२ पत्‍रुस 1:8 - धिमाल

⁸ नेलाइहेङ गोइका काथागेलाइ इदोङ एइ। कालाउ इदोइ काथागेलाइ नेलाइको ज्‍यानता बार्‍हेतेङ हानेहि पानु नेलाइ प्रभु इसु ख्रिस्‍टहेङ नाल्‍नाङसिङ एल्‍का कामसो नेलाइको ज्‍यानता लाभ ज्‍यावा।

Dhimal NT

⁸ जेसापा नेलाइ एसापा दोङ हेन्जा खान्तेङ हेन्जा ताइको जिबन जियाइसुन्हा पानु, कालाउ नेलाइ केलाइको प्रभु येसु ख्रिस्टको भाअ्सिङ काम लागिका कालाउ फल सेपाका भाइपा जेङस्वाना।

२ पत्‍रुस 1:8 Iomraidhean Croise

मत्‍ति 13:22

आरोङ हेअ्‌मि द्‍याङको कोन्‍धाङचाहिँ चुइको झालास्‍ता बिअ्‌न्‍हाका चालाइभाइकाङ एइ। एम्‍बालाइ परमेस्‍वरको कथन हिङतेङ बुङ दुनियाको पिर रो टाका काउरिको लाल्‍साता फासिखे। एन्‍साङ एम्‍बालाइको हिङका कथनगेलाइ राम्‍तेङ हानिखे रो ताइको ज्‍यानता हिदिङ बुङ फल मासेपाखे।

मत्‍ति 20:3

“कालाउ क्हा बजेभारि बाहार ओल्‍हेलाउ वा हातेता काम माकोसिङ जाअ्‌तेङ हिका द्‍याङगेलाइहेङ तिङहि।

मत्‍ति 20:6

“आरोङ वा ना बजे हातेभारि हानेलाइ बोगेलाइहेङ जाअ्‌तेङ हिका तिङहि रो एम्‍बालाइहेङ दोअ्‌हि, ‘नेलाइ हाइपालि इता काममाकोसिङ लिअ्‌पाङ जाअ्‌तेङ हिसुन्‍हा?’

मत्‍ति 25:26

“इङकोको गिर्‍हि वासेहेङ दोअ्‌हि, ‘ओइ आसाति, कुरिह्‍या कामत्‍या! माथिङका थामेता चेखा, मायाअ्‌का थामेसो जोम्‍पाखा दोअ्‌तेङ ना गेकाङ हिघान्‍हा पानु,

युहन्‍ना 15:2

काता हिका गोताङ दालेङ जाइ फल मासेपाखे वा इङकोहेङ धाइगिलावा रो फल सेपाका गोताङ दालेङहेङ आरोङ हेन्‍जा फल स्‍याको दोअ्‌तेङ वा तुमप्‍यावा।

युहन्‍ना 17:3

एला असिम ज्‍यान इदोइ एइ, एम्‍बालाइ ना एमिखिनिङ सत परमेस्‍वरहेङ नालाको रो नाङको दिङगिल्‍का इसु ख्रिस्‍टहेङ नालाको।

युहन्‍ना 5:42

कुलाउ परमेस्‍वरको इन्‍ताना नेलाइता मान्‍थु दोअ्‌तेङ का गेखा।

1 कोरिन्थि 15:58

इदोइखातिर काङको मोन्‍दाताका दादाओने बाइओनेगेलाइ, थिर जेङतेङ प्रभुको कामता दिनाङ बार्‍हेतेङहानेसु। हाइपानु नेलाइ गेसुखेना, प्रभुता नेलाइको मिनेत एन्‍साङ माहानाङ।

फिलिप्पि 1:9

नेलाइको भाअ्‌सिङ काङको पुकार इदोङ हि नेलाइ बुङ माया पाका काथाता, सत आकिल रो रेम्‍का मारेम्‍का खेङलि दोका काथाता बार्‍हेतेङ हानेसु।

फिलिप्पि 2:5

नेलाइको इसिका मन ह्‍याको, जाइ ख्रिस्‍ट इसुता हिघाहि।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

कलस्सि 1:10

एन्‍सा पासुन्‍हा पानु नेलाइ प्रभुहेङ मोन्‍दाताका काम पातेङ दिनाङ वासेहेङ लेङचा पालि दोस्‍वाना। कालाउ गोताङ काम रेम्‍का पातेङ नेलाइको आनिबानि रेम्‍का जेनावा रो नेलाइ परमेस्‍वरकोङ आकिलता बार्‍हेतेङ हानेस्‍वाना।

कलस्सि 2:7

जेसापा सिङ भोनोता जारि जोतेङ बोल्‍याका जेङखे, नेलाइ बुङ खान्‍धुरता बोल्‍याका जेङतेङ हानेसु। कालाउ नेलाइहेङ धिरपाका आन्‍सार खान्‍धुरता बोल्‍याका जेङसु रो परमेस्‍वरहेङ दिनाङ च्‍याबास चार्‍हाइसु।

कलस्सि 3:16

ख्रिस्‍टको कथन नेलाइको कोन्‍धाङता इस्‍तुङ ह्‍याको। इङकोङ कथनको गोताङ आकिलहोइ ए भेनेङहेङ धिरपाका रो साल्‍हा पिका जेङसु। ताइको कोन्‍धाङसोङ च्‍याबासि जेङतेङ परमेस्‍वरको पिका भेभेनेङ लेगेलाइ लेतेङ वासेहेङ बाखिन्‍सु।

1 थेस्लोनिकि 3:12

जेसापा केलाइ नेलाइहेङ दाया पान्‍हाखे एन्‍सा दोङ प्रभु नेलाइहेङ एमि भेनेङदोफा रो झाराङ द्‍याङदोफा हेन्‍जाङ दाया पाका बान्‍हायाको।

1 थेस्लोनिकि 4:1

आखिरता दादाओने बाइओनेगेलाइ, नेलाइ केलाइसो परमेस्‍वरहेङ मोन्‍दाताका आनिबानि धिर्का हिसुन्‍हा। जातिङकोङ नेलाइको आनिबानि परमेस्‍वरहेङ मोन्‍दाताकावा। इङको आनिबानिता झनझन रेम्‍का जेङतेङ हानेसु दोअ्‌तेङ प्रभु इसुको मिङता बिम्‍ति पान्‍हाखे।

2 थेस्लोनिकि 1:3

दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

1तिमोथि 5:13

कालाउ बोइसाहिका रान्‍दिगेलाइको मिङ चार्‍हाइनु ते एम्‍बालाइ बोमिको साअ्‌साअ्‌ता घुराइका बानि जेङतेङ कुर्‍ह्‍याइनि जेङखे। इङको खिनिङ माको बोमिको काथा पाका, झागारा पापाका रो धुइलिङ माएल्‍का काथा बुङ धुइका हिखे।

तितस 3:14

केलाइको द्‍याङगेलाइ बिथाता ज्‍यान थाल्‍लिमागोयाङ। एम्‍बालाइ रेम्‍का काम पातेङ हारजा परेका पहरता द्‍याङगेलाइहेङ साहेता पालि द्‍वाको।

२ पत्‍रुस 1:2

नेलाइ परमेस्‍वर रो केलाइको प्रभु इसु ख्रिस्‍टहेङ नालनासिङ परमेस्‍वर नेलाइहेङ हेन्‍जाखान्‍तेङ हेन्‍जा निगाहा रो सान्‍ति प्‍याको।

२ पत्‍रुस 1:3

पुनित ज्‍यान सिन्‍हुलिको भाअ्‌सिङ गोइका गोताङ काथा केलाइ परमेस्‍वरको सरबङसो दोङ निङका हिन्‍हाहि। हाइदोनु ताइको प्रताप रो भालाइसो काइका परमेस्‍वरहेङ केलाइ नाल्‍का हिन्‍हाहि।

२ पत्‍रुस 2:20

एम्‍बालाइ केलाइको प्रभु रो छुटकारापिका इसु ख्रिस्‍टहेङ नाल्‍तेङ बुङ दुनियाको आखेका पापाका काथासो खाअ्‌कान्‍हुअ्‌सो आरोङ कुकरमता वालातेङ इङकोको बसता परिखे पानु, एम्‍बालाइको न्‍हु हालत लाम्‍फाको खान्‍तेङ झन आखेका ज्‍यावा।

२ पत्‍रुस 3:18

कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।