२ पत्‍रुस 2:14 - धिमाल

¹⁴ एम्‍बालाइको मिँ दुराचारहोइ पोङघाका हिखे रो जेथे कुकरम पालाउ बुङ माघाइखे। एम्‍बालाइ खान्‍धुरता लुरमान्‍थुका द्‌याङगेलाइहेङ कुकरमको जालेता फासेपाखे। एम्‍बालाइको कोन्‍धाङ दिअ्‌काता धिरपाका निङका हिखे। एम्‍बालाइ सारापनिङचाका चानचामिन्‍दि एइ।

Dhimal NT

¹⁴ इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।

२ पत्‍रुस 2:14 Iomraidhean Croise

मत्‍ति 12:34

ओइ बिसहिका पुह्‍याँको जामालाइ! नेलाइ ताइमिङ आसाति हिसुन्‍हा, रेम्‍का काथा हेसापा धुइलि दोस्‍वाना? हाइदोनु जेदोङ काथा लिअ्‌ता पोङघाका हिखे इङको दोङ बाहार ओल्‍हेखे।

मत्‍ति 23:14

[“धिकार नेलाइहेङ, धरम मास्‍टर रो फरिसिगेलाइ! नेलाइ चिम्‍काटा हिसुन्‍हा। हाइदोनु नेलाइ रान्‍दिगेलाइको साअ्‌द्वार घिङपिसुखेना रो ताइमिहेङ धरमाति तिङपालिको भाअ्‌सिङ र्‍हिर्‍हिङका पुकार पासुखेना। इदोइखातिर बो खान्‍तेङ नेलाइ हेन्‍जा डाँड निङस्‍वाना।]

मत्‍ति 25:41

“इङकोन्‍हुअ्‌सो वा केपाहाको द्‍याङगेलाइहेङ दोअ्‍तावा, ‘साराप निङचाका द्‍याङगेलाइ, कासो दुरे जेङसु। दियाबलस रो इङकोको काम पाकालाइको भाअ्‌सिङ त्‍यार पाका हेअ्‌लाउ मासिका मेता हानेसु।

मत्‍ति 5:28

कालाउ बुङ का नेलाइहेङ दोअ्‌खा, जाइ हिदिङ बेबालहेङ मारेम्‍का ठहरसो खाङखे, इङको लाम्‍फासोङ ताइको कोन्‍धाङता इङकोदोफा दुराचार पालिदोका हिखे।

मर्कुस 13:22

हाइदोनु ढाटाइका ख्रिस्‍ट रो ढाटाइका आगाधुइका जाअ्‌तावा, कालाउ दोनु साल्‍तेङ दिङगिल्‍कालाइहेङ मायाजालता पालि एम्‍बालाइ चिनो रो भारभुसाइका कामगेलाइ पावा।

युहन्‍ना 5:44

नेलाइ हेसापा खान्‍धुर पालि दोस्‍वाना, जेलाउ बे नेलाइ मान भोसुखेना। कालाउ इङको मानको भोका मापासुखेना, जाइ एखिनिङ परमेस्‍वरसो लोखे।

1 कोरिन्थि 11:19

नेलाइको माझाता र्‍हुकालाएक ठार्‍हाइन्‍हाकागेलाइहेङ नाल्‍लिको भाअ्‌सिङ नेलाइता बेमेल जेङलि दोङ गोयाङ।

कलस्सि 2:18

सादेलचरगेलाइहेङ पुजिलि गोइका दोअ्‌तेङ ताइमिहेङ बाराका फोमपाकालाइ हि। कालाउ “केलाइ इसिकाङ काथागेलाइ नजर निङका हिन्‍हाहि” दोअ्‌तेङ गफि जेङतेङ नोइका भाइपाङ तिङपाकालाइ दोङ एसा दोअ्‌खे। इसिका द्‌याङगेलाइ बिथाता तुजुक पाखे। एम्‍बालाइ नेलाइहेङ इसिका छलपाका काथाता आवाइपातेङ नेलाइ निङलिगोइका इनाम मागुमाइपासु।

याकुब 1:8

हाइपानु इसिका दोमन मन हिका द्‍याङ गोताङ काथाता थिर मान्‍थुखे।

२ पत्‍रुस 2:18

एम्‍बालाइ तुजुक रो निरबुदि काथागेलाइ पाखे। कालाउ जिउहेङ लालचपाका कामगेलाइ तिङपातेङ असतसो घुरिकालाइहेङ बुङ फासेपाखे।

२ पत्‍रुस 2:3

लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।

२ पत्‍रुस 3:16

वाको गोताङ चिथिगेलाइता बुङ वा इदोइ काथागेलाइ बाखान पाका हि। इङकोता हिदिङहिदिङ काथागेलाइ गेलि मुसकिल हि। काथा माबुझिका रो खान्‍धुरता लुरमान्‍थुका द्‍याङगेलाइ इदोइ काथागेलाइहेङ बो धरम किताबगेलाइहेङ भाइपाङ उल्‍टापाल्‍ति पाखे रो ताइकोङ बिगार चुमाखे।

१ युहन्‍ना 2:16

हाइदोनु दुनियाता हिका गोताङ काथागेलाइ दोअ्‌का जिउको भोका मारेम्‍का काथा, मिको तिङका काथा निङलि लाल्‍सा पालि रो ताइको ताकाकाउरिता तुजुक पालि एइ। इदोइ गोताङ परमेस्‍वर आबासो मालोखे कालाउ दुनियासो लोखे।