1तिमोथि 5:3 - धिमाल

³ ताइको हासु मान्‍थुका रान्‍दिगेलाइहेङ खाङकाखुङका पा।

Dhimal NT

³ जाइ जातिङको के सिका बेबाल हि, कालाउ वासेहेङ सामाराइका हासु बुङ मान्थुनु इम्बालाइहेङ आदार सोङ साघाइसु।

1तिमोथि 5:3 Iomraidhean Croise

मत्‍ति 15:6

एसापा ताइको आबा आमाइहेङ मान पालि मागोयाङ दोअ्‌तेङ नेलाइ ताइको चलनभारि लागितेङ परमेस्‍वरको हुकमहेङ बेकामको बान्‍हाइसुखेना।

मत्‍ति 23:13

“धिकार धरम मास्‍टर रो फरिसिगेलाइ! नेलाइ चिम्‍काटा हिसुन्‍हा। हाइपानु नेलाइ सादेलको सारभिको फिनु गिअ्‌का हिसुन्‍हा। नेलाइ ताइमि बुङ लिअ्‌ता मादुल्‍सुखेना रो लिअ्‌ता दुल्‍लि ना ताइमिङ दुल्‍सुखेना ना भोकालाइहेङ बुङ दुल्‍लि पिसुखेना।

लुका 2:37

कालाउ वा द्‌याकुरिद्‌या बाअ्‌सार जेङका हिघाखे। वा थान मालाअ्‌सिङ न्‍हिसिङ नितिम म्‍हितुपाङ हितेङ रो पुकार पातेङ परमेस्‍वरहेङ पुजिघाखे।

लुका 7:12

इसु पुरको द्‌वारता थुकालिलोलाउ एमि सिकाद्‍याहेङ फातेङ मालामिगेलाइ हानेघाखे। सिका द्‌याङ ते एमि रान्‍दिको एलोङ खिनिङ चान हिघाहि। इङको रान्‍दिदोफा मालामि हानिका पुरको हेन्‍जाङ द्‌याङगेलाइ बुङ हिघाखे।

युहन्‍ना 1:47

इसु नथानेलहेङ ताइमिभारि लोतेङहिका तिङतेङ इङकोको बारेता इसु दोअ्‌हि, “ए मि जातिङको इस्राएलिहेङ खाङसु, जाइता हिदिङ जाल मान्‍थु।”

साल्न्हाका चात्या 6:1

इङको पहरता जेलाउ चात्‍यागेलाइको अङक बार्‍हितेङ हानेलाउ हिब्रुगेलाइको बिरुदता ग्रिक यहुदिगेलाइ कचकच पालितेङहि। हाइदोनु दिनाङ चाका चिज बाखाराइलाउ एम्‍बालाइको रान्‍दिगेलाइहेङ घाइपाङ चाका चिज मानिङघाखे।

साल्न्हाका चात्या 9:39

कोलाउ पत्‍रुस ल्‍होतेङ एम्‍बालाइदोफा हानेहि। इन्‍ता थुकाकान्‍हुअ्‌सो एम्‍बालाइ वासेहेङ र्‍हुताको कोठाता चुमपुहि। रान्‍दिगेलाइ खारतेङ डोरकास एम्‍बालाइदोफा हिलाउ थिरतेङ ताअ्‌का धाबागेलाइ तिम्‍पातेङ पत्रुसको कोरबितिङ जोम्‍हि।

साल्न्हाका चात्या 9:41

पत्‍रुस वासेहेङ ताइको खुरहोइ चातेङ जुरुक्‍पा ल्‍होपाहि, कालाउ वा परमेस्‍वरको पुनित जनगेलाइ रो रान्‍दिगेलाइहेङ काइतेङ सितेङ बुङ सिन्‍हुका तबिताहेङ जिमा पिहि।

1 थेस्लोनिकि 2:6

केलाइ ख्रिस्‍टको साल्‍तेङ दिङगिल्‍का जेङलाउ नेलाइ केलाइहेङ मान पासु दोअ्लि दोधाङ। कोलाउबुङ नेलाइसो रो बो हिदिङ द्‌याङगेलाइसो बाखिन्‍का माभोन्‍हाहि।

1तिमोथि 5:2

एन्‍साङ पातेङ बेराङगेलाइहेङ आमाइ भाइपाङ रो धानिगेलाइहेङ ओनेगेलाइ भाइपाङ पुनित मनहोइ बेभार पा।

याकुब 1:27

परमेस्‍वर आबाहेङ मोन्‍दाताका जातिङको काथा इदोङ एइः तु:ता वालाका राँदि रो माउर्‍या माउर्‍याइनिहेङ सामर्‍हाइलि रो दुनियाको मारेम्‍का काथासो खेङन्‍हालि एइ।

1पतरुस 2:17

झाराङहेङ मान पासु। खान्‍धुरि दादाओने बाइओनेगेलाइहेङ इन्‍ताना पासु। परमेस्‍वरदोफा थिसु रो राजाहेङ मान पासु।

1पतरुस 3:7

केअ्‌गेलाइ, नेलाइ ताइको बेअ्‌गेलाइहेङ मादोका फोमपातेङ मान पासु। हाइपानु एम्‍बालाइ बुङ नेलाइदोफा दोङ परमेस्‍वरको पिका ज्‍यान निनावा। एसापा नेलाइको पाका पुकारता हिदिङ खाल्‍को बाधा माल्‍वाको दोअ्‌तेङ एमि भेनेङदोफा रेम्‍का बेभार पासु।