोका सरबङ निङतेङ नेलाइ बोल्‍याका जेङसु दोअ्‌का केलाइको पुकार हि। एन्‍सा जेङहि पानु नेलाइ गोताङ काथा लेङचातेङ थिर जेङतेङ सहिलि दोस्‍वाना।

कलस्सि 1:24

इदोइ पहरता का नेलाइको भाअ्‌सिङ तु: भोगेलि गोइलाउ का लेङचाका हिघा। हाइदोनु ख्रिस्‍टको जिउको भाअ्‌सिङ माकोनु मन्‍डलिको भाअ्‌सिङ भोगेलि गोइका तु:गेलाइ का काङको जिउता भोगितेङ पोङघा पाङका।

1 थेस्लोनिकि 3:4

हाइपानु जेलाउ केलाइ नेलाइदोफा हिघान्‍हाहि, कोलाउ नेलाइ तु: भोगेलिङगोयाङ दोअ्‌तेङ केलाइ लाम्‍फासोङ दोअ्‌का हिघान्‍हाहि। इङको जातिङकोङ जेङलि बुङ लोहि, इङको नेलाइ गेसुखेना।

1तिमोथि 2:6

झाराङ द्‍याङगेलाइहेङ सिन्‍हुपालि वा भोक जेङहि। परमेस्‍वर झाराङ द्‌याङ सिन्‍हुका लाल्‍सापाखे दोअ्‌का काथाको दासि इदोइ दोङ।

2 तिमोथि 1:10

जेदोङ निगाहा केलाइहेङ छुटकारापिका प्रभु इसु ख्रिस्‍ट लोकान्‍हुअ्‌सो देखाल जेङका। वा दोङ सिकाहेङ मुअ्‌पाहि रो रेम्‍काबानालसो हेअ्‌लाउ मासिका ज्‍यान तिङपाहि।

2 तिमोथि 1:12

इदोइभाअ्‌सिङ का इदोइ काथागेलाइता तु: भोगेदोङखा। कालाउ का इदोइता मालेदेरखा हाइदोनु का हासुता खान्‍धुर पाका हिघा इङको का गेखा। परमेस्‍वर कासेहेङ जिमा लागाइका काथाहेङ वा दोङ ख्रिस्‍ट मालोपाधाउ जोगाइतेङ ताअ्‌तावा। इदोइता का ढुक हिघा।

2 तिमोथि 1:16

ओनेसिफरसको जाहानता प्रभुको दाया ह्‍याको हाइदोनु इङको कासेहेङ हेन्‍जाङ खेप हाउसाला पिहि। कालाउ का थुनाता झिन्‍जिरिता धेउन्‍हातेङ हिलाउ बुङ इङको मालेदेरहि।

2 तिमोथि 2:3

ख्रिस्‍ट इसुको रेम्‍का रो जातिङको सिपाल्‍हाइ जेङतेङ ना बुङ तु: ल्‍होपा।

2 तिमोथि 2:8

ख्रिस्‍टहेङ फोम पा, वा सिकासो सिन्‍हुहि। वाचाहिँ राजा दाउदको बङसावलि हिघाहि, का पारचार पाका रेम्‍काबानाल इदोइ दोङ।

2 तिमोथि 2:9

इङकोङ रेम्‍काबानाल पारचार पाका हिनाङ का तु: भोगेका। इङकोझोको खिनिङ माको, आपराधि भाइपाङ झिन्‍जिरिता धेउन्‍हातेङ का थुना निङचाका हिघा। कालाउ रेम्‍काबानालचाहिँ थुनिन्‍हाका मान्‍थु।

2 तिमोथि 4:17

कोलाउबुङ प्रभु दोङ काङको दोसा हितेङ कासेहेङ सरबङ पिहि। एन्‍साङ का बो जात्‍याको द्‌याङगेलाइहेङ परमेस्‍वरको रेम्‍काबानाल रेम्‍फा हिङपालि दोघा। एसापा वा कासेहेङ सिकासो सिन्‍हुपाहि।

2 तिमोथि 4:5

कालाउ नाचाहिँ गोताङ काथाता बोल्‍याका जेङतेङ हि। तु: सहेका जेङ, रेम्‍काबानाल पारचार पा रो परमेस्‍वर नासेहेङ पिका गोताङ कामको जिमा पोङघा पा।

1पतरुस 1:5

नेलाइ आखिरि पहरता देखाल जेङलि तोम्‍का छुटकाराको भाअ्‌सिङ खान्‍धुरसो परमेस्‍वरको सरबङसो सामर्‍हाइतेङ ताअ्‌न्‍हाका हिसुन्‍हा।

१ युहन्‍ना 4:14

केलाइ तिङका हिन्‍हाहि रो दासि पिन्‍हाखे, परमेस्‍वर आबा ताइको चानहेङ दुनियाको छुटकारापिकाको आकारता दिङगिल्‍का एइ।