२ पत्‍रुस 1:16 - धिमाल

¹⁶ केलाइको प्रभु इसु ख्रिस्‍ट बाराका प्रताप रो बाराका सरबङता आरोङ ल्‍वावा दोअ्‌तेङ केलाइ नेलाइहेङ एन्‍साङ दोअ्‌का माको। कालाउ केलाइ ताइकोङ मि होइ वाको बाराका प्रताप तिङन्‍हाहि।

Dhimal NT

¹⁶ जेलाउ केलाइ छाल्का चात्यागेलाइ नेलाइहेङ केलाइको प्रभु येसु ख्रिस्टको सरबुङ कालाउ आगामनको बारेता दोअ्का हिघानाहि, जेलाउ चङख जेङतेङ केलाइ नेलाइहेङ बानाइका दन्त्य काथागेलाइ दोअ्का मान्थु घानाहि। भरु केलाइ ताइमिङ ख्रिस्टको बार्का महिमा तिङका हिनाहि।

२ पत्‍रुस 1:16 Iomraidhean Croise

मत्‍ति 16:27

हाइपानु का द्‍याङको चान ताइको आबाको प्रतापता ताइको सादेलचरगेलाइदोफा ल्‍वाङका। इङको पहर का गोताङ द्‍याङहेङ इङकोको काममाफिक नातिजा प्‍याङका।

मत्‍ति 16:28

जातिङको, का नेलाइहेङ दोअ्‌खा, इता जाअ्‌कालाइता हेअ्‌मि द्‍याङगेलाइ का द्‍याङको चानहेङ ताइको सारभिता लोतेङहिका मातिम्‍पाधाउ मास्‍यावा।”

मत्‍ति 17:1

इङकोको तु दिनान्‍हुअ्‌सो इसु पत्‍रुस, याकुब रो वाको ओने युहन्‍नाहेङ खिनिङ दोसाङ चुमपुतेङ झाउका आरदाङर्‍हुता हानेहि।

मत्‍ति 24:27

हाइपानु जेसापा बिजुलि नुहेँसो चिल्‍कालाउ दिहेँथिकापाङ फाइसालाम्‍खे, एन्‍सा दोङ का द्‍याङको चान लोलाउ ज्‍यावा।

मत्‍ति 24:3

इङकोन्‍हुअ्‌सो इसु जाइतुन आरदाङता हानितेङ योम्‍तेङहिलाउ चात्‍यागेलाइ सिपापा लोतेङ वासेहेङ हिअ्‌हि, “मास्‍टर, केलाइहेङ दोअ्, इदोइ काथा हेअ्‌लाउ जेनावा? कालाउ नाङको लोका रो इदोइ जुगको आखिरको चिनो केलाइ हेसापा गिलि द्‍वाङ?”

मत्‍ति 28:18

कालाउ इसु भेर्पा लोतेङ एम्‍बालाइहेङ दोअ्‌हि, “खाङसु, सादेल रो सुमिङता गोताङ खाबारा कासेहेङ पिका हि।

मर्कुस 13:26

कालाउ इङको पहरता द्‍याङगेलाइ का द्‍याङको चानहेङ सरबङ रो प्रतापदोसा बादेलता लोकाताङपाका तिनावा।

मर्कुस 14:62

इसु वासेहेङ जावाफ पिहि, “का हिघा, कालाउ एअ्‌नि नेलाइ का द्‍याङको चानहेङ सरबङहिका परमेस्‍वरको दाम्‍पाहा सिंहासनता हिका रो सादेलसो आदेलको बादेलता लोकाताङ पाका तिङस्‍वाना।”

लुका 1:2

इङको बारदातगेलाइचाहिँ लाम्‍फासो दोङ ताइकोङ मिसो तिङका रो याको बारेता रेम्‍काबानाल पारचार पाकालाइ दोअ्‌का हि।

लुका 9:43

परमेस्‍वरको इसिका बारा सरबङ तिङतेङ झाराङ द्‌याङगेलाइ भारभुसाइहि।

युहन्‍ना 1:14

कालाउ कथन द्‍याङ जेङहि, वा निगाहा रो सतसो पोङघा न्‍हातेङ केलाइको माझाता बासा हि। केलाइ वाको प्रताप तिङन्‍हाहि, जेदोङ प्रताप आबासो लोका एखिनिङ चानको भाइका हिघाहि।

युहन्‍ना 17:2

हाइपानु ना वासेहेङ गोताङ द्‍याङगेलाइर्‍हुता खाबारा पिका हिन्‍हा, कोलाउ ना वासेहेङ पिका झाराङहेङ वा असिम ज्‍यान प्‍याको।

1 कोरिन्थि 1:17

हाइदोनु ख्रिस्‍ट कासेहेङ चिभुअ्‌लि माको, कालाउ रेम्‍काबानाल पारचारपालि खाटाइका एइ। दुनियाको आकिलको काथाता माको, माकोनुते ख्रिस्‍टको सरबङ बिथाको जेङधावा।

1 कोरिन्थि 1:23

कालाउ केलाइचाहिँ कुरुसता टाङघाइन्‍हाका ख्रिस्‍टको बानाल पारचार पान्‍हाखे। यहुदिगेलाइ इदोइ बानाल र्‍हुलि मोन्‍दा माताहि रो बोजात्‍यागेलाइचाहिँ इदोइ बानाल काम मालाग्‍याङ दोअ्‌तेङ फोमपाहि।

1 कोरिन्थि 1:7

इदोइखातिर केलाइको प्रभु इसु ख्रिस्‍ट लोका दामा र्‍हुमलाउ नेलाइहेङ हिदिङ बरको हारजा माज्‍यावा।

1 कोरिन्थि 2:1

दादाओने बाइओनेगेलाइ, का परमेस्‍वरको रेम्‍काबानाल पारचार पालि नेलाइकोता लोलाउ, बाबारका काथागेलाइ पातेङ आकिलहिका भाइपा नेलाइकोता मालोघा।

1 कोरिन्थि 2:4

का नेलाइदोफा धुइलाउ रो परमेस्‍वरको रेम्‍काबानाल पारचार पालाउ हेन्‍जा गेका जेङतेङ बाबारका काथागेलाइ मापाघा। कालाउ परमेस्‍वरको हाङसा रो सरबङको पाक्‍का दासि पितेङ का पारचार पाघा।

1 कोरिन्थि 5:4

जेलाउ नेलाइ केलाइको प्रभु इसुको मिङता जोमस्‍वाना कोलाउ का हाङसाता नेलाइदोफाङ ह्‍याङका रो प्रभु इसुको सरबङ बुङ इन्‍ता नेलाइदोफाङ ह्‍यावा।

फिलिप्पि 3:21

वादोफा गोताङ थोकगेलाइ र्‍हुता राज पाका सरबङ हि। इङकोङ सरबङहोइ दोङ वा केलाइको इदोइ सिका जिउहेङ वाको भाइपाङ प्रतापि जिउ बान्‍हायावा।

1 थेस्लोनिकि 2:19

केलाइको प्रभु इसु जेलाउ ल्‍वावा, इङको पहर वाको आगाता केलाइको आस, लेङ, मान निङका सिरपेच नेलाइ दोङ, माको कुनु?

2 थेस्लोनिकि 2:9

इङको नियम मासाअ्‌का दियाबलसको सरबङदोफा ल्‍वावा रो इङको गोताङ खाल्‍को असत चिनो रो भारभुसाइका कामगेलाइ पावा।

1तिमोथि 1:4

कालाउ एम्‍बालाइ इङको निङकाकाथा रो आबा खालगेलाइको बङसावलिता आवाइलि मापि। इसिका काथागेलाइ ते चेरसुका खिनिङ पापाखे रो खान्‍धुरसो पाका परमेस्‍वरको कामता साङका खिनिङ बार्‍हेपाखे।

1तिमोथि 4:7

परमेस्‍वरको प्रताप माजेङका रो मानेमान्‍थुका काथागेलाइसो फारापा हिसु। इङको खान्‍तेङ ते परमेस्‍वरहेङ चाकर पाका काथाता तालिम पिसु।

तितस 1:14

एला यहुदिको निङपिकाकाथा रो सतहेङ मासाअ्‌का द्‍याङगेलाइको बान्‍हाइका हुकुम मामासाअ्।

२ पत्‍रुस 2:3

लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।

१ युहन्‍ना 4:14

केलाइ तिङका हिन्‍हाहि रो दासि पिन्‍हाखे, परमेस्‍वर आबा ताइको चानहेङ दुनियाको छुटकारापिकाको आकारता दिङगिल्‍का एइ।