1तिमोथि 5:25 - धिमाल

²⁵ एन्‍साङ पातेङ हेथे रेम्‍का कामगेलाइ लाम्‍फा दोङ छ्‌याङपा तिङखे। जेदोङ रेम्‍का काम छ्‌याङपा मातिङहि पानु म्‍होतेङहिलि बुङ मादोखे।

Dhimal NT

²⁵ एसापाङ पातेङ जेलाउ हिदोइ बुङ द्‍याङ रेम्का काम पाखे, इङको बो खन्धुराइगेलाइ झालाफालापा तिङखे। कालाउ जेसापा द्‍याङलाइ इङको रेम्का कामगेलाइ तिङलि मादोलाउ बुङ न्हुसो इम्बालाइ इङको कामगेलाइ तिनावा।

1तिमोथि 5:25 Iomraidhean Croise

मत्‍ति 5:16

एन्‍सा दोङ गेसाको जोल्‍का भाइपाङ नेलाइको जोल्‍का बुङ द्‍याङगेलाइको आगाता चिल्‍काको रो एम्‍बालाइ नेलाइको रेम्‍का काम तिनाको, कालाउ सादेलता हिका नेलाइको आबाहेङ बाखिनाको।

लुका 11:33

“गिसा जोलाइतेङ हासुबुङ पाथिहोइ माथुम्‍खे कालाउ म्‍होअ्‌तेङ बुङ माताअ्‌खे। भुरुङ लिअ्‌ता लोका द्‌याङहेङ फाइसालामताको दोअ्‌तेङ झाउका थामेता ताअ्‌पिखे।

साल्न्हाका चात्या 10:22

एम्‍बालाइ दोअ्‌हि, “काप्‍तान कर्नेलियस केलाइहेङ दिङगिल्‍का एइ। जाइ वा नोइका रो परमेस्‍वरदोफा थिका रो गोताङ यहुदि जात्‍यासो आदर निङका द्‍याङ एइ। नासेहेङ वाको साअ्‌ता काइगिल्‍तेङ नासो बानाल हिङलि दोअ्‌तेङ सादेलको काथा चुमाकासो वासेहेक हुकुम जेङका हि।”

साल्न्हाका चात्या 22:12

“इङको पुरता हननिया मिङ हिका एमि द्‍याङ हिघाखे। वा मोसाको पिका नियम मानेका धरम द्‍याङ हिघाखे रो दमस्‍कसता हिका यहुदिगेलाइ झाराङ वासेहेङ मानिघाखे।

साल्न्हाका चात्या 9:36

योप्‍पा पुरता तबिता दोअ्‌का एमि प्रभुता खान्‍धुरपाका ओने हिघाहि। ग्रिक राउता वासेहेङ डोरकास दोअ्‌घाखे, जाइको माने नाकुना जेङखे। वा दिनाङ बोमिको भालाइ पाघाखे रो हाइदोङ मान्‍थुकालाइहेङ साघाइघाखे।

फिलिप्पि 1:11

कालाउ इसु ख्रिस्‍टको सरबङसो नेलाइ दिनाङ परमेस्‍वरहेङ मोन्‍दाताका काम पासु। इदोङ रेम्‍का काम तिङतेङ द्‌याङगेलाइ परमेस्‍वरहेङ मान पातेङ वासेहेङ बाखिनावा।

1तिमोथि 3:7

इन्‍सिका आगुवाचाहिँ ताइको मन्‍डलिता खिनिङ माको मन्‍डलि बाहार बुङ मान निङका हिलि गोयाङ। एन्‍सा जेङनु खिनिङ इङकोहेङ द्‌याङगेलाइ निन्‍दा मापावा रो इङको दियाबलसको आस्‍तिता मादेकावा।