२ पत्‍रुस 1:1 - धिमाल

¹ का इसु ख्रिस्‍टको साल्‍तेङ दिङगिल्‍का रो चाकर सिमोन पत्‍रुससो, केलाइको परमेस्‍वर रो छुटकारापिका इसु ख्रिस्‍टको धरमातितासो केलाइको भइपाङ हेन्‍जाङ जाङका खान्‍धुर निङकालाइहेङ इदोइ चिथि लेखेदोङखा।

Dhimal NT

¹ का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

२ पत्‍रुस 1:1 Iomraidhean Croise

मत्‍ति 10:2

तेन्‍हे साल्‍तेङ दिङगिल्‍कालाइको मिङ इदोइ एइ: लाङ, पत्‍रुस जाइहेङ सिमोन बुङ दोअ्‌खे रो वाको ओने अन्‍द्रियास, जब्‍दियाको चानगेलाइ याकुब रो वाको ओने युहन्‍ना,

मत्‍ति 4:18

एनि गालिल चावान्‍दिको काम्‍बेता हिगिल्‍लाउ इसु पत्‍रुस दोअ्‌का सिमोन रो वाको ओने अन्‍द्रियासहेङ तिङहि। न्‍हेमिङ ओनेहेङ चावान्‍दिता जाले थालतेङहिका तिङहि, हाइदोनु एम्‍बालाइ गोन्‍धि हिघाखे।

लुका 1:47

रो काङको आत्‍मा काङको मुक्‍तिपिका परमेस्‍वरता लेङचाखे।

लुका 11:49

इङकोखातिर गोताङ काथा गेका परमेस्‍वर लाम्‍फासो दोङ दोअ्‌का हिघाहि, ‘का नेलाइकोता आगाधुइकालाइ रो साल्‍तेङ दिङगिल्‍कालाइहेङ दिङगिलाङका। कालाउ एम्‍बालाइता हेथेहेङ सान्‍तायावा रो हेथेहेङ सेअ्‌तावा।’

युहन्‍ना 1:42

अन्‍द्रियास सिमोनहेङ इसुकोता चुमाहि। इसु सिमोनहेङ खाङहि रो दोअ्‌हि, “ना योआनेसको चान सिमोन हिन्‍हा। खाङ, ना केफास (जाइको माने, उन्‍ठुइ) दोअ्‌न्‍हावा।” (जाइको माने ग्रिक राउता पत्‍रुस जेङखे।)

युहन्‍ना 12:26

हासुङ काङको कामत्‍या जेङखे पानु इङको कासेहेङ पितायाको रो का जेता हिघा, काङको सेबक बुङ इन्‍ता ह्‍यावा। हासुङ काङको कामत्‍या जेङखे पानु आबा इङकोको मान पावा।

युहन्‍ना 20:21

कालाउ इसु आरोङ एम्‍बालाइहेङ दोअ्‌हि, “नेलाइहेङ सुबिस्‍ता ज्‍याको! जेसापा आबा कासेहेङ दिङगिल्‍हि, एन्‍साङ का बुङ नेलाइहेङ दिङगिलाङका।”

साल्न्हाका चात्या 15:14

परमेस्‍वर ताइकोङ मिङको भाअ्‌सिङ बोजात्‍यागेलाइसो एलोङ जात्‍या साल्‍लि निगाह पाहि दोअ्‌का काथा सिमोन पत्‍रुस दोअ्‌पिका हि।

1 कोरिन्थि 1:30

परमेस्‍वर नेलाइहेङ इसु ख्रिस्‍टदोफाङ ए बान्‍हाइका हि। वाकोङ कामसो ख्रिस्‍ट केलाइको आकिल जेङका हि। केलाइ ख्रिस्‍टसो परमेस्‍वरको आगा धरमाति ठर्‍हाइन्‍हाङ। कालाउ केलाइ परमेस्‍वरको पुनित रो छुटकारा निङका द्‌याङ जेनाङ।

1 कोरिन्थि 15:9

साल्‍तेङ दिङगिल्‍कालाइता झाराङखान्‍तेङ म्‍हुइका का दोङ एइ। का साल्‍तेङ दिङगिल्‍का दोअ्‌न्‍हालि लाएकको मान्‍थुघा। हाइदोनु का परमेस्‍वरको मन्‍डलिहेङ हेन्‍जाङ खेदो पाघा।

1 कोरिन्थि 9:1

हाइ का फुक्‍का मान्‍थुघा? हाइ का साल्‍तेङ दिङगिल्‍का माको? हाइ का केलाइको प्रभु इसु ख्रिस्‍टहेङ तिङका मान्‍थुघा? हाइ नेलाइ दोङ काङको पाका कामसो प्रभुहेङ खान्‍धुर पाका माको कुनु?

गलाति 2:8

पत्‍रुसहेङ यहुदिगेलाइको माझाता रेम्‍काबानाल पारचार पालि साल्‍तेङ दिङगिल्‍का बान्‍हाइका परमेस्‍वर दोङ कासेहेङ बुङ बो जात्‍यागेलाइको माझाता रेम्‍काबानाल पारचार पालि साल्‍तेङ दिङगिल्‍का बान्‍हाइका एइ।

फिलिप्पि 1:1

ख्रिस्‍ट इसुको बान्‍धाइगेलाइ पावल रो तिमोथिसो, फिलिप्‍पि पुरता हिका मन्‍डलिको आगुवागेलाइ, डिकनगेलाइ रो ख्रिस्‍ट इसुता हिका परमेस्‍वरको झाराङ पुनित जनगेलाइहेङ इदोइ चिथि लेखेदोङ न्‍हाखे।

फिलिप्पि 1:29

हाइदोनु परमेस्‍वर नेलाइहेङ ख्रिस्‍टता खान्‍धुर पालिको भाअ्‌सिङ खिनिङ माको, कालाउ वाको भाअ्‌सिङ तु: पिर भोगितेङ वाकोङ चाकर पाका एल्‍का माउका बुङ पिका हि।

फिलिप्पि 3:9

एन्‍साङ पातेङ वाकोङ जेङलि लाल्‍सा पाखा। का मोसाको नियम मानेतेङ परमेस्‍वरको आगाता धरमाति जेङलि मादोघा। कालाउ बुङ एला ख्रिस्‍टहेङ खान्‍धुर पानाङ परमेस्‍वर कासेहेङ धरमाति ठार्‍हाइका एइ। हाइपानु इदोइ धरमाति काथा खान्‍धुरता खेअ्‍का हि।

2 तिमोथि 1:5

कासेहेङ नाङकोता हिका इङको जातिङको खान्‍धुरको फोम एला बुङ लोतेङ हिखे। नाङको आजाइ लोइसता रो आमाइ युनिसता जातिङको खान्‍धुर हिघाहि। नाता बुङ इन्‍सिकाङ जातिङको खान्‍धुर हिका कासेहेङ फोम हि रो एला बुङ नाता इन्‍सिकाङ खान्‍धुर हि दोअ्‌का का खान्‍धुर पाखा।

तितस 1:1

का पावल परमेस्‍वरकोङ बान्‍धाइ रो ख्रिस्‍ट इसुकोङ साल्‍तेङ दिङगिल्‍का इदोइ चिथि लेखेदोङखा। परमेस्‍वर कासेहेङ साल्‍हि रो वाको साल्‍तेङ दिङगिल्‍कालाइको खान्‍धुर बार्‍हेपालि दिङगिल्‍हि। कालाउ परमेस्‍वरहेङ मोन्‍दाताका ज्‍यानदोफा मिलिका सतभारि एम्‍बालाइहेङ थुकापालि बुङ कासेहेङ खाटाइहि।

तितस 1:4

कादोफा एलोङदोङ खाल्‍को खान्‍धुरता हिका काङको जातिङको चान तितसहेङ इदोइ चिथि लेखेदोङखा। परमेस्‍वर आबा रो केलाइहेङ छुटकारा पिका ख्रिस्‍ट इसु नासेहेङ निगाहा रो सान्‍ति प्‍याको।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

याकुब 1:1

परमेस्‍वर रो प्रभु इसु ख्रिस्‍टको चाकर का याकुबसो इदोइ चिथि चारबितिङ राइन्‍हातेङ हिका इस्राएलको तेन्‍हे खालहेङ लेखेदोङखा। नेलाइ झाराङहेङ सेउपाखा।

1पतरुस 1:1

का इसु ख्रिस्‍टको साल्‍तेङ दिङगिल्‍का पत्‍रुससोः पोन्‍टस, गलातिया, कापाडोकिया, एसिया रो बिथिनिया माउजाता बोमुलुकि हानेतेङ राइन्‍हातेङ हिका परमेस्‍वरको साल्‍का वाको जनगेलाइहेङ इदोइ चिथि लेखेदोङखा।

1पतरुस 1:7

याको उपाइचाहिँ नेलाइको खान्‍धुर जातिङको हि दोअ्‌तेङ तिङपालि एइ। सोना मेहोइ निखुरपान्‍हाखे कालाउ इङको मुअ्‌खे। इङको मुअ्‌का सोना खान्‍तेङ नेलाइको खान्‍धुर हेन्‍जाङ मोलको हि। हाइपानु इङको खान्‍धुर पाका पालि तु: पिरसो जाच पान्‍हाखे। इङकोन्‍हुअ्‌सो इसु ख्रिस्‍ट लोका दिनाता नेलाइ मान, प्रताप रो बाखिन्‍का निङस्‍वाना।

1पतरुस 2:7

इदोइखातिर नेलाइ खान्‍धुर पाकालाइको भाअ्‌सिङ इदोइ उन्‍थुइ मोलहिका हि। कालाउ खान्‍धुर मापाकालाइको भाअ्‌सिङ चाहिँ, “जेदोङ उन्‍थुइहेङ साअ् धामकालाइ खारेज पाहि, इङको उन्‍थुइचाहिँ कोन्‍हाको मुल उन्‍ठुइ जेङहि।”

1पतरुस 5:1

एला का नेलाइकोता हिका मन्‍डलिको आगुवागेलाइहेङ एलोङ काथा दोअ्‌ताङका। ख्रिस्‍टको भोगेका तु: का ताइमि दोङ तिङका हिघा। कालाउ देखाल जेङलि तोम्‍का प्रतापता का बुङ भाग र्‍हुकाङका। का बुङ मन्‍डलिको आगुवा हिनाङसिङ नेलाइहेङ दोअ्‌दोङखा,

२ पत्‍रुस 1:4

इदोङसो वा केलाइहेङ वाको दामि रो बाराका कबोलगेलाइ पिका हि, कोलाउ इदोइ दुनियाको मारेम्‍कालाल्‍सासो लोका आखेका काथासो खाअ्तेङ नेलाइ परमेस्‍वरको आनिबानिता भाग र्‍हुलि दोसु।