1तिमोथि 6:9 - धिमाल

⁹ कालाउ धनि जेङलि भोका द्‌याङ कुकरमता परेपाका काथाता वालाखे। वा निरबुदि रो हान्‍ति पाका लाल्‍सागेलाइको आस्‍तिता देखे। इदोइ आखेका लाल्‍सागेलाइ एम्‍बालाइहेङ बारबाद पाकाता रो मुअ्‌काता थुकापावा।

Dhimal NT

⁹ कालाउ धनि जेङलि इच्छा पाका द्‍याङगेलाइ परिक्स्याता परिखे, कालाउ गुपुस लाअ्साता देका भाइपाङ इम्बालाइ लाअ्साता देखे। कालाउ इम्बालाइ इसिका काम पालि भोखे जेदोङ आनाइ कालाउ खतारानाक जेङखे कालाउ इसिका मारेम्का इच्साहोइ वासेहेङ नासाका थामेता थुका पापुखे।

1तिमोथि 6:9 Iomraidhean Croise

मत्‍ति 13:22

आरोङ हेअ्‌मि द्‍याङको कोन्‍धाङचाहिँ चुइको झालास्‍ता बिअ्‌न्‍हाका चालाइभाइकाङ एइ। एम्‍बालाइ परमेस्‍वरको कथन हिङतेङ बुङ दुनियाको पिर रो टाका काउरिको लाल्‍साता फासिखे। एन्‍साङ एम्‍बालाइको हिङका कथनगेलाइ राम्‍तेङ हानिखे रो ताइको ज्‍यानता हिदिङ बुङ फल मासेपाखे।

मत्‍ति 19:22

जेलाउ इङको धाना द्‍याङ इदोइ काथा हिङहि, वा र्‍हाइ दापातेङ हानेहि। हाइपानु इङकोको हेन्‍जा टाका काउरि हिघाहि।

मत्‍ति 26:15

रो दोअ्‌हि, “का वासेहेङ नेलाइको खुरता रिम्‍पापिनु, कासेहेङ हाइ पिस्‍वाना?” एम्‍बालाइ इङकोहेङ रुपाको एकुरिते टाका पिहि।

मत्‍ति 6:19

“ताइको भाअ्‌सिङ सुमिङता ताका काउरि माजोम्‍पासु। जेता पेअ्‌सा लाग्‍यावा, खिह्‍याँ चावा रो खुकालाइ खुतेङ चुमप्‍वावा।

मर्कुस 4:19

कालाउ बुङ इदोइ दुनियाको पिर रो टाका काउरिको इन्‍ताना रो बो थोकको लालच पातेङ कथनहेङ थुमन्‍हापापिखे रो हिदिङ फल मासेपाखे।

लुका 12:21

कालाउ इसु इदोइ तुलना दोपातेङ दोअ्‌हि, “ताइको भाअ्‌सिङ टाका काउरि जोम्‍पातेङ ताअ्‌का द्‌याङको गति इसिका दोङ ज्‍यावा। परमेस्‍वर इसिकालाइहेङ टाका काउरि हिका फोम मापाखे।”

लुका 21:35

हाइदोनु इङको दिना सुमिङता हिका गोताङ द्‍याङगेलाइ र्‍हुता ल्‍वावा।

साल्न्हाका चात्या 8:20

कुलाउ पत्‍रुस दोअ्‌हि, “नाङको टाका नादोफाङ मुअ्‌ताको, हाइपानु परमेस्‍वरको बर टाकासो चोल्‍लि द्‍वाङ दोअ्‌तेङ ना ठहर पान्‍हा।

1तिमोथि 1:9

केलाइ इदोइ काथा गेका हिनाहि, नियम रेम्‍का द्‌याङको भाअ्‌सिङ बनेका माको कालाउ इदोइ ते नियम मासाअ्‌का रो धुमिगेलाइ, परमेस्‍वरहेङ मामानेकालाइ रो कुकरमिगेलाइ, आखेका मन हिका रो परमेस्‍वरको खिलापिगेलाइ, रो ताइको आबा आमाइहेङ सेअ्‌कालाइ, द्‌याङगेलाइ सेअ्‌कालाइ,

1तिमोथि 3:7

इन्‍सिका आगुवाचाहिँ ताइको मन्‍डलिता खिनिङ माको मन्‍डलि बाहार बुङ मान निङका हिलि गोयाङ। एन्‍सा जेङनु खिनिङ इङकोहेङ द्‌याङगेलाइ निन्‍दा मापावा रो इङको दियाबलसको आस्‍तिता मादेकावा।

1तिमोथि 6:10

हाइदोनु गोताङ खालको आखेकाको मुल दोङ ताकाकाउरिको माया। हेथे द्‍याङ ते ताकाकाउरि कामाइका दिअ्‌काता लागेतेङ खान्‍धुर पालि लाअ्‌पिका हि। कालाउ हेन्‍जाङ तु:होइ एम्‍बालाइको कोन्‍धाङ दोङ तु:का हि।

1तिमोथि 6:17

एला इदोइ दुनियाता गिर्‍हि जेङकालाइहेङ तुजुक मापालि दोअ्। कालाउ एम्‍बालाइको ताकाकाउरि दिनाङको भाअ्‌सिङ हितेङ माह्‍यावा। कालाउ केलाइको सुखको भाअ्‌सिङ गोताङ थोक होपाङ पिका परमेस्‍वरताङ भर ताअ्‌सु दोअ्‌तेङ एम्‍बालाइहेङ हुकुम पि।

2 तिमोथि 2:26

एसापा एम्‍बालाइ ताइको हुसता लोतेङ दियाबलसको आस्‍तिसो खाअ्‌लि निनावा। हाइदोनु एम्‍बालाइहेङ दियाबलस ताइको कामको भाअ्‌सिङ रिम्‍तेङ ताअ्‌का हि।

तितस 2:12

इदोइ निगाहाहोइ केलाइहेङ मारेम्‍का ज्‍यान रो दुनियाको लाल्‍सा लाअ्‌लि धिरपाखे रो इदोइ निगाहाको भाअ्‌सिङ केलाइ ताइमिङहेङ काबुता ताअ्‌तेङ इदोइ दुनियाता जातिङको रो धरमाति ज्‍यान दोपालि द्‍वाङ।

२ पत्‍रुस 2:3

लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।