2 तिमोथि 1:7 - धिमाल

⁷ हाइदोनु परमेस्‍वर केलाइहेङ थिकाको हाङसा माको कालाउ सरबङ, माया कालाउ ताइमिङहेङ आधिनता ताअ्‌का हाङसा पिका हि।

Dhimal NT

⁷ हाइपालिपानु परमेस्वर केलाइहेङ थिका आत्मा माको, कालाउ केलाइहेङ सरबुङ, प्रेम कालाउ ताइमिहेङ काबुता ताअ्का आत्मा पिका हि।

2 तिमोथि 1:7 Iomraidhean Croise

लुका 10:19

हिङसु, का नेलाइहेङ पुय्हाँ रो बिच्‍छिहेङ याङतेङ हिगिल्‍का सरबङ कालाउ दुस्‍मनको गोताङ सरबङहेङ जितिका खाबरा पिका हिघा। हिदोइ बुङ काथाहोइ नेलाइहेङ नोक्‍सान मापावा।

लुका 15:17

“इङको पहर खिनिङ वाको चेत खुलिहि कालाउ वा ताइको मनता दोअ्‌हि, ‘काङको आबाकोता कामत्‍यागेलाइ हेमुङ भेल्‍पाङ चातेङ बुङ दाइघाखे। का खिनिङ इता म्‍हितुपाङ हितेङ सिलि तोम्‍होइका।

लुका 24:49

कालाउ हिङसु, काङको आबाको पाका बाचा का नेलाइकोता पिगिलाङका। कालाउ र्‍हुतासो सरबङ मानिङपाधाउ नेलाइ इदोइ पुरता हिसु।”

लुका 8:35

इङकोन्‍हुअ्‌सो हेन्‍जाङ द्‌याङगेलाइ हाइ जेङहि दोअ्‌तेङ इसुकोता खाङलि लोहि। कालाउ लाम्‍फा मासान सान्‍ताइका द्‌याङहेङ एल्‍तेङ एला धाबा लागाइतेङ इसुको खोकोइ भेर्पा योम्‍तेङहिका एम्‍बालाइ तिङहि। इङको तिङतेङ एम्‍बालाइ झाराङ थिहि।

युहन्‍ना 14:27

“सान्‍ति का नेलाइदोफा लाअ्‌ध्‍याङका। का ताइको सान्‍ति नेलाइहेङ प्‍याङका, कुलाउ दुनियाको पिकाभाइपा माको। नेलाइको कोन्‍धाङ बिकल माज्‍याको रो थिलिगोइका माज्‍याको।

साल्न्हाका चात्या 1:8

कुलाउ पुनित हाङसा नेलाइर्‍हुता लोकान्‍हुअ्‌सो नेलाइ सरबङ निङस्‍वाना। इङकोन्‍हुअ्‌सो नेलाइ यरुसलेमता, गोताङ यहुदिया रो सामरिया माउजाता कालाउ सुमिङको कोन्‍हाथिकापा काङको दासि जेङस्‍वाना।”

साल्न्हाका चात्या 10:38

परमेस्‍वर नासरतको इसुहेङ ताइकोङ पुनित हाङसा रो सरबङ वाता हुपिन्‍हा। परमेस्‍वर वाकोदोफा हिनाङसिङ वा भालाइको काम पातेङ दियाबलससो सान्‍ताइन्‍हाकालाइहेङ एल्‍पातेङ हिगिल्‍हि। हाइपानु परमेस्‍वर वाको दोफा हिघाहि।

साल्न्हाका चात्या 20:24

कुलाउ काङको ज्‍यान ताइको भाअ्‌सिङ हिदिङ मोलको मान्‍थु। का इदोइझोको खिनिङ भोखा, परमेस्‍वर द्‍याङगेलाइहेङ दायापाका हि दोअ्‌का रेम्‍काबानाल पारचार पाका कामहेङ का पुरा पालि द्‍वाको, जेदोङ कामचाहिँ प्रभु इसु दोङ कासेहेङ आर्‍हाइका हि।

साल्न्हाका चात्या 21:13

कुलाउ पावल दोअ्‌हि, “नेलाइ हाइपालि खारतेङ काङको मन तु:पापिसुखेना? का यरुसलेमता धेउन्‍हालि खिनिङ माको, कुलाउ प्रभु इसुको भाअ्‌सिङ सिलि बुङ त्‍यार हिघा।”

साल्न्हाका चात्या 26:11

हेन्‍जाङखेप का ओबालाइहेङ इसुको बारेता मारेम्‍का काथा दोअ्‌लि लागाइघा कचहरिसाअ्‌गेलाइता जबरजस्‍ति पातेङ डाँड पिलि लागाइघा। का ओबालाइदोफा चेरताम्‍पातेङ बो मुलुकको पुरगेलाइता बुङ हानितेङ का ओबालाइहेङ सान्‍ताइघा।”

साल्न्हाका चात्या 26:25

पावल दोअ्‌हि, “माननिय फेस्‍तस! का उधाइका मान्‍थुघा, का रेम्‍फाङ हिघा रो सत्‍ते काथागेलाइ दोङ पादोङखा।

साल्न्हाका चात्या 6:8

स्‍तिफनस सहसाम्‍पा रो सरबङ निङतेङ द्‍याङगेलाइको माझाता बाबारका सरबङ हिका काम रो चिनोगेलाइ पाहि।

साल्न्हाका चात्या 9:22

कुलाउ साउलको पारचार झन सरबङहिका जेङतेङहानेहि। दमस्‍कसता हिका यहुदिगेलाइहेङ इसु दोङ ख्रिस्‍ट हि दोअ्‌का दासि पिलाउ एम्‍बालाइ हाइदोङ जोबान घुरिपालि मादोहि।

1 कोरिन्थि 2:4

का नेलाइदोफा धुइलाउ रो परमेस्‍वरको रेम्‍काबानाल पारचार पालाउ हेन्‍जा गेका जेङतेङ बाबारका काथागेलाइ मापाघा। कालाउ परमेस्‍वरको हाङसा रो सरबङको पाक्‍का दासि पितेङ का पारचार पाघा।

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

कलस्सि 1:8

नेलाइ पुनित हाङसाको कामसो बोमिगेलाइहेङ माया पासुखेना दोअ्‌तेङ वा दोङ केलाइहेङ हिङपाका एइ।

1पतरुस 1:22

एला नेलाइ सतहेङ साअ्‍तेङ ताइको मन चोखाइका हिसुन्‍हा, कालाउ ताइको दादाओने बाइओनेगेलाइहेङ ताइमिहेङ भाइपाङ इन्‍ताना पासु रो एमि भेनेङहेङ कोन्‍धाङसोङ मान पासु।

१ युहन्‍ना 4:18

मायाता थिका मान्‍थुखे, कालाउ जातिङको माया थिकाहेङ लाअ्‌पाखे। हाइपानु थिकाको सामान्‍दा ते दारदोफा हिखे, कालाउ जाइ थिखे इङको परमेस्‍वरहेङ पोङघापा माया मापाखे।