1तिमोथि 6:4 - धिमाल

⁴ वा हाइदोङ मागेसिङ एन्‍साङ तुजुकहोइ फुलिखे। वा ते झागारा पाका बिमार लागेका द्‌याङ। वा काथाङ काथाता झागारा खिनिङ पालि भोखे। इसिका काथागेलाइहोइ ते दाहा, झागारा, बादनामि रो मारेम्‍का साङका देखाल पापाखे।

Dhimal NT

⁴ उङको द्‍याङ घमन्डहोइ फुलिका हिखे, कालाउ वा हाइ दोङ बुङ बुझिका चाहि मान्थुखे। इन्सिका द्‍याङगेलाइ बेकारको काथागेलाइ कालाउ नाना थरिको सब्दगेलाइको बारेता काथा पोसुखे कालाउ चेरसुलि भोतेङ हिखे। इदोइ काथागेलाइसो डाहा, कलह, बाद्नामि कालाउ मारेम्का साङकागेलाइ उब्जाइपाखे।

1तिमोथि 6:4 Iomraidhean Croise

साल्न्हाका चात्या 15:2

कोलाउ पावल रो बारनाबासको एम्‍बालाइदोफा हेन्‍जाङ गालाबाजि जेङहि। इन्‍ताको दादा ओनेगेलाइ पावल, बारनाबास रो बो हेअ्‌मिहेङ इदोइ काथाको फाइसालाको भाअ्‌सिङ साल्‍तेङ दिङगिल्‍कालाइ रो एल्‍डरगेलाइकोता यरुसलेम हानेलि भरना पाहि।

साल्न्हाका चात्या 18:15

कुलाउ इदोइ काथा ते नेलाइकोङ धरम किताब, मिङ रो नियमको बारेता खिनिङ हिनाङसिङ नेलाइ ताइमिङ ठहर पासु। का इसिका काथागेलाइको निया मापाङका।”

साल्न्हाका चात्या 8:9

सिमोन मिङ हिका एमि द्‌याङ इन्‍ता हिघाहि। इङको लाम्‍फासो दोङ इङको पुरता चटक तिम्‍पातेङ सामरियाको द्‍याङगेलाइहेङ भारभुसाइ पाका हिघाहि। वा ताइमिहेङ का दोङ दोअ्‌तेङ तुजुक पाघाखे।

1 कोरिन्थि 11:16

कालाउ हासुङ इदोइ बारेता झागारा पालि भोखे पानु का दोअ्‌ताङका, इदोइ बेगार केलाइको हिदिङ चलन मान्‍थु रो परमेस्‍वरको मन्‍डलिता बुङ बो हिदिङ बिधि मान्‍थु।

1 कोरिन्थि 11:18

हाइदोनु झाराङखान्‍तेङ लाङ काथा, नेलाइ मन्डलिता एदोसा जोम्‍लाउ नेलाइको माझाता मिलाप माजेङखे दोअ्‌का का हिङखा, इदोइ काथा जातिङको बुङ वाला दोअ्‌तेङ का खान्‍धुर पाखा।

1 कोरिन्थि 3:18

हासुङ ताइमिङहेङ छल मापाको। नेलाइता हासुङ इदोइ दुनियाको आकिलहिका द्‌याङ हिघा दोअ्‌तेङ फोमपाखे पानु, इङको जातिङको आकिलहिका जेङलिको भाअ्‌सिङ निरबुदि जेङलि गोयाङ।

1 कोरिन्थि 3:3

एला बुङ नेलाइ ताइकोङ मनको लाल्‍सागेलाइ पोङघा पालि भाअ्‌सिङ खिनिङ लागितेङ हिसुन्‍हा। कालाउ नेलाइको माझाता एला बुङ दाहा रो चेरसुका हिदोङ हि। हाइ एन्‍सा जेङनु नेलाइ ताइको मनको लाल्‍सा आन्‍सार चलेका दुनियाको बो द्‍याङगेलाइ भाइपाङ माजेङसुन्‍हा कुनु?

गलाति 5:15

कालाउ नेलाइ ताताइमिता चेरसुतेङ एमि भेनेङहेङ चेर ताम्‍पापिसुखेना पानु हुस पासु, माकोनुते नेलाइ ताताइमिता मुअ्‌तेङ हानेस्‍वाना।

गलाति 5:26

केलाइ ए भेनेङदोफा तुजुक पाका, चेर ताम्‍पाका रो दाहा पाका काम हेअ्‌लाउ मापाइने।

गलाति 6:3

एदि हिदिङ द्‌याङ ताइमि बाराका मान्‍थुलाउ बुङ ताइमि बाराका हिघा दोअ्‌तेङ फोमपाखे पानु इङको ताइमिङहेङ दोङ छल पाखे।

फिलिप्पि 1:15

आधेमि द्‌याङगेलाइ आरिस पातेङ का बोमिको खान्‍तेङ हेन्‍जा पाघा दोअ्‌तेङ तिङपालिको भाअ्‌सिङ ख्रिस्‍टको रेम्‍काबानाल पारचार पाखे। कालाउ आधेमि द्‌याङगेलाइचाहिँ एल्‍काङ बिचार ताअ्‌तेङ ख्रिस्‍टको रेम्‍काबानाल पारचार पाखे।

फिलिप्पि 2:14

नेलाइ हिदिङ काम पालाउ बुङ गानगानमापासिङ रो माचेरसुसिङ गोताङ काम पासु।

फिलिप्पि 2:3

नेलाइ ताइको खिनिङ भालाइ भोतेङ हाइदोङ मापासु। नेलाइ बारालि बुङ माभोसु रो बिथाता तुजुकि जेङलि हाइदोङ मापासु। कालाउ ए भेनेङदोफा नोइका जेङसु रो बोमिगेलाइ ताइमिखान्‍तेङ मानलाएक हि दोअ्‌तेङ फोमपासु।

कलस्सि 2:18

सादेलचरगेलाइहेङ पुजिलि गोइका दोअ्‌तेङ ताइमिहेङ बाराका फोमपाकालाइ हि। कालाउ “केलाइ इसिकाङ काथागेलाइ नजर निङका हिन्‍हाहि” दोअ्‌तेङ गफि जेङतेङ नोइका भाइपाङ तिङपाकालाइ दोङ एसा दोअ्‌खे। इसिका द्‌याङगेलाइ बिथाता तुजुक पाखे। एम्‍बालाइ नेलाइहेङ इसिका छलपाका काथाता आवाइपातेङ नेलाइ निङलिगोइका इनाम मागुमाइपासु।

2 थेस्लोनिकि 2:4

इङको नियम मासाअ्‌का द्‌याङ ताइमिङ बारातेङ द्‍याङगेलाइ परमेस्‍वर थानेका गोताङ काथागेलाइहेङ रो पुजिका गोताङ थोकको खिलाप पावा। इङको ते परमेस्‍वरको थानता योम्‍तेङ ताइमिहेङ परमेस्‍वर दोअ्‌तावा।

1तिमोथि 1:4

कालाउ एम्‍बालाइ इङको निङकाकाथा रो आबा खालगेलाइको बङसावलिता आवाइलि मापि। इसिका काथागेलाइ ते चेरसुका खिनिङ पापाखे रो खान्‍धुरसो पाका परमेस्‍वरको कामता साङका खिनिङ बार्‍हेपाखे।

1तिमोथि 1:7

एम्‍बालाइ नियमको मास्‍टर जेङलि भोखे, कालाउ ताइमिङ धुइका काथा मागेखे रो हाइको बारेता धुइका दोअ्‌का काथा बुङ मागेखे।

1तिमोथि 3:6

कालाउ इङको भरखर खान्‍धुर पाका बुङ हिलि मागोयाङ। माकोनु इङको तुजुकहोइ फुलितेङ दियाबलस भाइपाङ दारता वालातेङ मुअ्‌तावा।

2 तिमोथि 2:14

इदोइ काथाता नाङको द्‌याङगेलाइहेङ साम्‍झाइ। काथाङ काथाता चेरसुका काम मापासु दोअ्‌तेङ एम्‍बालाइहेङ परमेस्‍वरकोङ आगाता चेतानि पि। चेरसुकासो ते हाइदोङ लाभ माजेङखे कालाउ हिङका द्‌याङगेलाइहेङ दोङ बिगिरपाखे।

2 तिमोथि 2:23

कालाउ काम मालागेका बादबिबादसो फारापाङ हि। ना दोङ गेखेना, इदोइसो ते चेरसुका खिनिङ जेङखे।

2 तिमोथि 3:4

एम्‍बालाइ बोमिहेङ छल पातेङ, मनमानि पातेङ तुजुकहोइ फुलितेङ हिगिलावा रो परमेस्‍वरहेङ माया पाका खान्‍तेङ भुरुङ मोजमजा दोङ मोन्‍दा ताकावा।

तितस 3:9

कालाउ बेकामको बिचार, र्‍हिङर्‍हिङका खालगेलाइ रो नियमसुदाङको गालबाजिसो फारापा हिसु। इङको बिथाको काम मालागिका काथा एइ।

याकुब 1:19

मोन्‍दाताका दादाओने बाइओनेगेलाइ, नेलाइ इदोइ काथा गेतेङ हिसु: मन लागाइतेङ हिङका, हुस पातेङ धुइका रो मारफाङ माचेरताम्‍पाका जेङसु।

२ पत्‍रुस 2:12

कालाउ इदोइ द्‍याङगेलाइ ताइमिङ मागेका काथागेलाइको बादनामि पाखे। एबालाइ झार गुपुसगेलाइभाइका हिखे रो ताइको लाल्‍सागेलाइको जिउकोबसता हिखे। एबालाइ रिम्‍तेङ सेअ्‌न्‍हालि जोन्‍मिकालाइभाइकाङ हि रो एबालाइ झार गुपुसगेलाइभाइपाङ मुअ्‌तावा।

२ पत्‍रुस 2:18

एम्‍बालाइ तुजुक रो निरबुदि काथागेलाइ पाखे। कालाउ जिउहेङ लालचपाका कामगेलाइ तिङपातेङ असतसो घुरिकालाइहेङ बुङ फासेपाखे।