2 थेस्लोनिकि 3:14 - धिमाल

¹⁴ नेलाइता हासुङ केलाइ इदोइ चिथिता लेखेका बिद्‍यागेलाइ मासाअ्‌खे पानु, इन्‍सिकालाइहेङ रेसेतेङ इन्‍सिकालाइदोफा सङगत दोङ मापासु। एदि नेलाइ एन्‍सा पासुन्‍हा पानु इन्‍सिकालाइ तामिङ लेदेरावा।

Dhimal NT

¹⁴ इदोङ पात्ताराता केलाइको दोअ्का सन्‍देस जेसापा हासु बुङ किलि माकिखे पानु उङको द्‍याङहेङ झाराङ नाल्तेङ ताअ्सु, कालाउ वा दोफा हाइ दोङ सङगत मापासु, कालाउ उङको ताइमिङ लेदेरयावा।

2 थेस्लोनिकि 3:14 Iomraidhean Croise

मत्‍ति 18:17

इङको एम्‍बालाइको काथा बुङ हिङलि माकिअ्‌नु, दलहेङ दोअ्। इङको मन्‍डलिको काथा बुङ हिङलि माकिअ्‌नु, वासेहेङ कुकरम रो तिरो ल्‍होपाकाभाइपाङ फोमपातेङ लाअ्‌गिल्‍सु।

1 कोरिन्थि 4:14

का इदोइ काथा नेलाइहेङ लेदेरपालिको भाअ्‌सिङ लेखेका माको, कालाउ का माया पाका ताइकोङ जामालाइहेङ भाइपाङ आरति पिलिको भाअ्‌सिङ लेखेका एइ।

1 कोरिन्थि 5:11

कालाउ काचाहिँ खान्‍धुरि ओने दोअ्‌तेङ दुराचार पाका, दिअ्‌का, दिर पुजिका, निन्‍दा पाका, म्‍हाका रो खुकालाइको बारेता दोअ्‌का एइ। इसिका द्‍याङगेलाइदोफा ते दोसाङ योम्‍तेङ बुङ माचासु।

1 कोरिन्थि 5:9

का नेलाइहेङ लेखेका चिथिता दुराचारिगेलाइदोफा हिमखिम मापासु ओउ दोअ्‌तेङ लेखेका हिघाखा।

फिलिप्पि 2:12

इदोइखातिर काङको मोन्‍दाताका दादाओने बाइओनेगेलाइ का नेलाइदोफा हिलाउ नेलाइ दिनाङ काङको काथागेलाइ साअ्‌सुन्‍हा। झन का नेलाइसो दुरे हिलाउ बुङ नेलाइ काङको काथागेलाइ आरोङ हेन्‍जाङ साअ्‌लि गोइस्‍वाना। कालाउ नेलाइको निङका छुटकाराको काथा तिङपालि हेन्‍जा भेम्‍ति ह्‍याअ्‌पासु रो परमेस्‍वरहेङ मान पातेङ वाको थिकाता एसा पासु।

कलस्सि 4:16

नेलाइ इदोइ चिथि पर्‍हेलिदोकान्‍हुअ्‌सो लाउडिकियाता हिका मन्‍डलिहेङ बुङ पर्‍हेलि पिसु। एन्‍साङ पातेङ लाउडिकियाको चिथि बुङ नेलाइ पर्‍हेसु।

1 थेस्लोनिकि 4:8

इदोइभाअ्‌सिङ जाइ इदोइ काथाको आनादर पाखे इङको द्‍याङको माको, कालाउ परमेस्‍वरको आनादर पाखे, जेदोङ परमेस्‍वर नेलाइहेङ ताइको पुनित हाङसा पिखे।

2 थेस्लोनिकि 3:6

दादाओने बाइओनेगेलाइ, प्रभु इसु ख्रिस्‍टको मिङता केलाइ नेलाइहेङ हुकुम पिन्‍हाखे। केलाइको धिरपाका बिद्‌या मासाअ्‌का रो कुर्‍ह्‍या लुका द्‌याङगेलाइसो दुरे हिसु।

तितस 2:8

बिद्‍या पिलाउ जातिङको रो ल्‍हिका, हासुङ पोलि मादोका बिद्‌यागेलाइ पि। एन्‍सा जेङनु दुस्‍मनगेलाइ बुङ हाइदोङ दोअ्‌लि मादोतेङ ताइमिङ लेदेरता पर्‍यावा।

तितस 3:10

बेमेल चुमाका द्‍याङहेङ एखे न्‍हेखे गावाइ रो मासाअ्‌हि पानु इङकोदोफा हाइदोङ सामान्‍दा माताअ्।

२ युहन्‍ना 1:10

एन्‍साङ पातेङ एदि हिदिङ द्‌याङ इदोइ ख्रिस्‍टको धिरपाका बिद्‌याता मालोखे पानु, इङकोहेङ नाङको साअ्‌ता चुम्‍पुतेङ बान्‍सा माबुझाइ। कालाउ इङकोहेङ मान पातेङ मासेउपा बुङ।