२ पत्‍रुस 1:11 - धिमाल

¹¹ हाइपानु एसापा केलाइको प्रभु रो छुटकारापिका इसु ख्रिस्‍टको असिम सारभिलिअ्‌ता नेलाइ गाजाबसो दुल्‍लि निङस्‍वाना।

Dhimal NT

¹¹ कालाउ दोफाङ परमेस्वर नेलाइहेङ येसु ख्रिस्ट हिका राइजिता भब्य स्‍वागत पाङ, जाइ केलाइको प्रभु कालाउ मुक्ति दाता हिका हि, वा इन्ता जेलाउलाउको भाअ्सिङ राजा जेङतेङ राइजि पाङ।

२ पत्‍रुस 1:11 Iomraidhean Croise

मत्‍ति 25:34

“कालाउ राजा ताइको दाम्‍पाहाकोगेलाहेङ दोअ्‌तावा, ‘लोसु, काङको परमेस्‍वर आबासो सहसाम्‍पा निङकालाइ एइ! दुनियाको सिरजाइसो नेलाइको भाअ्‌सिङ त्‍यार पाका सारभिहेङ खाबरा पासु।

युहन्‍ना 10:10

खुका ते खुलि, सेअ्‌लि रो मुअ् पालि खिनिङ लोखे। का ते नेलाइलाइ ज्‍यान निनाको रो इङको हेन्‍जा आकारता निनाको दोअ्‌का खातिरहोइ लोघा।

1 कोरिन्थि 15:24

इङकोन्‍हुअ्‌सो दुनियाको न्‍हुअ्‌ ज्‍यावा, कोलाउ ख्रिस्‍ट गोताङ राज पाकालाइ, खाबारा रो सरबङ हिकालाइहेङ मुअ्‌पातेङ वा ताइको सारभि परमेस्‍वर आबाहेङ सुमप्‍यावा।

1तिमोथि 6:17

एला इदोइ दुनियाता गिर्‍हि जेङकालाइहेङ तुजुक मापालि दोअ्। कालाउ एम्‍बालाइको ताकाकाउरि दिनाङको भाअ्‌सिङ हितेङ माह्‍यावा। कालाउ केलाइको सुखको भाअ्‌सिङ गोताङ थोक होपाङ पिका परमेस्‍वरताङ भर ताअ्‌सु दोअ्‌तेङ एम्‍बालाइहेङ हुकुम पि।

2 तिमोथि 4:18

प्रभु दोङ कासेहेङ गोताङ खाल्‍को आखेकागेलाइसो सिन्‍हुपावा। वा कासेहेङ जोगाइतेङ ताइको सादेलको सारभिता चुमप्‍वावा। वाको दिनाङ प्रताप हितेङह्‍याको। आमेन।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

२ पत्‍रुस 1:1

का इसु ख्रिस्‍टको साल्‍तेङ दिङगिल्‍का रो चाकर सिमोन पत्‍रुससो, केलाइको परमेस्‍वर रो छुटकारापिका इसु ख्रिस्‍टको धरमातितासो केलाइको भइपाङ हेन्‍जाङ जाङका खान्‍धुर निङकालाइहेङ इदोइ चिथि लेखेदोङखा।

२ पत्‍रुस 1:5

इदोइखातिर जेथे दोका नेलाइको खान्‍धुरता रेम्‍का काम पालि दिनाङ बल पासु। कालाउ जाइ एल्‍का हि इङको पातेङ आकिल बुङ बार्‍हेपासु।

२ पत्‍रुस 2:20

एम्‍बालाइ केलाइको प्रभु रो छुटकारापिका इसु ख्रिस्‍टहेङ नाल्‍तेङ बुङ दुनियाको आखेका पापाका काथासो खाअ्‌कान्‍हुअ्‌सो आरोङ कुकरमता वालातेङ इङकोको बसता परिखे पानु, एम्‍बालाइको न्‍हु हालत लाम्‍फाको खान्‍तेङ झन आखेका ज्‍यावा।

२ पत्‍रुस 3:18

कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।