1तिमोथि 5:21 - धिमाल

²¹ का नेलाइहेङ परमेस्‍वर, ख्रिस्‍ट इसु रो पुनित चरगेलाइको आगाता इदोइ बिद्‌या साअ्‌लि हुकुम पिखा। एसा पालाउ ना हासुङहेङ बुङ पछेपात मापा।

Dhimal NT

²¹ परमेस्वर कालाउ ख्रिस्ट येसुको आगाता कालाउ साल्का स्वर्गदुतगेलाइको आगाता का नेलाइहेङ थाङका आदेस पिखा, हिदोइ बुङ काथाता भेदभाव माकुनु लेता-ह्रुता मापासिङ इदोइ नियमगेलाइ नाअ् माने।

1तिमोथि 5:21 Iomraidhean Croise

मत्‍ति 16:27

हाइपानु का द्‍याङको चान ताइको आबाको प्रतापता ताइको सादेलचरगेलाइदोफा ल्‍वाङका। इङको पहर का गोताङ द्‍याङहेङ इङकोको काममाफिक नातिजा प्‍याङका।

मत्‍ति 25:41

“इङकोन्‍हुअ्‌सो वा केपाहाको द्‍याङगेलाइहेङ दोअ्‍तावा, ‘साराप निङचाका द्‍याङगेलाइ, कासो दुरे जेङसु। दियाबलस रो इङकोको काम पाकालाइको भाअ्‌सिङ त्‍यार पाका हेअ्‌लाउ मासिका मेता हानेसु।

मत्‍ति 28:20

का नेलाइहेङ हुकुम पिका गोताङ काथा मानेलि एम्‍बालाइहेङ धिरपासु। खाङसु, का सुमिङको न्‍हुअ्‌थिकापा दिनाङ नेलाइ दोसाङ ह्‍याङका।”

लुका 20:21

कालाउ चेवाहिका इङको द्‍याङगेलाइ हानेतेङ इसुहेङ हिअ्‌हि, “मास्‍टर, केलाइ गिन्‍हाखे ना ठिक दोङ दोअ्‌खेना रो ठिक दोङ धिरपाखेना ना द्‍याङको र्‍हाइ खान्‍तेङ हासु भारि बुङ मालागेखेना कालाउ ना ते परमेस्‍वरको सत्‍य दामा दोङ तिम्‍पाखेना।

लुका 9:26

हाइदोनु जाइ द्‌याङ काङको मिङ रो काङको बिद्‌यादोसा लेदेरावा, का द्‌याङको चान बुङ काङको रो परमेस्‍वर आबाको कालाउ पुनित सादेलचरगेलाइको प्रताप चुमतेङ लोलाउ वासेहेङ ताइको द्‌याङ दोअ्‌लि लेदेराङका।

1 थेस्लोनिकि 5:27

का नेलाइहेङ प्रभुता बिनइ पाखा, इदोइ चिथि झाराङ दादाओने बाइओनेगेलाइहेङ पर्‍हेतेङ हिम्‍पापिसु।

1तिमोथि 6:13

गोताङ थोकहेङ ज्‍यान पिका परमेस्‍वर रो पन्‍तियस पिलातसकोङ आगाता खान्‍धुरको जातिङको दासि पिका ख्रिस्‍ट इसुकोङ आगाता का नासेहेङ हुकुम पिदोङखा,

2 तिमोथि 2:14

इदोइ काथाता नाङको द्‌याङगेलाइहेङ साम्‍झाइ। काथाङ काथाता चेरसुका काम मापासु दोअ्‌तेङ एम्‍बालाइहेङ परमेस्‍वरकोङ आगाता चेतानि पि। चेरसुकासो ते हाइदोङ लाभ माजेङखे कालाउ हिङका द्‌याङगेलाइहेङ दोङ बिगिरपाखे।

2 तिमोथि 4:1

सिन्‍हुका रो सिका झाराङ द्‍याङगेलाइको निया पालि रो झाराङ र्‍हुता राजपालि लोका ख्रिस्‍ट इसु रो परमेस्‍वरको आगाता का नासेहेङ हुकुम पिखा,

याकुब 3:17

कालाउ जेदोङ आकिल सादेलसो लोखे, इङको पुनित, सुका पिका, नोइका रो मिलिका हिखे। इसिका आकिल दायाहोइ पोङघाका हिखे रो इङको रेम्‍का कामको फल सेपाखे। कालाउ इदोइ पछेपात रो छल मापाका जेङखे।

२ पत्‍रुस 2:4

परमेस्‍वर कुकरम पाका सादेलचरगेलाइहेङ सुदाङ मालाअ्‌हि रो एम्‍बालाइहेङ पातेलता थालगिल्‍हि। कालाउ एम्‍बालाइहेङ नियाको दिनाथिकापा पातेलको कितिकितिकाता ताअ्‌का हि।