1तिमोथि 6:3 - धिमाल

³ हासुङ भेनेङ बिद्‌यागेलाइ धिरपाखे पानु केलाइको प्रभु इसु ख्रिस्‍टको सत बिद्‌या रो परमेस्‍वरहेङ मानपाका बिद्‌याहेङ मासाअ्‌तावा।

Dhimal NT

³ जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

1तिमोथि 6:3 Iomraidhean Croise

मत्‍ति 22:21

एम्‍बालाइ इसुहेङ दोअ्‌हि, “कैसरको।” कालाउ वा एम्‍बालाइहेङ दोअ्‌हि, “इदोइखातिर जे कैसरको हि, इङको कैसरहेङ पिसु। जे परमेस्‍वरको एइ, इङको परमेस्‍वरहेङ पिसु।”

मत्‍ति 28:20

का नेलाइहेङ हुकुम पिका गोताङ काथा मानेलि एम्‍बालाइहेङ धिरपासु। खाङसु, का सुमिङको न्‍हुअ्‌थिकापा दिनाङ नेलाइ दोसाङ ह्‍याङका।”

1 थेस्लोनिकि 4:8

इदोइभाअ्‌सिङ जाइ इदोइ काथाको आनादर पाखे इङको द्‍याङको माको, कालाउ परमेस्‍वरको आनादर पाखे, जेदोङ परमेस्‍वर नेलाइहेङ ताइको पुनित हाङसा पिखे।

1तिमोथि 1:10

दुराचारिगेलाइ, वाबाल वाबालता रो बेबाल बेबालता दुराचार पाकालाइ, द्‌याङ पिअ्‌कालाइ, असत धुइकालाइ, असत दासि पिकालाइ रो सत बिद्‍याको खिलापता काम पाकालाइको भाअ्‌सिङ बनेका।

1तिमोथि 1:3

का माकेडोनिया हानेलि तोमलाउ नासेहेङ एफिससताङ हि दोअ्‌तेङ कर लागाइका हिघाखा। आरोङ बुङ इन्‍ता ढाटाइका बिद्‌या धिरपाकालाइहेङ रोकेलि ना इन्‍ताङ हि।

1तिमोथि 1:6

हेथे द्‍याङगेलाइ इदोइ काथागेलाइहेङ लाअ्‌तेङ काम मालागिका काथाता आवाइका हि।

2 तिमोथि 1:13

का नासेहेङ पिका जातिङको बिद्‌यागेलाइ नामुनाको आकारता ख्रिस्‍ट इसुता हिका खान्‍धुर रो मायाता जोगाइतेङताअ्।

2 तिमोथि 4:3

हाइपानु एला द्‍याङगेलाइ जातिङको बिद्‍याहेङ सहेतेङमासहेका पहर बुङ लोदोङखे। एम्‍बालाइ ते ताइकोङ लाल्‍सागेलाइको न्‍हु लाग्‍यावा। एम्‍बालाइ ताइमिहेङ माजा लागेका काथा हिङपाका मास्‍टरगेलाइहेङ दोङ हेन्‍जा कायावा।

तितस 1:1

का पावल परमेस्‍वरकोङ बान्‍धाइ रो ख्रिस्‍ट इसुकोङ साल्‍तेङ दिङगिल्‍का इदोइ चिथि लेखेदोङखा। परमेस्‍वर कासेहेङ साल्‍हि रो वाको साल्‍तेङ दिङगिल्‍कालाइको खान्‍धुर बार्‍हेपालि दिङगिल्‍हि। कालाउ परमेस्‍वरहेङ मोन्‍दाताका ज्‍यानदोफा मिलिका सतभारि एम्‍बालाइहेङ थुकापालि बुङ कासेहेङ खाटाइहि।

तितस 1:9

ताइमिको निङका जातिङको बिद्‍याता लागेतेङ हिका रो बोमिहेङ बुङ इदोइ बिद्‍या पितेङ बल पिलि दोका जेङलिगोयाङ। एसापा इदोइ बिद्‌या धिरपाका माफिक हिलिगोयाङ कालाउ याको खिलाप पाकालाइको बिरामहेङ तिम्‍पापिलि द्‍वाना।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।