2 थेस्लोनिकि 3:16 - धिमाल

¹⁶ केलाइहेङ सान्‍ति पिका प्रभु ताइमिङ नेलाइहेङ जेलाउबुङ गोताङ काथाता सान्‍ति प्‍याको। कालाउ नेलाइ झाराङदोफा प्रभु हितेङ ह्‍याको।

Dhimal NT

¹⁶ का प्रार्थाना पाङका, कि प्रभु जाइ सान्तिको मुलि हि, वा नेलाइहेङ जेलाउ बुङ सान्ति प्याको कालाउ का आरोङ बुङ प्रार्थाना पाङका, कि प्रभु नेलाइ झाराङ दोफा जेलाउ बुङ ह्याको।

2 थेस्लोनिकि 3:16 Iomraidhean Croise

मत्‍ति 1:23

“खाङ, बिहुमाजेङका बेजान न्‍हेजिउ जेनावा, वा एलोङ चान जोलोमजेनावा, वाको मिङ इम्‍मानुएल ताअ्‌तावा” जाइको माने “परमेस्‍वर केलाइदोफा” जेङखे।

मत्‍ति 28:20

का नेलाइहेङ हुकुम पिका गोताङ काथा मानेलि एम्‍बालाइहेङ धिरपासु। खाङसु, का सुमिङको न्‍हुअ्‌थिकापा दिनाङ नेलाइ दोसाङ ह्‍याङका।”

लुका 2:14

“झाराङखान्‍तेङ र्‍हुता सादेलता हिका परमेस्‍वरको प्रताप ज्‍याको, कालाउ सुमिङता जाइ द्‌याङगेलाइदोफा वा लेङचाका हि, एम्‍बालाइहेङ सुबिस्‍ता जेङतेङ ह्‍याको।”

युहन्‍ना 14:27

“सान्‍ति का नेलाइदोफा लाअ्‌ध्‍याङका। का ताइको सान्‍ति नेलाइहेङ प्‍याङका, कुलाउ दुनियाको पिकाभाइपा माको। नेलाइको कोन्‍धाङ बिकल माज्‍याको रो थिलिगोइका माज्‍याको।

युहन्‍ना 16:33

का नेलाइहेङ इदोइ काथा इदोइ खातिरहोइ दोअ्‌का हिघा, काता नेलाइहेङ सुबिस्‍ता ज्‍याको। दुनियाता नेलाइहेङ जोखिम ज्‍यावा, कुलाउ हिमत पासु, का दुनियाहेङ जितिका हिघा।”

1 कोरिन्थि 14:33

हाइदोनु परमेस्‍वर आवाइपाका परमेस्‍वर माको, सुबिस्‍ताको परमेस्‍वर हि। परमेस्‍वरको द्‌याङगेलाइको गोताङ मन्‍डलिता हिका चलनआन्‍सार,

1 थेस्लोनिकि 3:11

एला केलाइको परमेस्‍वर आबा ताइमिङ रो केलाइको प्रभु इसु नेलाइकोता लोका केलाइको दामा हेप्‍याको।

1 थेस्लोनिकि 5:23

सान्‍तिको परमेस्‍वर ताइमिङ नेलाइहेङ पुनित ताअ्‌ताको। नेलाइको गोताङ ज्‍यान, सास रो जिउ केलाइको प्रभु इसु ख्रिस्‍ट लोलाउ खोटमान्‍थुका ह्‍याको।

2 थेस्लोनिकि 3:18

केलाइको प्रभु इसु ख्रिस्‍टको निगाहा नेलाइ झाराङदोफा ह्‍याको।

2 तिमोथि 4:22

प्रभु नाङको हाङसादोफा ह्‍याको। नेलाइता परमेस्‍वरको निगाहा ह्‍याको।