२ पत्‍रुस 1:5 - धिमाल

⁵ इदोइखातिर जेथे दोका नेलाइको खान्‍धुरता रेम्‍का काम पालि दिनाङ बल पासु। कालाउ जाइ एल्‍का हि इङको पातेङ आकिल बुङ बार्‍हेपासु।

Dhimal NT

⁵ हाइपालिपानु नेलाइ परमेस्वरको स्वभाबता झ्वाइनालि बनिका हिसुना, नेलाइ ख्रिस्टता खाङधुरि पालि खिनिङ माको, कालाउ नेलाइ बोमिको भाअ्सिङ दिनाङ आसल काम पालि कोसिस पालि गोइखे। नेलाइ आसल काम खिनिङ पालि माको, कालाउ नेलाइ बुद्दिमान तरिकाहोइ ब्यभार पाका द्‍याङ बुङ जेङलि गोइखे।

२ पत्‍रुस 1:5 Iomraidhean Croise

लुका 16:26

आरोङ नाङको रो केलाइको माझाता बारा वाङखारा हि। एन्‍सा जेङलाउ हासु बुङ वारपार पातेङ हानेलि लोलि माद्‍वावा।’

लुका 24:21

वा दोङ इस्राएलिगेलाइहेङ उदारपावा दोअ्‌तेङ केलाइ आस पाका हिघान्‍हाहि। कालाउ वासेहेङ कुरुसता ताङगाइका बुङ नानि सुम दिना जेङहोइ।

युहन्‍ना 6:27

मुअ्‌तेङ हानेका चाकाको भाअ्‌सिङ मिनेत मापासु, कुलाउ असिम ज्‍यानथिकापा हिका चाकाको भाअ्‌सिङ मिनेत पासु, जाइ द्‍याङको चान नेलाइहेङ प्‍यावा। हाइदोनु याकोङ भाअ्‌सिङ परमेस्‍वर आबा वासेहेङ खाटाइतेङ दिङगिल्‍का एइ।”

1 कोरिन्थि 14:20

दादाओने बाइओनेगेलाइ, नेलाइ फोमपालाउ जामालभाइपा माजेङसु। मारेम्‍का काथागेलाइता जामालभाइपाङ मागेका जेङसु। कालाउ फोमपालाउ पुर्‍हिका जेङसु।

फिलिप्पि 1:9

नेलाइको भाअ्‌सिङ काङको पुकार इदोङ हि नेलाइ बुङ माया पाका काथाता, सत आकिल रो रेम्‍का मारेम्‍का खेङलि दोका काथाता बार्‍हेतेङ हानेसु।

फिलिप्पि 2:12

इदोइखातिर काङको मोन्‍दाताका दादाओने बाइओनेगेलाइ का नेलाइदोफा हिलाउ नेलाइ दिनाङ काङको काथागेलाइ साअ्‌सुन्‍हा। झन का नेलाइसो दुरे हिलाउ बुङ नेलाइ काङको काथागेलाइ आरोङ हेन्‍जाङ साअ्‌लि गोइस्‍वाना। कालाउ नेलाइको निङका छुटकाराको काथा तिङपालि हेन्‍जा भेम्‍ति ह्‍याअ्‌पासु रो परमेस्‍वरहेङ मान पातेङ वाको थिकाता एसा पासु।

फिलिप्पि 4:8

एला दादाओने बाइओनेगेलाइ, जेदोङ काथा सत रो मानको हि, जेदोङ काथा नियाको रो पुनित हि, जेदोङ काथा माया लाएक रो निगाहाको हि, जेदोङ काथा रेम्‍का रो बाखिन्‍लि गोइका हि, इङकोङ काथाता मन लागाइसु।

कलस्सि 1:9

इदोइ काथा हिङका दिनासोङ केलाइ नेलाइको भाअ्‌सिङ दिनाङ पुकार पान्‍हाखे। पुनित हाङसाको पिका आकिल रो समझसो परमेस्‍वरको लाल्‍सा गेसु दोअ्‌तेङ दोङ केलाइको पारथाना हि।

कलस्सि 2:3

वाता दोङ परमेस्‍वरको हेन्‍जाङ मोलहिका गोताङ आकिल रो बुदिगेलाइ म्‍होअ्‌न्‍हा हि।

1पतरुस 3:7

केअ्‌गेलाइ, नेलाइ ताइको बेअ्‌गेलाइहेङ मादोका फोमपातेङ मान पासु। हाइपानु एम्‍बालाइ बुङ नेलाइदोफा दोङ परमेस्‍वरको पिका ज्‍यान निनावा। एसापा नेलाइको पाका पुकारता हिदिङ खाल्‍को बाधा माल्‍वाको दोअ्‌तेङ एमि भेनेङदोफा रेम्‍का बेभार पासु।

२ पत्‍रुस 1:10

इदोइखातिर दादाओने बाइओनेगेलाइ, नेलाइको काइन्‍हाका रो साल्‍का निधो पालि आरोङ बोल्‍याका जेङसु। हाइपानु इदोइ काथा पासुन्‍हा पानु नेलाइ हेअ्‌लाउ बुङ परमेस्‍वरसो दुरे माजेङस्‍वाना।

२ पत्‍रुस 1:11

हाइपानु एसापा केलाइको प्रभु रो छुटकारापिका इसु ख्रिस्‍टको असिम सारभिलिअ्‌ता नेलाइ गाजाबसो दुल्‍लि निङस्‍वाना।

२ पत्‍रुस 3:14

इदोइखातिर मोन्‍दाताकालाइ, नेलाइ इदोइ काथाहेङ र्‍हुमकालाइ हिनाङसिङ, वाको नजरता नेलाइ दागा माकोनु दुस मान्‍थुकालाइ रो सान्‍तिता हिलि बल पासु।

२ पत्‍रुस 3:18

कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।