2 थेस्लोनिकि 1:9 - धिमाल

⁹ एम्‍बालाइ हेअ्‌लाउ मादोका मुअ्‌काको दार निनावा, कालाउ प्रभुको आगासो रो वाको सरबङहिका प्रतापसो खेङन्‍हावा।

Dhimal NT

⁹ प्रभु इम्बालाइहेङ ताइको आगासो ओल्लापावा कालाउ ताइको बाखिन कालाउ सरबुङ आनुभब पालि माप्याङ। कालाउ परमेस्वर इम्बालाइहेङ आनान्त बिनासको दन्ड प्यावा।

2 थेस्लोनिकि 1:9 Iomraidhean Croise

मत्‍ति 16:27

हाइपानु का द्‍याङको चान ताइको आबाको प्रतापता ताइको सादेलचरगेलाइदोफा ल्‍वाङका। इङको पहर का गोताङ द्‍याङहेङ इङकोको काममाफिक नातिजा प्‍याङका।

मत्‍ति 22:13

कालाउ राजा ताइको कामत्‍यागेलाइहेङ दोअ्‌हि, ‘इङकोको खुरखोकोइ धेउतेङ इङकोहेङ बाहार कितिकितिकाता थाल्‍पिसु। जेता द्‍याङगेलाइ खारावा रो तासि रेअ्‌तावा।’

मत्‍ति 24:30

कालाउ द्‍याङको चानको चिनो आतेलता तिनावा रो सुमिङता गोताङ जात्‍यागेलाइ बिलाप पावा। एम्‍बालाइ का द्‍याङको चानहेङ आतेलको बादेलगेलाइता सरबङ रो बारा प्रतापसो लोतेङहिका तिनावा।

मत्‍ति 25:41

“इङकोन्‍हुअ्‌सो वा केपाहाको द्‍याङगेलाइहेङ दोअ्‍तावा, ‘साराप निङचाका द्‍याङगेलाइ, कासो दुरे जेङसु। दियाबलस रो इङकोको काम पाकालाइको भाअ्‌सिङ त्‍यार पाका हेअ्‌लाउ मासिका मेता हानेसु।

मत्‍ति 25:46

कालाउ एबालाइ असिम दारको भागि ज्‍यावा, कालाउ बुङ धरमाति द्‍याङगेलाइ असिमद ज्‍यानता दुलावा।”

मत्‍ति 26:24

का द्‍याङको चान ते काङको बारेता धरमकिताबता लेखेका भाइपा हानेलिदोङ गोयाङ। कालाउ बुङ धिकार इङको द्‍याङहेङ, जाइसो का द्‍याङको चान रिमन्‍हाङका। इङको द्‍याङ ते भुरुङ जोलोम माजेङका हिनु दोङ इङकोको भाअ्‌सिङ रेम्‍का जेङधाङ।”

मत्‍ति 7:23

कालाउ का एम्‍बालाइहेङ दोअ्‌ताङका, ‘का नेलाइहेङ हेअ्‌लाउ नाल्‍का मान्‍थुघा। ओइ आसाति काम पाकालाइ, कासो दुरे जेङसु।’

लुका 13:27

कालाउ वा आरोङ दोअ्‌तावा, ‘का माग्‍याङका, नेलाइ हासु? का मानाल्‍खा। ओइ आसाति काम पाकालाइ; इतासो हानेसु!’

युहन्‍ना 5:14

इङकोन्‍हुअ्‌सो इसु वासेहेङ थानता दुसुतेङ दोअ्‌हि, “खाङ, ना एल्‍का हिन्‍हा। आरोङ कुकरम मापा रो नार्‍हुता आरोङ मारेम्‍का माल्‍वाको।”

फिलिप्पि 3:19

आखिरता परमेस्‍वर एम्‍बालाइहेङ मुअ्‌पावा। हाइदोनु एम्‍बालाइ ख्रिस्‍टको इछा माको कालाउ ताइको जिउको इछागेलाइको चाकर पाखे। एम्‍बालाइ लेदेरलि गोइका काथागेलाइता तुजुक पाखे। एम्‍बालाइ परमेस्‍वरको काथाता माको कालाउ बुङ दुनियाको काथाता लागेका हिखे।

1 थेस्लोनिकि 5:3

जेलाउ द्‍याङगेलाइ “सान्‍ति रो पहरा” दोअ्‌तेङ ह्‍यावा, कोलाउ चानहिका बेबालहेङ तु: निङचाकाभाइपाङ एकासि एम्‍बालाइर्‍हुता बरबाद ल्‍वावा रो एम्‍बालाइ हिदिङ चलनहोइ खाअ्‌न्‍हालि माद्‌वावा।

2 थेस्लोनिकि 2:8

इङकोन्‍हुअ्‌सो नियम मामानेका देखाल ज्‍यावा, प्रभु इसु ख्रिस्‍टको नुइको हुसिहोइ रो वा लोलाउ ताइको जोल्‍का सरबङहोइ इङकोहेङ मुअ्‌पावा।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

२ पत्‍रुस 2:17

इसिका द्‌याङगेलाइ ते चि सिअ्‌का मुल भाइकाङ रो दुमभेर्माको उराइपाका कुकुह्‍वा भाइकाङ एइ। एम्‍बालाइको भाअ्‌सिङ परमेस्‍वर पातेलको कितिकितिका सान्‍तितेङ ताअ्‌का हि।

२ पत्‍रुस 3:7

कालाउ इङकोङ कथनहोइ परमेस्‍वरहेङ मासाअ्‌का द्‍याङको निसाप रो बिगारको दिनाथिकापाको भाअ्‌सिङ एलाको आदेल रो सुमिङ मेको भाअ्‌सिङ जोगाइतेङ ताअ्‌का हि।