२ पत्‍रुस 1:2 - धिमाल

² नेलाइ परमेस्‍वर रो केलाइको प्रभु इसु ख्रिस्‍टहेङ नालनासिङ परमेस्‍वर नेलाइहेङ हेन्‍जाखान्‍तेङ हेन्‍जा निगाहा रो सान्‍ति प्‍याको।

Dhimal NT

² का प्रार्थाना पाखा कि, परमेस्वर कालाउ येसु ख्रिस्ट केलाइको प्रभुको ग्यानता, नेलाइ बाढेकाताङ हानिलाउ परमेस्वर नेलाइहेङ हेन्जा खाङतेङ हेन्जा आनुग्रह कालाउ सान्ति प्याको।

२ पत्‍रुस 1:2 Iomraidhean Croise

लुका 10:22

“काङको आबा कासेहेङ गोताङ थोक जिम्‍मा पिकाहि। आबाबिना का चानहेङ हासुङ मानाल्‍खे। एन्‍साङ चान रो वाको नाल्‍पाका द्‌याङगेलाइ बिना बो हासुबुङ आबाहेङ मानाल्‍खे।”

युहन्‍ना 17:3

एला असिम ज्‍यान इदोइ एइ, एम्‍बालाइ ना एमिखिनिङ सत परमेस्‍वरहेङ नालाको रो नाङको दिङगिल्‍का इसु ख्रिस्‍टहेङ नालाको।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

1पतरुस 1:2

लाम्‍फासोङ परमेस्‍वर आबा ताइको उपाइआन्‍सार नेलाइहेङ ताइकोङ पुनित जन जेङलि साल्‍हि। इसु ख्रिस्‍टको हितिहोइ पुनित जेङतेङ वाकोङ हुकुम नेलाइ साअलि दोसु दोअ्‌तेङ वा नेलाइहेङ पुनित हाङसासो ताइको बान्‍हाइहि। कालाउ परमेस्‍वर आबा नेलाइहेङ इस्‍तुङ निगाहा रो सान्‍ति प्‍याको।

२ पत्‍रुस 1:3

पुनित ज्‍यान सिन्‍हुलिको भाअ्‌सिङ गोइका गोताङ काथा केलाइ परमेस्‍वरको सरबङसो दोङ निङका हिन्‍हाहि। हाइदोनु ताइको प्रताप रो भालाइसो काइका परमेस्‍वरहेङ केलाइ नाल्‍का हिन्‍हाहि।

२ पत्‍रुस 1:5

इदोइखातिर जेथे दोका नेलाइको खान्‍धुरता रेम्‍का काम पालि दिनाङ बल पासु। कालाउ जाइ एल्‍का हि इङको पातेङ आकिल बुङ बार्‍हेपासु।

२ पत्‍रुस 1:8

नेलाइहेङ गोइका काथागेलाइ इदोङ एइ। कालाउ इदोइ काथागेलाइ नेलाइको ज्‍यानता बार्‍हेतेङ हानेहि पानु नेलाइ प्रभु इसु ख्रिस्‍टहेङ नाल्‍नाङसिङ एल्‍का कामसो नेलाइको ज्‍यानता लाभ ज्‍यावा।

२ पत्‍रुस 2:20

एम्‍बालाइ केलाइको प्रभु रो छुटकारापिका इसु ख्रिस्‍टहेङ नाल्‍तेङ बुङ दुनियाको आखेका पापाका काथासो खाअ्‌कान्‍हुअ्‌सो आरोङ कुकरमता वालातेङ इङकोको बसता परिखे पानु, एम्‍बालाइको न्‍हु हालत लाम्‍फाको खान्‍तेङ झन आखेका ज्‍यावा।

२ पत्‍रुस 3:18

कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।