2 तिमोथि 1:12 - धिमाल

¹² इदोइभाअ्‌सिङ का इदोइ काथागेलाइता तु: भोगेदोङखा। कालाउ का इदोइता मालेदेरखा हाइदोनु का हासुता खान्‍धुर पाका हिघा इङको का गेखा। परमेस्‍वर कासेहेङ जिमा लागाइका काथाहेङ वा दोङ ख्रिस्‍ट मालोपाधाउ जोगाइतेङ ताअ्‌तावा। इदोइता का ढुक हिघा।

Dhimal NT

¹² ओदोङ सुसमाचार प्राचार पालिको भाअ्सिङ का झ्यालखानाता कस्ट भोगिलि गोइतेङ हिघा। कालाउ बुङ का मालेदेरखा, हाइपालिपानु का ख्रिस्टहेङ नाल्खा जाइ ह्रुता का भोरोसा बुङ ताअ्का हिघा। कालाउ कासेहेङ इदोइ निसित हि, कि परमेस्वर कासेहेङ जिम्मा पिका काथाहेङ ख्रिस्ट ताइमिङ आरोङ घुरितेङ मालोपा धाउ इङको काथा जोगाइतेङ ताअ्ताङ।

2 तिमोथि 1:12 Iomraidhean Croise

मत्‍ति 12:21

इङकोकोङ मिङता जात्‍या जात्‍यागेलाइ आस ताअ्‌तावा।”

मत्‍ति 24:36

“कालाउ बुङ इङको दिना रो पहर हेअ्‌लाउ ल्‍वाङ इङको हासुङ मागेखे। ना सादेलचरगेलाइ, ना का द्‍याङको चान दोङ गेखा। इदोइ काथाको बारेता परमेस्‍वर आबा खिनिङ गेखे।

मत्‍ति 7:22

इङको दिना हेअ्‌मि कासेहेङ दोअ्‌तावा, ‘प्रभु, प्रभु, हाइ केलाइ नाङको मिङता आगाधुइका माधुइन्‍हाहि? हाइ नाङको मिङता मासानगेलाइ माओल्‍हेपान्‍हाहि? हाइ नाङको मिङता भारभुसाइका कामगेलाइ मापान्‍हाहि कुनु?’

लुका 10:12

का नेलाइहेङ दोअ्‌ताङका, परमेस्‍वरको न्‍यायको दिनाता इङको पुरको द्‍याङगेलाइको पिरखान्‍तेङ भुरु कुकरमसो पोङघाका सदोम पुरको द्‍याङगेलाइको हालत सहिलि दोअ्‌का जेनावा।

लुका 23:46

कालाउ बारा गालापातेङ इसु र्‍हिकाइतेङ दोअ्‌हि, “आबा, का काङको आत्‍माहेङ नाङकोङ खुर्ता पिखा!” इदोइ दोअ्‌तेङ वा सास लाअ्‌हि।

युहन्‍ना 17:15

ना एम्‍बालाइहेङ दुनियासो चुम्‍पु दोअ्‌तेङ का पुकार मापाङका। कुलाउ एम्‍बालाइहेङ दियाबलससो हिफाजत ताअ्‍पि।

युहन्‍ना 6:44

कासेहेङ दिङगिल्‍का आबा मातान्‍हेहि पानु हासु बुङ काता लोलि माद्‌वावा। का इङकोहेङ आखिरि दिनाता सिन्‍हु पाङका।

साल्न्हाका चात्या 13:46

कुलाउ पावल रो बारनाबास माथिसिङ दोअ्‌हि, “परमेस्‍वरको कथन झाराङखान्‍तेङ लाम्‍फा नेलाइहेङ दोङ हिम्‍पालि गोइका हिघाहि। नेलाइ इदोइ हिङलि माकिअ्‌तेङ ताइमिहेङ हेअ्‌लाउ मासिका ज्‍यान निङलि लायक बान्‍हाइनाङ केलाइ एला बोजात्‍यागेलाइकोता हानाङ।

साल्न्हाका चात्या 13:50

कुलाउ पावल रो बारनाबासको खिलाप यहुदिगेलाइ परमेस्‍वरहेङ मानेका, मिङचलेका बेबालाइ रो पुरको मुलमुल द्‍याङगेलाइहेङ उल्‍काइतेङ ओबालाइहेङ ताइको साधसिमानासो बाहार गिल्‍गिल्‍हि।

साल्न्हाका चात्या 21:13

कुलाउ पावल दोअ्‌हि, “नेलाइ हाइपालि खारतेङ काङको मन तु:पापिसुखेना? का यरुसलेमता धेउन्‍हालि खिनिङ माको, कुलाउ प्रभु इसुको भाअ्‌सिङ सिलि बुङ त्‍यार हिघा।”

साल्न्हाका चात्या 7:59

जेलाउ एम्‍बालाइ स्‍तिफनसहेङ उन्‍ठुइ तोतेङ हिघाखे, कोलाउ वा पुकार पाहि, “ओइ प्रभु इसु, काङको हङसहेङ र्‍हुपि।”

साल्न्हाका चात्या 9:16

हाइपानु काङको मिङको भाअ्‌सिङ वा हेथे पिर सहेलिगोयाङ, इङको का वासेहेङ तिम्‍पाङका।”

1 कोरिन्थि 1:8

केलाइको प्रभु इसु ख्रिस्‍ट लोका दिनाता नेलाइ दुस मान्‍थुका जेङसु दोअ्‌तेङ वा नेलाइहेङ न्‍हुअ्‌थिकापाङ बोल्‍याका बान्‍हायावा।

1 कोरिन्थि 3:13

झाराङ द्‍याङगेलाइको पाका रेम्‍का मारेम्‍का कामगेलाइ परमेस्‍वरको निया पाका दिनाता जाचेन्‍हावा। हाइदोनु इङको दिना एम्‍बालाइको पाका कामगेलाइ हिसिका हि दोअ्‌तेङ मेहोइ जाचेन्‍हावा।

फिलिप्पि 1:20

काङको बाराका लाल्‍सा रो आसचाहिँ इदोइ एइ, का परमेस्‍वरको आगाता हेअ्‌लाउ मालेदेराङका। कालाउ लाम्‍फा भाइपाङ एला बुङ का परमेस्‍वरको कथन हिङपालि हिमत निङतेङ ह्‍याङका। कालाउ का सिन्‍हुलाउ बुङ, नासालाउ बुङ काङको ज्‍यान ख्रिस्‍टको मानको भाअ्‌सिङ ज्‍यावा।

फिलिप्पि 3:10

का ख्रिस्‍टहेङ नाल्‍लि रो वासेहेङ सिकासो आरोङ सिन्‍हुपाका सरबङहेङ गिलि भोखा। कालाउ वा तु: पिर भोगिका भाइपाङ का बुङ तु: पिर भोगितेङ वाको सिकाता वा भाइपाङ जेङलि भोखा।

फिलिप्पि 3:21

वादोफा गोताङ थोकगेलाइ र्‍हुता राज पाका सरबङ हि। इङकोङ सरबङहोइ दोङ वा केलाइको इदोइ सिका जिउहेङ वाको भाइपाङ प्रतापि जिउ बान्‍हायावा।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

1 थेस्लोनिकि 2:16

बोजात्‍यागेलाइको छुटकारा ज्‍याको दोअ्‌तेङ एम्‍बालाइदोफा धुइलि केलाइहेङ खिचोला पिहि। एसापा एम्‍बालाइ झन झन हेन्‍जाङ कुकरम पाकाताङ हानेहि। कालाउ आखिरता परमेस्‍वरको चेर एम्‍बालाइर्‍हुता परेका हि।

1 थेस्लोनिकि 5:4

कालाउ दादाओने बाइओनेगेलाइ, नेलाइ कितिकितिकाता मान्‍थुसुन्‍हा, एन्‍साङ प्रभु लोका दिना नेलाइहेङ खुकाभाइपाङ उदेक मापावा।

1तिमोथि 6:20

मोन्‍दाताका तिमोथि, नाङको जिमाता पिका काथाहेङ रेम्‍फा खाङकाखुङका पा। हेथे द्‌याङगेलाइ दुनियाको निरबुदि काथा रो आकिल दोअ्‌तेङ साअ्‌का असत काथागेलाइसो फारापा हि।

2 तिमोथि 1:14

नाङको जिमाता पिका रेम्‍का काथागेलाइहेङ केलाइलिअ्‌ताङ बासा हिका पुनित हाङसाको सरबङहोइ जोगाइतेङताअ्।

2 तिमोथि 1:16

ओनेसिफरसको जाहानता प्रभुको दाया ह्‍याको हाइदोनु इङको कासेहेङ हेन्‍जाङ खेप हाउसाला पिहि। कालाउ का थुनाता झिन्‍जिरिता धेउन्‍हातेङ हिलाउ बुङ इङको मालेदेरहि।

2 तिमोथि 1:18

ख्रिस्‍ट लोका दिनाता प्रभुसो इङको निगाहा निङलि द्‍वाको। एफिससता हिलाउ इङको कासेहेङ हेथे काथाता साघाइका हिघाखे इङको बुङ ना गेखेना।

2 तिमोथि 1:8

एन्‍साङ केलाइको प्रभुको दासि पिलि रो का वाको भाअ्‌सिङ थुना निन्‍चाकाता मालेदेर भुरुङ ना बुङ परमेस्‍वरको सरबङता रेम्‍काबानाल हिङपालि तु: ल्‍होपा।

2 तिमोथि 2:9

इङकोङ रेम्‍काबानाल पारचार पाका हिनाङ का तु: भोगेका। इङकोझोको खिनिङ माको, आपराधि भाइपाङ झिन्‍जिरिता धेउन्‍हातेङ का थुना निङचाका हिघा। कालाउ रेम्‍काबानालचाहिँ थुनिन्‍हाका मान्‍थु।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।

1पतरुस 1:5

नेलाइ आखिरि पहरता देखाल जेङलि तोम्‍का छुटकाराको भाअ्‌सिङ खान्‍धुरसो परमेस्‍वरको सरबङसो सामर्‍हाइतेङ ताअ्‌न्‍हाका हिसुन्‍हा।

1पतरुस 4:16

कालाउ हासुङ ख्रिस्‍टियान जेङनाङसिङ तु: भोगेखे पानु वा मालेदेराको, भुरुङ इङकोङ मिङता वा परमेस्‍वरहेङ प्रताप प्‍याको।

1पतरुस 4:19

इदोइखातिर परमेस्‍वरको लाल्‍साआन्‍सार तु: भोगेकालाइ रेम्‍का काम पाको रो एम्‍बालाइ सिरजाइ पाका परमेस्‍वरता भर ताअ्‌ताको। हाइपानु वा ताइको पाका कबोल जेलाउ बुङ पोङघा पावा।