1तिमोथि 6:18 - धिमाल

¹⁸ भालाइ जेङका काम पालि, भालाइ पातेङ धनि जेङलि, खुला मनको जेङलि रो जेलाउ बुङ बोमिहेङ पिलि त्‍यार जेङलि दोअ्‌तेङ एम्‍बालाइहेङ दोअ्।

Dhimal NT

¹⁸ कालाउ इम्बालाइहेङ आसल काम पासु दोअ्सु, कालाउ हेन्जा रेम्का कामगेलाइ पाको, कालाउ आवस्यक परिकालाइहेङ खुल्ला मनहोइ साघाइलि तियार जेङसु दोसु।

1तिमोथि 6:18 Iomraidhean Croise

मत्‍ति 5:42

नादोफा र्‍हेकालाइहेङ पि रो रिन र्‍हुलि भोकाहेङ माप्‍याङका मादोअ्।

लुका 12:21

कालाउ इसु इदोइ तुलना दोपातेङ दोअ्‌हि, “ताइको भाअ्‌सिङ टाका काउरि जोम्‍पातेङ ताअ्‌का द्‌याङको गति इसिका दोङ ज्‍यावा। परमेस्‍वर इसिकालाइहेङ टाका काउरि हिका फोम मापाखे।”

लुका 3:11

वा एम्‍बालाइहेङ दोअ्‌हि, “न्‍हेलोङ लोखोन हिकालाइ लोखोन मान्‍थुकालाइहेङ प्‍याको। एन्‍साङ पातेङ चाका हिकालाइ मान्‍थुकालाइहेङ प्‍याको।”

साल्न्हाका चात्या 10:38

परमेस्‍वर नासरतको इसुहेङ ताइकोङ पुनित हाङसा रो सरबङ वाता हुपिन्‍हा। परमेस्‍वर वाकोदोफा हिनाङसिङ वा भालाइको काम पातेङ दियाबलससो सान्‍ताइन्‍हाकालाइहेङ एल्‍पातेङ हिगिल्‍हि। हाइपानु परमेस्‍वर वाको दोफा हिघाहि।

साल्न्हाका चात्या 11:29

कोलाउ चात्‍यागेलाइ ताताइको आउकात आन्‍सार यहुदियाता हिका दादाओनेगेलाइको भाअ्‌सिङ भेटि पिगिल्‍लि ठहर पाहि।

साल्न्हाका चात्या 9:36

योप्‍पा पुरता तबिता दोअ्‌का एमि प्रभुता खान्‍धुरपाका ओने हिघाहि। ग्रिक राउता वासेहेङ डोरकास दोअ्‌घाखे, जाइको माने नाकुना जेङखे। वा दिनाङ बोमिको भालाइ पाघाखे रो हाइदोङ मान्‍थुकालाइहेङ साघाइघाखे।

1 कोरिन्थि 16:2

गोताङ आथारको लाङ दिना नेलाइ झाराङ ताताइको कामाइसो जेथे पिलि दोसुखेना इङको खेङतेङ ताअ्‌सु। कालाउ का लोलाउ भेटि जोम्‍पालि मागोयाको।

गलाति 6:10

इदोइखातिर माउका निङतेङसाङ केलाइ झाराङको भालाइ पातेङ हानाइने। खास पातेङ एम्‍बालाइ जाइ ख्रिस्‍ट इसुहेङ खान्‍धुर पाका हि।

1तिमोथि 5:10

रेम्‍का काम पातेङ इङकोको मिङ चारचाराइका हिलि गोयाङ। इङको ताइको चान चामिन्‍दिगेलाइहेङ रेम्‍फा पातेङ हुर्किपाका रो बान्‍सालाइहेङ ताइको साअ्‌ता चुमातेङ बान्‍साबुझाइका हिलि गोयाङ। कालाउ इङको परमेस्‍वरको पुनित जनगेलाइको खोकोइ झातेङ चाकर पाका, तु:ता वाङकालाइहेङ साघाइका रो इसिकाङ रेम्‍का कामगेलाइ पाका हिलिगोयाङ।

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।

याकुब 2:5

काङको मोन्‍दाताका दादाओने बाइओनेगेलाइ, हिङसु हाइ परमेस्‍वर दुनियाको निरधनहेङ खान्‍धुरता धनि बान्‍हाइलि रो कबोल पाका सारभि वासेहेङ इन्‍ताना पाकालाइहेङ पिलि मासाल्‍हि कुनु?

1पतरुस 3:11

इङको मारेम्‍का काम पालि लाअ्‌तेङ रेम्‍का काम पाको, इङको सान्‍तिहेङ भोकाको रो इङकोहेङ पितायाको।

१ युहन्‍ना 3:17

हासुङदोसा दुनियाको ताकाकाउरि हितेङ बुङ ताइको दादाओने बाइओनेगेलाइहेङ हारजाता हिका तिङलाउ बुङ ताइको मन थाङ पाखे पानु, हेसापा इङकोदोफा परमेस्‍वरको माया हिखे कुनु?

३ युहन्‍ना 1:11

मोन्‍दाताका सानाइति, आखेकाहेङ मापिताइ, कालाउ भालाइहेङ पिताइ। जाइ भालाइ पाखे, इङको परमेस्‍वरको एइ। जाइ आखेका पाखे, इङको परमेस्‍वरहेङ नालकाङ मान्‍थुखे।