2 थेस्लोनिकि 2:15 - धिमाल

¹⁵ इदोइभाअ्‌सिङ दादाओने बाइओनेगेलाइ, नेलाइ खान्‍धुरता बोल्‍याका जेङतेङ हिसु रो केलाइको दोअ्‌का माकोनु लेखेका बिद्‌या सत हि दोअ्‌तेङ खान्‍धुर पातेङ हिसु।

Dhimal NT

¹⁵ ओदोङ भाअ्सिङ खान्धुराइ ओनेगेलाइ, बल्लियाका जेङसु, कालाउ केलाइको दोअ्का माकुनु पात्तारा पाहासो निङका सिक्स्याता लागातार खाङधुरि पातेङ हिसु।

2 थेस्लोनिकि 2:15 Iomraidhean Croise

1 कोरिन्थि 11:2

का नेलाइहेङ हेन्‍जाङ बाखिन्‍खा, हाइदोनु गोताङ काथाता नेलाइ कासेहेङ फोमपासुखेना रो काङको धिरपाका बिद्‌या साअ्‌सुखेना।

1 कोरिन्थि 15:58

इदोइखातिर काङको मोन्‍दाताका दादाओने बाइओनेगेलाइ, थिर जेङतेङ प्रभुको कामता दिनाङ बार्‍हेतेङहानेसु। हाइपानु नेलाइ गेसुखेना, प्रभुता नेलाइको मिनेत एन्‍साङ माहानाङ।

1 कोरिन्थि 16:13

हुसपातेङ हिसु, खान्‍धुरता लागेतेङ हिसु। मन बोल्‍याका बान्‍हाइसु रो खान्‍धुरता बोल्‍याका जेङसु।

फिलिप्पि 4:1

इदोइखातिर काङको दादाओने बाइओनेगेलाइ, नेलाइ प्रभुता थिर जेङतेङ हिसु। का नेलाइहेङ माया पाखा रो दुसुलि भोखा। नेलाइ कासेहेङ लेङचा पासुन्‍हा रो नेलाइदोङ काङको कामको इनाम हिसुन्‍हा।

2 थेस्लोनिकि 2:2

एदि हासुङ हिदिङ बुङ आगाधुइ, धुइका काथा माकोनु लेखेन्‍हाका काथासो प्रभु लाम्‍फा दोङ लोलि दोका हि दोअ्‌तेङ दोअ्‌खे पानु इङको काथा केलाइसो लोका फोमपातेङ नेलाइ सुरता मापासु रो माथिसु।

2 थेस्लोनिकि 3:14

नेलाइता हासुङ केलाइ इदोइ चिथिता लेखेका बिद्‍यागेलाइ मासाअ्‌खे पानु, इन्‍सिकालाइहेङ रेसेतेङ इन्‍सिकालाइदोफा सङगत दोङ मापासु। एदि नेलाइ एन्‍सा पासुन्‍हा पानु इन्‍सिकालाइ तामिङ लेदेरावा।

2 थेस्लोनिकि 3:6

दादाओने बाइओनेगेलाइ, प्रभु इसु ख्रिस्‍टको मिङता केलाइ नेलाइहेङ हुकुम पिन्‍हाखे। केलाइको धिरपाका बिद्‌या मासाअ्‌का रो कुर्‍ह्‍या लुका द्‌याङगेलाइसो दुरे हिसु।

तितस 1:9

ताइमिको निङका जातिङको बिद्‍याता लागेतेङ हिका रो बोमिहेङ बुङ इदोइ बिद्‍या पितेङ बल पिलि दोका जेङलिगोयाङ। एसापा इदोइ बिद्‌या धिरपाका माफिक हिलिगोयाङ कालाउ याको खिलाप पाकालाइको बिरामहेङ तिम्‍पापिलि द्‍वाना।