२ पत्‍रुस 3:17 - धिमाल

¹⁷ मोन्‍दाताकालाइ, लाम्‍फासोङ इदोइ काथा गेतेङ हुसपातेङ हिसु। आसाति द्‍याङगेलाइको माजेङका काथाता आवाइतेङ ताइको धिरता माराम्‍पासु।

Dhimal NT

¹⁷ ओदोङ भाअ्सिङ काङको आनाउ सानाइतिगेलाइ, नेलाइहेङ लाम्फा दोङ थाहा हि कि इदोङ काथागेलाइ जेनाङ। ओदोङ भाअसिङ चङख हिसु नियम मामानिका द्‍याङगेलाइ नेलाइहेङ धाताइतेङ माआवाइ तुपाको। जेसापा नेलाइ इम्बालाइको आनुसरन पासुना पानु, नेलाइ सत्ये काथाता खाङधुरि पालि लाअ्स्वाना।

२ पत्‍रुस 3:17 Iomraidhean Croise

मत्‍ति 16:11

का नेलाइहेङ तोलेको बारेता दोअ्‌का माको दोअ्‌तेङ नेलाइ हाइपालि मागेसुखेना? कालाउ बुङ फरिसि रो सदुकिगेलाइको साउरिसो होसपातेङ हिसु।”

मत्‍ति 16:6

इसु एम्‍बालाइहेङ दोअ्‌हि, “होस पासु, फरिसि रो सदुकिगेलाइको साउरिसो जोगितेङ हिसु!”

मत्‍ति 7:15

“का परमेस्‍वरसो धुइका दोअ्‌तेङ ढाटाइका आगाधुइका दोफा होसपातेङ हिसु। इसिका द्‍याङगेलाइ नेलाइकोता भेराको धाबाता लोखे, जाइ लिअ्‌तापाहा चाहिँ थिलिगोइका स्‍याइलेगेलाइ भाइका हिखे।

युहन्‍ना 16:4

कुलाउ इदोइ काथा का नेलाइहेङ दोअ्‌का हिघा। जेलाउ इङको पहर ल्‍वावा, कोलाउ नेलाइहेङ हाइ दोअ्‌का हिघाखा दोअ्‌तेङ नेलाइहेङ फोम जेनावा। लाम्‍फा दोङ का नेलाइहेङ इदोइ काथा मादोअ्‌घा, हाइपानु का नेलाइदोफा हिघाखा।

साल्न्हाका चात्या 2:42

एम्‍बालाइ साल्‍तेङ दिङगिल्‍कालाइको बिद्‍या, सङगति, तोले पेङलि रो पुकारता ए मन जेङतेङ लागितेङहिघाखे।

1 कोरिन्थि 10:12

इदोइखातिर हासुङ खान्‍धुरता बोल्‍याका हिघा दोअ्‌तेङ दोअ्‌खे पानु इङको कुकरमता वालाकासो हुस पातेङ ह्‍याको, माकोनुते इङको लोनावा।

1 कोरिन्थि 15:58

इदोइखातिर काङको मोन्‍दाताका दादाओने बाइओनेगेलाइ, थिर जेङतेङ प्रभुको कामता दिनाङ बार्‍हेतेङहानेसु। हाइपानु नेलाइ गेसुखेना, प्रभुता नेलाइको मिनेत एन्‍साङ माहानाङ।

गलाति 5:4

नियम मानितेङ परमेस्‍वरको आगा धरमाति जेङलि भोकालाइ ख्रिस्‍टसो खेङन्‍हाका हिसुन्‍हा। कालाउ नेलाइ परमेस्‍वरको निगाहासो दुरे जेङका हिसुन्‍हा।

फिलिप्पि 3:2

दुरजन काम पाकालाइसो हुसपातेङ हिसु। एम्‍बालाइ खियागेलाइ भाइकाङ हिखे रो बोमिको जिउ चिखाराम्‍लि भोखे।

कलस्सि 2:5

हाइदोनु का नेलाइसो दुरे हिलाउ बुङ काङको मन ते दिनाङ नेलाइदोफाङ हिखे। कालाउ नेलाइ एलोङदोङ मन जेङतेङ हिका रो ख्रिस्‍टता नेलाइको खान्‍धुर हेन्‍जाङ बोल्‍याका हिका तिङतेङ का हेन्‍जाङ लेङचाखा।

कलस्सि 2:8

नेलाइ मिन्‍हापातेङ हिसु, कालाउ हासु बुङ असत रो बिथाको काथा पातेङ नेलाइहेङ आस्‍तिता मादेपाको। इसिका काथागेलाइ ख्रिस्‍टसो माको द्‌याङगेलाइको रितिथिति रो दुनियाको बिद्‌यासो लोखे।

2 तिमोथि 4:15

इङको केलाइको काथाको हेन्‍जाङ बाइरि जेङका हि। एन्‍सा जेङलाउ ना बुङ होस पातेङ हि।

1पतरुस 5:9

नेलाइ झाराङ खान्‍धुरता बोल्‍याका जेङसु रो दियाबलसको खिलापता ए जेङसु। हाइदोनु नेलाइभाइपाङ दुनियाको चारबितङ हिका बो खान्‍धुरि दादाओने बाइओनेगेलाइ बुङ इसिकाङ तु: भोगितेङ हि दोअ्‌का काथा नेलाइ दोङ गेसुखेना।

२ पत्‍रुस 2:7

वा दुरजनगेलाइको लेदेरपाका मारेम्‍का कामसो दिकदार जेङका धरमाति लोतहेङ बान्‍चिपाहि।

२ पत्‍रुस 3:1

मोन्‍दाताकालाइ, नेलाइहेङ लेखेका इदोइ काङको न्‍हे चिथि एइ रो लाङ चिथि भाइपाङ इदोइ चिथिता बुङ नेलाइहेङ हेन्‍जाङ काथागेलाइको फोम पापातेङ हाउसाला पिका हिघा।