2 थेस्लोनिकि 2:16 - धिमाल

¹⁶ केलाइको प्रभु इसु ख्रिस्‍ट रो परमेस्‍वर आबा केलाइहेङ माया पाहि। कालाउ वाको निगाहासो हेअ्‌लाउ मादोका हाउसा रो रेम्‍का आस प्‍याको।

Dhimal NT

¹⁶ केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि।

2 थेस्लोनिकि 2:16 Iomraidhean Croise

लुका 16:25

कालाउ आब्राहाम वासेहेङ दोअ्‌हि, ‘चान, हाइ नासेहेङ फोम मान्‍थु? फोमपातेङ खाङ त! ना सुमिङता हिलाउ नाङको ज्‍यानता रेम्‍कारेम्‍का आनेमाने निङन्‍हा। कालाउ लाजरस मारेम्‍फाङ तु: निन्‍चाका हिघाहि। कालाउ वा इता सुख रो सुबिस्‍ता निङकाहि कालाउ ना एला तु: भोगिदोङखेना।

युहन्‍ना 13:1

लाअ्‌पिका पारबाको लाम्‍फा इदोइ दुनियासो बेदाङगि जेङतेङ आबाकोता हानेका वाको पहर लोहोइ दोअ्‌का इसु गिहि। कालाउ दुनियाता हिका ताइको द्‍याङहेङ इन्‍ताना पातेङ वा एम्‍बालाइहेङ आखिरिथिकापाङ इन्‍ताना पाहि।

युहन्‍ना 15:13

सानाइतिगेलाइको भाअ्‌सिङ ताइको बायु पिका खान्‍तेङ बाराका इन्‍ताना बो हासुकोङ माजेङखे।

युहन्‍ना 15:9

“आबा कासेहेङ जेसापा इन्‍ताना पाका हि, का बुङ नेलाइहेङ इन्‍ताना पाका हिघा। नेलाइ काङको इन्‍तानाता हिसु।

युहन्‍ना 16:22

एसापा दोङ एला नेलाइहेङ पिर जेङखे, कुलाउ का आरोङ नेलाइहेङ तिनाङका रो नेलाइको कोन्‍धाङ लेङचाका ज्‍यावा। कालाउ हासुङ नेलाइको लेङ नेलाइसो माघिङन्‍हावा।

युहन्‍ना 3:16

“हाइदोनु परमेस्‍वर दुनियाहेङ इसिका इन्‍ताना पाहि, वा ताइको एखिनिङ चान पिहि, कोलाउ वासेहेङ खान्‍धुर पाका हासु बुङ मामुअ्‌ताको, कुलाउ इङको असिम ज्‍यान निनाको।

युहन्‍ना 4:14

कुलाउ जाइजाइ का पिका चि आमावा इङको हेअ्‌लाउ आम्‍लिमाकिअ्‌तावा। जेदोङ चि का इङकोहेङ प्‍याङका, इङको इङकोता असिम ज्‍यानको भाअ्‌सिङ मुरतेङहिका चिको मुल जेनावा।”

साल्न्हाका चात्या 15:11

कुलाउ केलाइ खान्‍धुर पान्‍हाखे, जेसापा प्रभु इसुको प्रतापसो केलाइ मुक्‍ति निङका हिन्‍हाहि, एन्‍सा दोङ एम्‍बालाइ बुङ निङका हि।”

साल्न्हाका चात्या 18:27

इङकोन्‍हुअ्‌सो अपोल्‍लोस अखैया माउजाता हानेलि ठहर पाहि। एफिससता हिका प्रभुको चात्‍यागेलाइ वासेहेङ हानेलि आँट पितेङ वासेहेङ खाङसु दोअ्‌तेङ इन्‍ता हिका चात्‍यागेलाइहेङ एलोङ चिथि बुङ लेखेपिहि। अपोल्‍लोस अखैयाता थुकातेङ निगाहासो खान्‍धुर पाकालाइहेङ हेन्‍जाङ मदत पाहि।

कलस्सि 1:23

जातिङको नेलाइ थिर रो खान्‍धुरता बोल्‍याका जेङतेङ हिसु। नेलाइको हिङका रेम्‍काबानालता परमेस्‍वरको कबोल पाका आस पालि मामालाअ्‌सु। इदोङ रेम्‍काबानाल दुनियाको झाराङ द्‌याङगेलाइहेङ हिङपान्‍हाका हि। कालाउ का पावल इदोङ रेम्‍काबानाल हिङपालिको भाअ्‌सिङ चाकर जेङका हिघा।

कलस्सि 1:5

जेदोङचाहिँ नेलाइको भाअ्‌सिङ सादेलता ताअ्‌न्‍हाका इनामको आसको खातिर नेलाइ इसिका खान्‍धुर रो माया पाका हिसुन्‍हा। इदोइ आसको बारेता नेलाइ लामफासोङ सतको बचन रेम्‍काबानालता हिङका हिसुन्‍हा।

1 थेस्लोनिकि 1:3

केलाइको परमेस्‍वर आबाको आगाता नेलाइको खान्‍धुरसो पाका काम रो मायाहोइ पाका मिनेत कालाउ केलाइको प्रभु इसु ख्रिस्‍टता ताअ्‌का आसता तु: साहेका केलाइ दिनाङ फोमपातेङ हिन्‍हाखे।

1 थेस्लोनिकि 3:11

एला केलाइको परमेस्‍वर आबा ताइमिङ रो केलाइको प्रभु इसु नेलाइकोता लोका केलाइको दामा हेप्‍याको।

2 थेस्लोनिकि 2:13

प्रभुको माया पाका दादाओने बाइओनेगेलाइ, नेलाइको भाअ्‌सिङ केलाइ परमेस्‍वरता दिनाङ च्‍याबास चार्‍हाइलिङ गोयाङ, हाइपानु लाम्‍फासो दोङ पुनित हाङसाको पुनित पाका कामसो रो सत बानालको खान्‍धुरसो छुटकाराको भाअ्‌सिङ परमेस्‍वर नेलाइहेङ साल्‍हि।

तितस 1:2

इदोइ सतचाहिँ असिम ज्‍यानको आसता आरेन्‍हाका हि। हेअ्‌लाउ बुङ असत माधुइका परमेस्‍वर सिरजाइ जेङकाखान्‍तेङ लाम्‍फा दोङ केलाइहेङ इदोइ ज्‍यान प्‍याङका दोअ्‌तेङ कबोल पाका हिघाहि।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

१ युहन्‍ना 3:16

माया हाइ एइ दोअ्‌तेङ केलाइ इताङसो गेन्‍हाखे, ख्रिस्‍ट केलाइको भाअ्‌सिङ ताइको ज्‍यान पिहि। केलाइ बुङ ताइको दादाओने बाइओनेगेलाइको भाअ्‌सिङ ताइको ज्‍यान पिलिगोयाङ।