२ पत्‍रुस 2:3 - धिमाल

³ लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।

Dhimal NT

³ इदोङ सिक्स्यकगेलाइ चिचाहा जेनावा, कालाउ नेलाइसो ताका निङलिको भाअ्सिङ नेलाइहेङ दन्त्य काथागेलाइ हिङपातेङ इम्बालाइ नेलाइहेङ धोका प्यावा। परमेस्वर इम्बालाइहेङ साजाइ प्याङ दोअ्तेङ हेन्जाङ लाम्फा दोङ निर्नय पालि दोका हि कालाउ वा इङको पालि तियार हि। वा निसित इम्बालाइहेङ नासा पाङ।

२ पत्‍रुस 2:3 Iomraidhean Croise

मत्‍ति 23:14

[“धिकार नेलाइहेङ, धरम मास्‍टर रो फरिसिगेलाइ! नेलाइ चिम्‍काटा हिसुन्‍हा। हाइदोनु नेलाइ रान्‍दिगेलाइको साअ्‌द्वार घिङपिसुखेना रो ताइमिहेङ धरमाति तिङपालिको भाअ्‌सिङ र्‍हिर्‍हिङका पुकार पासुखेना। इदोइखातिर बो खान्‍तेङ नेलाइ हेन्‍जा डाँड निङस्‍वाना।]

लुका 18:8

का नेलाइहेङ दोअ्‌ताङका, वा ताइ द्‌याङगेलाइहेङ मार्फा न्‍याय पाप्‍यावा। कालाउ का द्‌याङको चान लोलाउ हाइ वा सुमिङता खान्‍धुर पाकालाइ निनावा?”

लुका 20:20

एन्‍साजेङलाउ एम्‍बालाइ वासेहेङ सिकापा रिम्‍लि दाउ भोलि तेङहि। एम्‍बालाइ वासेहेङ रिम्‍तेङ रोमि बाराहाकिमको खुर्ता सोम्‍पिलि भोघाखे। कालाउ धरम भाइपा जेन्‍तेङ एम्‍बालाइ द्‍याङगेलाइहेङ टाका पितेङ चेवा हिलि दिङगिल्‍हि।

लुका 22:47

इसु इदोइ काथा दोअ्‌कादोअ्‌काताङ द्‍याङगेलाइको ए हुल द्‌याङगेलाइ इन्‍ता थुकालिलोहि। तेन्‍हे चात्‍याता यहुदा इस्‍करियोत दोअ्‌का एमि चात्‍याचाहिँ इङको द्‍याङगेलाइको आगा जेङतेङ इसुहेङ चुमाइलि वाको भेर्पा लोहि।

युहन्‍ना 2:16

पारेउ पिअ्‌कालाइहेङ वा दोअ्‌हि, “इतासो इदोइ गोताङ थोक चुमपुसु। काङको आबाको साअ्‌हेङ चोल्‍कापिअ्‌का थामे माबान्‍हाइसु!”

1 थेस्लोनिकि 2:5

नेलाइ गेसुखेना, केलाइ हेअ्‌लाउ चाकरिको काथा मापान्‍हाहि, ना हिदिङ काथा निङका दिअ्‌काहोइ दोङ इदोइ पान्‍हाहि। परमेस्‍वर दोङ इदोइ काथाको दासि हि।

1 थेस्लोनिकि 5:3

जेलाउ द्‍याङगेलाइ “सान्‍ति रो पहरा” दोअ्‌तेङ ह्‍यावा, कोलाउ चानहिका बेबालहेङ तु: निङचाकाभाइपाङ एकासि एम्‍बालाइर्‍हुता बरबाद ल्‍वावा रो एम्‍बालाइ हिदिङ चलनहोइ खाअ्‌न्‍हालि माद्‌वावा।

1तिमोथि 3:3

इङको दान्‍हाइसुका रो म्‍हागिल्‍का हिलिमागोयाङ, कालाउ इङको सहेलि दोका, सिपापा हिका रो टाका काउरिको लाल्‍चा मापाका हिलिगोयाङ।

1तिमोथि 3:8

एन्‍साङ पातेङ मन्‍डलिता चाकरपाकालाइ मान निङका रो जातिङको धुइका हिलि गोयाङ। इन्‍सिकालाइ हेन्‍जाङ माम्‍हाका रो मारेम्‍का काम पातेङ टाका काउरि काम्‍हाइलि भोका द्‌याङ हिलि माएल।

1तिमोथि 6:5

इसिका द्‍याङगेलाइ ते एकोर्‍ह्‍या जेङतेङ गनगन खिनिङ पातेङहिखे रो इन्‍सिकालाइको आकिल दोङ बिगिरका हिखे। एम्‍बालाइ सत दोङ राम्‍पाका हिखे रो परमेस्‍वरको बारेता बिद्‌या पिलिचाहि ताका कामाइका रेम्‍का दामा दोअ्‌तेङ एम्‍बालाइ फोमपाखे।

तितस 1:11

एबालाइको नुइता बिजाला मालागाइसिङ माज्‍याङ हाइदोनु एम्‍बालाइ ते धिरपालिङ माएल्‍का काथागेलाइ धिरपातेङ पुराङ साअ् जाहानता उपदर्‍या माचाइका हि। खालि ताकाकाउरि कामाइलिको भाअ्‌सिङ एम्‍बालाइ एसा पाका एइ।

तितस 1:7

हाइदोनु मन्‍डलिको आगुवा परमेस्‍वरको कामको जिमा र्‍हुका हिखे। इदोइभाअ्‌सिङ इङको हिदिङ दुस मान्‍थुका द्‌याङ हिलिगोयाङ। इङको ताइमिङ पाका, मारफाङ चेरताम्‍पाका, म्‍हाका, चेरसुका रो मारेम्‍का काम पातेङ टाका कामाइका हिलिमागोयाङ।

1पतरुस 2:8

कालाउ, “एलोङ उन्‍थुइ जाइ द्‌याङगेलाइहेङ बोखेपाखे, एलोङ उथुइ जाइ नेलाइहेङ लोङपाखे।” हाइपानु एम्‍बालाइ कथन मासाअ्‌खे रो लोङखे। एम्‍बालाइको भाअ्‌सिङ परमेस्‍वर इसिकाङ जेङलि तोकेपिका हि।

1पतरुस 5:2

परमेस्‍वर नेलाइको जिमाता पिका वाको जनगेलाइहेङ रेम्‍फा खाङकाखुङका पाका जेङसु। करकापता माको, कालाउ ताइ मनहोइ लेङचातेङ पासु। टाका कामाइका हिसाबसो माको, कालाउ परमेस्‍वरको लाल्‍साआन्‍सार चाकर जेङतेङ पासु।

२ पत्‍रुस 1:16

केलाइको प्रभु इसु ख्रिस्‍ट बाराका प्रताप रो बाराका सरबङता आरोङ ल्‍वावा दोअ्‌तेङ केलाइ नेलाइहेङ एन्‍साङ दोअ्‌का माको। कालाउ केलाइ ताइकोङ मि होइ वाको बाराका प्रताप तिङन्‍हाहि।

२ पत्‍रुस 2:1

लाम्‍फालाम्‍फा जेसापा इस्राएलिगेलाइको माझाता असत आगाधुइकालाइ बुङ हिघाखे, एन्‍साङ पातेङ नेलाइको माझाता असत मास्‍टरगेलाइ जाअ्‌तावा। एम्‍बालाइ सिपापा मुअ्‌पाका असत बिद्‌यागेलाइ चुमावा रो ताइमिहेङ छुटकारा पिका प्रभुहेङ सुदाङ लाअ्‌वा। कालाउ ताइमिङर्‍हुता मारफाङ मुअ्‌का चुमावा।

२ पत्‍रुस 2:9

एसापा ताइको चाकरगेलाइहेङ आपतको दिनाता जोगाइतेङ तअ्‌लि रो दुरजनगेलाइहेङ साजाइ पिलि नियाको दिनाथिकापा ताअ्‌लि प्रभु गेखे।