२ पत्‍रुस 2:1 - धिमाल

¹ लाम्‍फालाम्‍फा जेसापा इस्राएलिगेलाइको माझाता असत आगाधुइकालाइ बुङ हिघाखे, एन्‍साङ पातेङ नेलाइको माझाता असत मास्‍टरगेलाइ जाअ्‌तावा। एम्‍बालाइ सिपापा मुअ्‌पाका असत बिद्‌यागेलाइ चुमावा रो ताइमिहेङ छुटकारा पिका प्रभुहेङ सुदाङ लाअ्‌वा। कालाउ ताइमिङर्‍हुता मारफाङ मुअ्‌का चुमावा।

Dhimal NT

¹ हेन्जाङ सोमोइ लाम्फा इस्राएल सारभिको द्‍याङगेलाइको माझाता धातुवा आगमबक्तागेलाइ बुङ हिघाहि, एन्साङ दोङ नेलाइको माझाता बुङ धातुवा सिक्स्कगेलाइ बुङ ह्याङ। इम्बालाइ सिकापा नेलाइको मन्डलिता दुल्लावा कालाउ नेलाइहेङ परमेस्वरको बारेता बिनासकारि धाताइका सिक्स्यागेलाइ दोअ्तावा। इम्बालाइ ख्रिस्टहेङ ताइको प्रभुको रुपता इन्कार पावा, जाइ नेलाइहेङ पापगेलाइसो स्वतन्तर पाहि। हाइपालिपानु इम्बालाइ एन्सा पाखे, इम्बालाइ ताइमिङता नासाका चुमाखे।

२ पत्‍रुस 2:1 Iomraidhean Croise

मत्‍ति 10:33

कालाउ बुङ जाइ कासेहेङ द्‍याङगेलाइको आगाता नामन्‍जुरि पावा, का बुङ वासेहेङ सादेलता हितेङहिका काङको आबाको आगाता नामन्‍जुरि पाङका।

मत्‍ति 24:11

हेन्‍जा द्‍याङगेलाइ ‘का दोङ आगाधुइका हिघा’ दोअ्‌तेङ धाटाइकालाइ ओल्‍ह्‍यावा रो हेन्‍जाङ द्‍याङहेङ आवाइपावा।

मत्‍ति 24:24

हाइपानु ‘कादोङ ख्रिस्‍ट’ हिघा दोअ्‌तेङ रो ‘कादोङ आगाधुइका’ हिघा दोअ्‌तेङ ढाटाइकालाइ ओल्‍हेतेङ लावा। जेङलि दोनु साल्‍तेङ दिङगिल्‍कालाइहेङ बुङ भाडकाइलि बाबारका भारभुसाइका काम रो सरबङको कामगेलाइ तिङपावा।

मत्‍ति 24:5

हाइदोनु हेअ्‌मि काङको मिङर्‍हुतेङ ‘का ख्रिस्‍ट हिघा’ दोअ्‌तेङ लावा रो हेन्‍जाङहेङ आवाइपावा।

मत्‍ति 7:15

“का परमेस्‍वरसो धुइका दोअ्‌तेङ ढाटाइका आगाधुइका दोफा होसपातेङ हिसु। इसिका द्‍याङगेलाइ नेलाइकोता भेराको धाबाता लोखे, जाइ लिअ्‌तापाहा चाहिँ थिलिगोइका स्‍याइलेगेलाइ भाइका हिखे।

मर्कुस 13:22

हाइदोनु ढाटाइका ख्रिस्‍ट रो ढाटाइका आगाधुइका जाअ्‌तावा, कालाउ दोनु साल्‍तेङ दिङगिल्‍कालाइहेङ मायाजालता पालि एम्‍बालाइ चिनो रो भारभुसाइका कामगेलाइ पावा।

लुका 12:9

कुलाउ जाइ कासेहेङ द्‌याङगेलाइको आगाता मानाल्‍खा दोअ्‌तावा, इङकोहेङ का बुङ परमेस्‍वरको सादेलचरगेलाइको आगाता मानाल्‍खा दोअ्‌ताङका।

लुका 21:8

इसु दोअ्‌हि, “होसपातेङ हिसु, नेलाइहेङ हासुबुङ ढाटाइलि माद्‌वाको। हाइदोनु हेन्‍जाङ द्‍याङगेलाइ काङको मिङ ओर्‍हाइतेङ ‘ख्रिस्‍ट का दोङ’ दोअ्‌तेङ ल्‍वावा। कालाउ ‘पहर भेरपाङ हि’ दोअ्‌तावा। कालाउ एम्‍बालाइहेङ मापिताइसु।

लुका 6:26

“धिकार, एला द्‌याङको परसङसा निङकालाइ हाइदोनु इसिका परसङसा ते द्‌याङगेलाइको पितापुर्खागेलाइ ढाटाइका आगाधुइकालाइहेङ बुङ पाका हिघाखे।”

1 कोरिन्थि 11:19

नेलाइको माझाता र्‍हुकालाएक ठार्‍हाइन्‍हाकागेलाइहेङ नाल्‍लिको भाअ्‌सिङ नेलाइता बेमेल जेङलि दोङ गोयाङ।

1 कोरिन्थि 6:20

हाइदोनु परमेस्‍वर नेलाइहेङ दाम पितेङ चोल्‍का। इदोइखातिर नेलाइको जिउहोइ परमेस्‍वरहेङ मान पासु।

1 कोरिन्थि 7:23

हाइपानु परमेस्‍वर नेलाइहेङ दाम तिरितेङ चोल्‍नाङ नेलाइ द्‍याङगेलाइको बान्‍धाइ माजेङसु।

गलाति 2:4

कालाउबुङ हेथे धाताइका खान्‍धुरिगेलाइ एइ दोअ्‌कालाइ तितसहेङ खाताना पापालि भोघाखे। एम्‍बालाइ मागेपासिङ केलाइ लिअ्‌ता दुल्‍तेङ ख्रिस्‍ट इसुता केलाइको निङका छुटकाराको चेवा पाहि। कालाउ केलाइहेङ नियम साअ्‌पालि लागाइलि भोहि।

गलाति 3:13

नियम केलाइता साराप चुमाहि कालाउ ख्रिस्‍ट इङको साराप ताइमिङ र्‍हुतेङ केलाइहेङ छुटकारा पिहि। हाइदोनु धरमकिताबता इसिका लेखेन्‍हाका हि “जाइ सिङता तोइन्‍हाखे इङको साराप निङचाका हिखे।”

गलाति 4:17

असत बिद्‌या धिरपाकालाइ नेलाइहेङ ताइको बान्‍हाइलि हेन्‍जाङ हाउसेखे। कालाउ एम्‍बालाइ रेम्‍का चिताइतेङ एन्‍सा पाका माको। कालाउ एम्‍बालाइ कासो नेलाइहेङ खेङतेङ ताइको बान्‍हाइलि भोखे।

गलाति 5:20

दिर पुजिलि, तुनामुना पालि, दुस्‍मनि पालि, झागारा पालि, इख पालि, चेर ताम्‍पालि, ताइको खिनिङ भालाइ भोलि, बेमेल चुमालि, पछेबिपछे पालि,

फिलिप्पि 3:19

आखिरता परमेस्‍वर एम्‍बालाइहेङ मुअ्‌पावा। हाइदोनु एम्‍बालाइ ख्रिस्‍टको इछा माको कालाउ ताइको जिउको इछागेलाइको चाकर पाखे। एम्‍बालाइ लेदेरलि गोइका काथागेलाइता तुजुक पाखे। एम्‍बालाइ परमेस्‍वरको काथाता माको कालाउ बुङ दुनियाको काथाता लागेका हिखे।

कलस्सि 2:18

सादेलचरगेलाइहेङ पुजिलि गोइका दोअ्‌तेङ ताइमिहेङ बाराका फोमपाकालाइ हि। कालाउ “केलाइ इसिकाङ काथागेलाइ नजर निङका हिन्‍हाहि” दोअ्‌तेङ गफि जेङतेङ नोइका भाइपाङ तिङपाकालाइ दोङ एसा दोअ्‌खे। इसिका द्‌याङगेलाइ बिथाता तुजुक पाखे। एम्‍बालाइ नेलाइहेङ इसिका छलपाका काथाता आवाइपातेङ नेलाइ निङलिगोइका इनाम मागुमाइपासु।

कलस्सि 2:8

नेलाइ मिन्‍हापातेङ हिसु, कालाउ हासु बुङ असत रो बिथाको काथा पातेङ नेलाइहेङ आस्‍तिता मादेपाको। इसिका काथागेलाइ ख्रिस्‍टसो माको द्‌याङगेलाइको रितिथिति रो दुनियाको बिद्‌यासो लोखे।

1तिमोथि 5:8

हासुङहासुङ ते ताइको सामान्‍दापरेकालाइ रो खास पातेङ ताइकोङ जाहानहेङ बुङ खाङकाखुङका मापाखे। इन्‍सिकालाइ ते खान्‍धुर पालिसुदाङ इन्‍कार पाखे। एम्‍बालाइ खान्‍धुर मापाकाखान्‍तेङ बुङ आखेका हिखे।

2 तिमोथि 4:3

हाइपानु एला द्‍याङगेलाइ जातिङको बिद्‍याहेङ सहेतेङमासहेका पहर बुङ लोदोङखे। एम्‍बालाइ ते ताइकोङ लाल्‍सागेलाइको न्‍हु लाग्‍यावा। एम्‍बालाइ ताइमिहेङ माजा लागेका काथा हिङपाका मास्‍टरगेलाइहेङ दोङ हेन्‍जा कायावा।

तितस 1:11

एबालाइको नुइता बिजाला मालागाइसिङ माज्‍याङ हाइदोनु एम्‍बालाइ ते धिरपालिङ माएल्‍का काथागेलाइ धिरपातेङ पुराङ साअ् जाहानता उपदर्‍या माचाइका हि। खालि ताकाकाउरि कामाइलिको भाअ्‌सिङ एम्‍बालाइ एसा पाका एइ।

तितस 3:10

बेमेल चुमाका द्‍याङहेङ एखे न्‍हेखे गावाइ रो मासाअ्‌हि पानु इङकोदोफा हाइदोङ सामान्‍दा माताअ्।

1पतरुस 1:8

नेलाइ इसु ख्रिस्‍ट मातिङलाउ बुङ इन्‍ताना पासुखेना रो नेलाइ वासेहेङ तिङका मान्‍थु लाउबुङ खान्‍धुर पासुखेना। कालाउ बाखान दोङ पालि मादोका लेङहोइ नेलाइको कोन्‍धाङ पोङघाका हि।

२ पत्‍रुस 2:3

लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।

१ युहन्‍ना 2:26

नेलाइहेङ छल पाकालाइको बारेता का इदोइ काथागेलाइ लेखेदोङखा।

१ युहन्‍ना 4:1

मोन्‍दाताकालाइ, ताइमिदोफा पुनित हाङसा हि दोअ्‌तेङ धुइकालाइहेङ खान्‍धुर मापासु, कालाउ नेलाइदोफा परमेस्‍वरको हाङसा एइ ना माको जाचेतेङ खाङसु। हाइदोनु हेन्‍जाङ असत आगाधुइकालाइ बुङ जेसोकोसोङ हानेका हि।