२ पत्‍रुस 1:12 - धिमाल

¹² इदोइखातिर इदोइ काथागेलाइ नेलाइहेङ का दिनाङ फोमपापाङका, कालाउ नेलाइ इदोइ गोताङ गेसुखेना रो नेलाइता हिका सतता नेलाइ बोल्‍याका हिसुन्‍हा।

Dhimal NT

¹² लाम्फा दोङ नेलाइहेङ इदोइ काथागेलाइ थाहा जेङकाङ हि, कालाउ द्‍याङगेलाइ नेलाइहेङ धिर्पाका सत्ये सिक्स्याता बल्लियाका जेङका हिसुना, का इङको काथागेलाइको बारेता जेलाउ बुङ फोम पाअ्‌ पाङका।

२ पत्‍रुस 1:12 Iomraidhean Croise

साल्न्हाका चात्या 16:5

एसापा मन्‍डलिगेलाइ खान्‍धुरता बोल्‍याका जेङतेङ दिनादिनाङ बार्‍हेतेङहान्‍हेहि।

फिलिप्पि 3:1

आखिरता दादाओने बाइओनेगेलाइ, प्रभुता लेङचासु। नेलाइहेङ इङकोङ काथागेलाइ घुरिघुरि लेखेतेङहिलि का माज्‍याह्‍वाखा। कालाउ इदोइसो ते नेलाइको खान्‍धुरहेङ सिन्‍हुपावा।

कलस्सि 1:5

जेदोङचाहिँ नेलाइको भाअ्‌सिङ सादेलता ताअ्‌न्‍हाका इनामको आसको खातिर नेलाइ इसिका खान्‍धुर रो माया पाका हिसुन्‍हा। इदोइ आसको बारेता नेलाइ लामफासोङ सतको बचन रेम्‍काबानालता हिङका हिसुन्‍हा।

कलस्सि 2:7

जेसापा सिङ भोनोता जारि जोतेङ बोल्‍याका जेङखे, नेलाइ बुङ खान्‍धुरता बोल्‍याका जेङतेङ हानेसु। कालाउ नेलाइहेङ धिरपाका आन्‍सार खान्‍धुरता बोल्‍याका जेङसु रो परमेस्‍वरहेङ दिनाङ च्‍याबास चार्‍हाइसु।

1तिमोथि 4:6

ना इदोइ काथा खान्‍धुरिगेलाइहेङ धिरपान्‍हा पानु ना ख्रिस्‍ट इसुको रेम्‍का चाकर जेनाना। नाङको पाका खान्‍धुर रो रेम्‍का बिद्‌याता ना बाराकाताङ हानेका हिन्‍हा दोअ्‌का काथा या तिङपाखे।

2 तिमोथि 1:6

इदोइभाअ्‌सिङ का नासेहेङ आरोङ फोम पापातेङ दोअ्‌खा, का नार्‍हुता खुर ताअ्‌लाउ परमेस्‍वरको पिका बरहेङ ना बाहेतेङ हि।

1पतरुस 5:10

हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।

1पतरुस 5:12

काङको खान्‍धुरि ओने सिलासको मदतसो इदोइ पोतोका चिथि नेलाइहेङ लेखेका हिघा। का इदोइ चिथिता परमेस्‍वरको जातिङको निगाहाको दासि पिलि रो नेलाइको हाउसाला बार्‍हेपापिलि भाअ्‌सिङ लेखेका एइ। कालाउ नेलाइ इदोइ निगाहाता बोल्‍याका जेङलि दोसु।

२ पत्‍रुस 1:13

का बान्‍चिपाधाउ नेलाइहेङ इदोइ काथागेलाइ फोम पापातेङ सजक पालि का मुनासिप चिताइखा।

२ पत्‍रुस 1:15

काङको इदोइ जिउ लाअ्‍कान्‍हुअ्‌सो बुङ नेलाइ इदोइ काथाहेङ हिदिङ बुङ पहर फोमपालि दोसु दोअ्‌तेङ का दोअ्‌तेङ ह्‍याङका।

२ पत्‍रुस 3:1

मोन्‍दाताकालाइ, नेलाइहेङ लेखेका इदोइ काङको न्‍हे चिथि एइ रो लाङ चिथि भाइपाङ इदोइ चिथिता बुङ नेलाइहेङ हेन्‍जाङ काथागेलाइको फोम पापातेङ हाउसाला पिका हिघा।

२ पत्‍रुस 3:17

मोन्‍दाताकालाइ, लाम्‍फासोङ इदोइ काथा गेतेङ हुसपातेङ हिसु। आसाति द्‍याङगेलाइको माजेङका काथाता आवाइतेङ ताइको धिरता माराम्‍पासु।

१ युहन्‍ना 2:21

नेलाइ सतहेङ मानाल्‍सुखेना दोअ्‍तेङ का लेखेका माको, कालाउ नेलाइ सतहेङ नाल्‍का हिनाङसिङ हिदिबुङ असत सतसो मालोखे दोअ्‍तेङ नेलाइ गेका हिनाङसिङ का नेलाइहेङ लेखेका हिघा।

२ युहन्‍ना 1:2

हाइदोनु सत केलाइलिअ्‌ता हि इङको भाअ्‌सिङ नेलाइहेङ माया पान्‍हाखे। इङको सत दिनाङ केलाइदोफा ह्‍यावा।