२ पत्‍रुस 3:11 - धिमाल

¹¹ इदोइ गोताङ काथागेलाइ एसापा गाल्‍यावा दोअ्‌का गेतेङ पुनितता रो परमेस्‍वरहेङ लेङचापाका ज्‍यानता नेलाइ हिसिका खाल्‍को द्‍याङ हिलि गोयाङ दोअ्‌तेङ बिचार पासु।

Dhimal NT

¹¹ इदोइ निसित हि कि परमेस्वर एसापा गोताङ काथा नासा पाङ, नेलाइहेङ निसित थाहा हि कि नेलाइ हेसा जिबन जियाइलि गोइखे। नेलाइको ब्यभार कालाउ नेलाइको पाका गोताङ कामगेलाइसो परमेस्वरहेङ लेङचापाका बानाइका हिलि गोइखे।

२ पत्‍रुस 3:11 Iomraidhean Croise

मत्‍ति 8:27

इदोइ तिन्‍तेङ झाराङ भारभुसाइतेङ दोअ्‌लि तेङहि, “या ते हिसिका द्‍याङ वाला, दुमभेर्मा रो लहर बुङ वाको हुकुम साअ्‌खे।”

फिलिप्पि 1:27

मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

फिलिप्पि 3:20

कालाउ केलाइ सादेलता हिका द्‌याङगेलाइ एइ। केलाइको प्रभु इसु ख्रिस्‍ट सादेलसो ल्‍वावा दोअ्‌तेङ वाको दामा खाङतेङ हिन्‍हाहि। वा दोङ केलाइहेङ छुटकारा प्‍यावा।

1 थेस्लोनिकि 1:5

हाइदोनु केलाइ नेलाइहेङ हिङपाका रेम्‍काबानाल बिथाको काथा खिनिङ मान्‍थुघाहि। कालाउ पुनित हाङसा रो सरबङहोइ हिङपाका जातिङको कथन हिघाहि। नेलाइको माझाता हिलाउ नेलाइकोङ भाअ्‌सिङ केलाइ हिसिका खाल्‍को द्‍याङ हिघान्‍हाहि दोअ्‌तेङ इङको नेलाइ दोङ गेसुखेना।

1तिमोथि 3:16

केलाइ इदोइ काथा साङखा मापासिङ इदोइ भेद हेथे बाराका हि दोअ्‌तेङ खान्‍धुर पान्‍हाखे। ख्रिस्‍ट द्‍याङ जेङतेङ लोहि, पुनित हाङसाहोइ धरमाति द्‌याङ ठहर्‍हाइन्‍हाहि कालाउ वासेहेङ सादेलचरगेलाइ तिङहि। मुलुकमुलुकता वाको पारचार जेङहि, दुनियाको द्‌याङगेलाइ वासेहेङ खान्‍धुर पाहि कालाउ वा प्रतापता सादेल चुम्‍पुन्‍हाहि।

1तिमोथि 4:12

ना धाना हिन्‍हा दोअ्तेङ हासुङ बुङ नासेहेङ हेपेलि माद्‌वाको। कालाउ खान्‍धुरिगेलाइको माझाता नाङको धुइकाकथन, चालचलन, दाया, खान्‍धुर रो पुनित जेङका काथाता ना एअ्‌ नामुना जेङलि दो।

1तिमोथि 6:11

कालाउबुङ ना परमेस्‍वरको चाकर, इदोइ गोताङ मारेम्‍का काथागेलाइसो फारापाङ हि। ना परमेस्‍वरको आगा उचित ठर्‍हाइन्‍हाका काथाता, चाकरता, खान्‍धुरता, दायाता, धिरताता, नोइका जेङका काथाता ताइको मन लागाइ।

1तिमोथि 6:3

हासुङ भेनेङ बिद्‌यागेलाइ धिरपाखे पानु केलाइको प्रभु इसु ख्रिस्‍टको सत बिद्‌या रो परमेस्‍वरहेङ मानपाका बिद्‌याहेङ मासाअ्‌तावा।

1तिमोथि 6:6

कालाउ परमेस्‍वरहेङ लेङचापालि रो केलाइदोफा हिका काथाता सन्‍तोक हिलि दोङ केलाइको भाअ्‌सिङ बाराका लाभ।

याकुब 1:24

हाइपानु इङको ताइमिङहेङ आइनाता खाङखे रो हानेखे। इघुरिङन्‍हुअ्‌सो ताइमि हिसिका हिघाखा दोअ्‌तेङ निल्‍खे।

याकुब 3:13

नेलाइको माझाता हासुङ आकिलहिका रो बुझाकि द्‌याङ हि पानु वा ताइको ज्‍यानता नोइतेङ द्‌याङगेलाइको माझाता रेम्‍का काम पातेङ तिम्‍पाको।

1पतरुस 1:15

कालाउ नेलाइहेङ काइका परमेस्‍वर पुनित हिका भाइपाङ नेलाइ बुङ गोताङ काथाता पुनित जेङसु।

1पतरुस 2:12

बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

२ पत्‍रुस 1:3

पुनित ज्‍यान सिन्‍हुलिको भाअ्‌सिङ गोइका गोताङ काथा केलाइ परमेस्‍वरको सरबङसो दोङ निङका हिन्‍हाहि। हाइदोनु ताइको प्रताप रो भालाइसो काइका परमेस्‍वरहेङ केलाइ नाल्‍का हिन्‍हाहि।

२ पत्‍रुस 1:6

नेलाइ आकिलता बार्‍हेलि ताइमिहेङ बसता ताअ्‌सु। ताइमिहेङ बसता ताअ्‌लि धिर पासु रो धिर पातेङ भक्‍ति पासु।

२ पत्‍रुस 3:10

कालाउ प्रभुको नियपाका दिना ते खुकाभाइपाङ सिपापा ल्‍वावा। आदेलचाहिँ बाराका गाला पातेङ रामावा। आदेलता हिका बेला, तालि रो फुरुगेलाइ मेको रापसो गाल्‍यावा। सुमिङ रो इन्‍कोता हिका गोताङ थोक बुअ्‌सिरि ज्‍यावा।

२ पत्‍रुस 3:12

नेलाइ परमेस्‍वरको निसापको दिना र्‍हुमतेङ हिलाउ इङको दिना मारफाङ ज्‍याको दोअ्‌तेङ पालि गोइका काम पासु। जेदोङ दिना आदेलगेलाइ ओअ्‌तेङ बुअ्‌सिरि ज्‍यावा रो आदेलता हिका बेला, तालि रो फुरुगेलाइ मेको रापता गाल्‍यावा।