2 तिमोथि 1:3 - धिमाल

³ काङको आबाखालगेलाइ चाकर पाका भाइपाङ का बुङ सुदो आकिलहोइ परमेस्‍वरको चाकर पाखा कालाउ का नितिमन्‍हिसिङ पुकार पालाउ दिनाङ नासेहेङ फोमपातेङ परमेस्‍वरहेङ च्‍याबास चार्‍हाइखा।

Dhimal NT

³ जेलाउ बुङ का परमेस्वर दोफा प्रार्थाना पाखा दिनाङ नासेहेङ फोम पाखा, का परमेस्वरहेङ धन्यबाद चढाइखा, जाइको सेवा काङको पुर्खागेलाइ पाका भाइपाङ का बुङ सुद्द बिबेकहोइ पाखा।

2 तिमोथि 1:3 Iomraidhean Croise

लुका 2:37

कालाउ वा द्‌याकुरिद्‌या बाअ्‌सार जेङका हिघाखे। वा थान मालाअ्‌सिङ न्‍हिसिङ नितिम म्‍हितुपाङ हितेङ रो पुकार पातेङ परमेस्‍वरहेङ पुजिघाखे।

साल्न्हाका चात्या 22:3

“का किलिकियाको टार्सस पुरता जेङका यहुदि हिघा। कुलाउ का इदोङ यरुसलेम पुरता बारातेङ मास्‍टर गमलिएलको कोल्‍हेता बाराघा। केलाइको पिता पुर्खासो दोङ मानेतेङ लोका धरमकिताबको बिद्‌या का रेम्‍फा धिरका हिघा। नानि नेलाइ परमेस्‍वरहेङ जेथे हाउसाइका तिम्‍पासुन्‍हा, का बुङ इङकोझोकोङ हाउसाइका हिघाखा।

साल्न्हाका चात्या 23:1

पावल कचहरिको चारबितिङ खान्‍तेङ दोअ्‌हि, “दादा ओनेगेलाइ, नानिको दिनाथिकापा परमेस्‍वरको आगाता का सुदो मनपातेङ बान्‍चेतेङ हिघा।”

साल्न्हाका चात्या 24:14

कालाउ बुङ इदोइ काथाचाहिँ का दोअ्‌खा, जेदोङ प्रभुको मुक्‍ति निङका दामाहेङ एम्‍बालाइ ढाटाइका दोअ्‌खे, इङकोङ दामाहेङ पिताइतेङ का केलाइको पुर्खाको परमेस्‍वरहेङ पुजिखा। कालाउ आगाधुइकालाइको लेखेका धरम किताब रो मोसाको पिका गोताङ नियमता का खान्‍धुर पाखा।

साल्न्हाका चात्या 24:16

इदोङखातिर द्‍याङ रो परमेस्‍वर न्‍हेमिको आगाता का ताइको मनहेङ चोखो ताअ्‌लि भोखा।

साल्न्हाका चात्या 26:4

“का ताइको मुलुकता कालाउ यरुसलेम पुरता यहुदि जात्‍याको माझाता दोङ बाराघा। एन्‍सा जेङलाउ यहुदिगेलाइ कासेहेङ जामालसो दोङ रेम्‍फा नाल्‍खे।

साल्न्हाका चात्या 27:23

का परमेस्‍वरको द्‍याङ हिघा रो वाकोङ सेवा पादोङखा। वाकोङ एमि सादेलको काथाचुमाका नानि न्‍हिसिङता काङको भेर्पा लोतेङ

गलाति 1:14

इङको पहर का दोसाङको सानाइतिगेलाइहेङ काल्‍हाङतेङ का यहुदि धरमता आगा लाङका हिघाखा। कालाउ काङको आबा खालको रितता का हेन्‍जाङ जोसिका हिघाखा।

1 थेस्लोनिकि 3:10

नेलाइदोफा दुसुलि द्‍वाको दोअ्‌तेङ केलाइ नितिमन्‍हिसिङ परमेस्‍वरदोफा पुकार पातेङ हिन्‍हाहि। आरोङ बुङ नेलाइदोफा दुसुलि निङनु नेलाइको खान्‍धुरता जेदोङजेदोङ काथाको कमि हि, इङको पोङघालि दोधावा।

1तिमोथि 1:19

ना ताइको खान्‍धुरि रो रेम्‍का आकिलहेङ मालाअ्। आकिलको दोअ्‌का मासाअ्‌लाउ हेअ्‌मिको खान्‍धुर दोङ मुअ्‌तेङ हानेहि।

1तिमोथि 1:5

केलाइको पिका बिद्‍याको मुल काथा दाया पालि इदोइचाहिँ चोखो मन, रेम्‍का बिचार रो जातिङको खान्‍धुरिसो लोखे।

1तिमोथि 5:5

ताइको हासु मान्‍थुका रान्‍दि चाहिँ ताइको आस परमेस्‍वरता खिनिङ ताअ्‌का हिखे। कालाउ इङको नितिमन्‍हिसिङ लागेतेङ परमेस्‍वरता ताइको साहेताको भाअ्‌सिङ पुकार पातेङ हिखे।

2 तिमोथि 1:5

कासेहेङ नाङकोता हिका इङको जातिङको खान्‍धुरको फोम एला बुङ लोतेङ हिखे। नाङको आजाइ लोइसता रो आमाइ युनिसता जातिङको खान्‍धुर हिघाहि। नाता बुङ इन्‍सिकाङ जातिङको खान्‍धुर हिका कासेहेङ फोम हि रो एला बुङ नाता इन्‍सिकाङ खान्‍धुर हि दोअ्‌का का खान्‍धुर पाखा।

2 तिमोथि 3:15

ना आतुइनाङसो पुनित धरमकिताबको काथागेलाइ गिका हिन्‍हा। इदोङ काथाहोइ ख्रिस्‍ट इसुता खान्‍धुर पालाउ निङका छुटकाराबारे गिका आकिल पिखे।