2 थेस्लोनिकि 1:3 - धिमाल

³ दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

Dhimal NT

³ खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

2 थेस्लोनिकि 1:3 Iomraidhean Croise

लुका 15:32

कालाउ नानि केलाइ लेङचाका जेङतेङ इदोइ हाउसा मानाइलि दोङ गोइका हिघाहि। हाइदोनु नाङको ओने जाइ सिका हिघाहि एला आरोङ वा सिन्‍हुतेङ लोहि। वा राम्‍का हिघाहि एला आरोङ यासेहेङ निङन्‍हाहि!’”

लुका 17:5

केलाइ इसुहेङ साल्‍तेङ दिङगिल्‍कालाइ, “प्रभु, केलाइको खान्‍धुर बार्‍हेपापि।”

युहन्‍ना 15:2

काता हिका गोताङ दालेङ जाइ फल मासेपाखे वा इङकोहेङ धाइगिलावा रो फल सेपाका गोताङ दालेङहेङ आरोङ हेन्‍जा फल स्‍याको दोअ्‌तेङ वा तुमप्‍यावा।

1 कोरिन्थि 1:4

नेलाइको भाअ्‌सिङ का परमेस्‍वरहेङ च्‍याबास चार्‍हाइखा, हाइदोनु नेलाइ ख्रिस्‍ट इसुको द्‌याङगेलाइ हिनाङसिङ परमेस्‍वर वाको निगाहा नेलाइहेङ पिका हि।

फिलिप्पि 1:7

नेलाइको बारेता इसिकाङ बिचार पालि कासेहेङ उचित लागेहि। हाइदोनु का नेलाइहेङ ताइको कोन्‍धाङसोङ माया पाखा। कालाउ का थुनाता हिलाउ बुङ, बाहार हिलाउ बुङ नेलाइ कासेहेङ रेम्‍काबानाल पारचारपालि रो इदोइहेङ जोगाइलि परमेस्‍वरको पिका इदोइ गोताङ निगाहाता नेलाइ कादोफाङ भाकर्‍हुका हिसुन्‍हा।

फिलिप्पि 1:9

नेलाइको भाअ्‌सिङ काङको पुकार इदोङ हि नेलाइ बुङ माया पाका काथाता, सत आकिल रो रेम्‍का मारेम्‍का खेङलि दोका काथाता बार्‍हेतेङ हानेसु।

1 थेस्लोनिकि 3:12

जेसापा केलाइ नेलाइहेङ दाया पान्‍हाखे एन्‍सा दोङ प्रभु नेलाइहेङ एमि भेनेङदोफा रो झाराङ द्‍याङदोफा हेन्‍जाङ दाया पाका बान्‍हायाको।

1 थेस्लोनिकि 3:6

कालाउ एला तिमोथि एलाङखिनिङ नेलाइहेङ दुसुतेङ थुकालि लोकाहि। नेलाइता आरोङ बुङ माया रो खान्‍धुर हि दोअ्‌तेङ वा रेम्‍काबानाल चुमाहि। केलाइ भाइपाङ नेलाइ बुङ केलाइहेङ दुसुका बाराका लाल्‍सा ताअ्‌तेङ फोमपातेङ हिघासुन्‍हा।

1 थेस्लोनिकि 3:9

केलाइ नेलाइको भाअ्‌सिङ हेन्‍जाङ च्‍याबास दोअ्‌न्‍हाखे। हाइदोनु नेलाइको भाअ्‌सिङसो दोङ केलाइ परमेस्‍वरको आगाता हेन्‍जाङ लेङचाका हिन्‍हाहि।

1 थेस्लोनिकि 4:1

आखिरता दादाओने बाइओनेगेलाइ, नेलाइ केलाइसो परमेस्‍वरहेङ मोन्‍दाताका आनिबानि धिर्का हिसुन्‍हा। जातिङकोङ नेलाइको आनिबानि परमेस्‍वरहेङ मोन्‍दाताकावा। इङको आनिबानिता झनझन रेम्‍का जेङतेङ हानेसु दोअ्‌तेङ प्रभु इसुको मिङता बिम्‍ति पान्‍हाखे।

2 थेस्लोनिकि 2:1

दादाओने बाइओनेगेलाइ, केलाइको प्रभु इसु ख्रिस्‍ट लोकाको बारेता रो वासेहेङ दुसुलि केलाइ एदोसा जोम्‍का बारेता नेलाइहेङ बिम्‍ति पान्‍हाखे,

2 थेस्लोनिकि 2:13

प्रभुको माया पाका दादाओने बाइओनेगेलाइ, नेलाइको भाअ्‌सिङ केलाइ परमेस्‍वरता दिनाङ च्‍याबास चार्‍हाइलिङ गोयाङ, हाइपानु लाम्‍फासो दोङ पुनित हाङसाको पुनित पाका कामसो रो सत बानालको खान्‍धुरसो छुटकाराको भाअ्‌सिङ परमेस्‍वर नेलाइहेङ साल्‍हि।

1पतरुस 1:22

एला नेलाइ सतहेङ साअ्‍तेङ ताइको मन चोखाइका हिसुन्‍हा, कालाउ ताइको दादाओने बाइओनेगेलाइहेङ ताइमिहेङ भाइपाङ इन्‍ताना पासु रो एमि भेनेङहेङ कोन्‍धाङसोङ मान पासु।

२ पत्‍रुस 1:13

का बान्‍चिपाधाउ नेलाइहेङ इदोइ काथागेलाइ फोम पापातेङ सजक पालि का मुनासिप चिताइखा।

२ पत्‍रुस 3:18

कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।