1तिमोथि 6:19 - धिमाल

¹⁹ एसापा एम्‍बालाइ न्‍हुअ्‌सो निङका ज्‍यानको भाअ्‌सिङ गोइका ताइकोङ भाअ्‌सिङ बोल्‍याका जग बान्‍हाइलि ताकाकाउरि जोम्‍पाको एसा पानु खिनिङ एम्‍बालाइ जातिङको ज्‍यान निङलि द्‍वावा।

Dhimal NT

¹⁹ एसा पातेङ इम्बालाइ स्वर्गता ताइको भबिस्यको भाअ्सिङ रेम्का कामगेलाइ खाजाना भाइपा जोम्पावा, जेदोङ इम्बालाइको भाअ्सिङ भबिस्यता बल्लियाका जोग भाइका जेनावा, कालाउकि इम्बालाइ पाक्का ह्याको इम्बालाइ जेलाउ बुङ सत्ये जिबन निनावा।

1तिमोथि 6:19 Iomraidhean Croise

मत्‍ति 19:21

इसु वासेहेङ दोअ्‌हि, “ना जातिङको रेम्‍का जेङलि भोखेना पानु हानितेङ नाङकोदोसा हिका गोताङ पिअ्‌तेङ मान्‍थुकालाइहेङ पि। ना सादेलता टाका काउरि निनाना, कालाउ लोतेङ कासेहेङ पिताइ।”

लुका 12:33

नेलाइ दोफा हिका टाका काउरि पिअ्‌तेङ गरिबगेलाइहेङ पिसु। ताइको भाअ्‌सिङ हेअ्‍लाउ मादोका टाका काउरि सादेलता जोम्‍पासु। इन्‍ता ते खुकालाइ बुङ खुलिमाद्‍वावा रो पेअ्‌सा बुङ माचावा।

लुका 16:25

कालाउ आब्राहाम वासेहेङ दोअ्‌हि, ‘चान, हाइ नासेहेङ फोम मान्‍थु? फोमपातेङ खाङ त! ना सुमिङता हिलाउ नाङको ज्‍यानता रेम्‍कारेम्‍का आनेमाने निङन्‍हा। कालाउ लाजरस मारेम्‍फाङ तु: निन्‍चाका हिघाहि। कालाउ वा इता सुख रो सुबिस्‍ता निङकाहि कालाउ ना एला तु: भोगिदोङखेना।

लुका 16:9

“का नेलाइहेङ दोअ्‌ताङका, दुनियाको टाका काउरिसो सानाइति बान्‍हाइसु। जेलाउ इङको टाका काउरि दोकावा नेलाइहेङ सादेलता स्‍वागत पावा।”

लुका 18:2

“हिदिङ पुरता एमि न्‍याधिस हिघाखे। वा परमेस्‍वरहेङ बुङ माथिघाखे रो द्‌याङहेङ बुङ वास्‍ताङ मापाघाखे।

लुका 18:22

इदोइ हिङतेङ इसु वासेहेङ दोअ्‌हि, “ना आरोङ बुङ एलोङ काम पालि गोइका हिदोङ हि। नाङको दोफा हिका गोताङ टाका काउरि पिअ्‌तेङ हाइदोङ मान्‍थुकालाइहेङ बाखाराइपि। कालाउ खिनिङ ना सादेलको टाका निनाना। कालाउ ना लोतेङ कासेहेङ पिताइ।”

गलाति 5:6

हाइदोनु खाताना पालाउ बुङ मापालाउ बुङ ख्रिस्‍ट इसुता हाइदोङ फारा माजेङखे। कालाउ मुल काथा ते केलाइको खान्‍धुरको खातिर बोमिगेलाइहेङ माया पान्‍हाखे।

फिलिप्पि 3:12

का धेयता लाम्‍फादोङ थुकातेङ पुरा जेङहोइका दोअ्‌तेङ दोअ्‌का माको। कालाउ का ख्रिस्‍ट इसु भाइपाङ जेङलि हेन्‍जाङ चेस्‍ता पादोङखा। हाइदोनु वा इदोङ कामको भाअ्‌सिङ दोङ कासेहेङ साल्‍हि।

फिलिप्पि 3:14

इदोइखातिर का सादेलको इनाम जितिलिको भाअ्‌सिङ धाअ्‌दोङखा। परमेस्‍वर याको भाअ्‌सिङ ख्रिस्‍ट इसुसो असिमको ज्‍यान निङलि कासेहेङ काइका एइ।

1तिमोथि 6:12

ना खान्‍धुर पाका काथाता रेम्‍फा चले रो असिम ज्‍यानहेङ रिम्‍तेङताअ्, याकोङ भाअ्‌सिङ परमेस्‍वर नासेहेङ काइका हिघाहि। कालाउ ना बुङ हेन्‍जाङ द्‌याङगेलाइको आगाता ताइको खान्‍धुरको दासि पिका हिघान्‍हा।

2 तिमोथि 1:1

परमेस्‍वरको लाल्‍साहोइ ख्रिस्‍ट इसुता हिका ज्‍यानको कबोलको बारेता हिङपालिको भाअ्‌सिङ का पावल ख्रिस्‍टको साल्‍तेङ दिङगिल्‍का जेङका।

2 तिमोथि 2:19

कालाउ परमेस्‍वर ताइमिङ लागाइका जग दिनाङ बोल्‍याका जेङतेङ हितेङह्‍यावा। इदोइता लेखेन्‍हाकाङ हि, “प्रभु ताइकोगेलाइहेङ नाल्‍खे” रो “परमेस्‍वरको मिङ र्‍हुका झोको झाराङ आखेका कामसो फारापाङ ह्‍याको।”

1पतरुस 1:4

परमेस्‍वर आबा नेलाइको भाअ्‌सिङ हेअ्‌लाउ मामुअ्‌का, दगामान्‍थुका रो माचुअ्‌का सहसाम्‍पा सादेलता ताअ्‌पिका हि।