1तिमोथि 5:17 - धिमाल

¹⁷ रेम्‍फा खाङकाखुङका पाका मन्‍डलिको आगुवागेलाइ मान रो जेला निङलि गोयाङ। खास पातेङ परमेस्‍वरको बिद्‍या हिङपालि रो धिरपालि मिनेत पाकालाइ ते इदोइ निङलि दोङ गोयाङ।

Dhimal NT

¹⁷ मन्डलि रेम्फासो सामाराइलि दोका आगुवागेलाइ दोब्बल आदार हिलि गोइखे, बिसेस पातेङ जाइ परमेस्वरको बचनको प्राचार कालाउ धिरपालि परिस्रोम पाखे।

1तिमोथि 5:17 Iomraidhean Croise

मत्‍ति 24:25

फोम पासु, का नेलाइहेङ लाम्‍फासोङ दोअ्‌पिका हिघा।

लुका 10:7

नेलाइ इङको साअ्‌ता हिसु कालाउ एम्‍बालाइ हाइ चालि पिखे इङको चासु। हाइदोनु जनगेलाइ जेला निङलि दोङ गोयाङ। साअ् साअ् बासा हितेङ माहिगिल्‍सु।

लुका 12:42

प्रभु दोअ्‌हि, “आकिलहिका रो कामता साअ्‌लिदोका खाजान्‍चिचाहिँ हिसिका द्‌याङ वाला? गिर्‍हि ताइको साअ्‌को गोताङ कामकाजको जिमा पिकान्‍हुसो वा बो कामत्‍यागेलाइहेङ उचित पहरता चाका इन्‍तिजाम पापिखे।

युहन्‍ना 4:38

का नेलाइहेङ इन्‍ता चेलि दिङगिल्‍घा, जेता नेलाइ मिनेत पाका मान्‍थुसुन्‍हा। बोगेलाइ मिनेत पाका हि रो एम्‍बालाइको मिनेतको फल नेलाइ निङका हिसुन्‍हा।”

साल्न्हाका चात्या 11:30

एम्‍बालाइको भेटि बारनाबास रो साउलको खुरसो एल्‍डरगेलाइकोता पिगिल्‍हि।

साल्न्हाका चात्या 20:35

एसापा ‘र्‍हुकाखान्‍तेङ पिकाता हेन्‍जा सहसाम्‍पा हि’ दोङतेङ प्रभु इसु ताइमिङ दोअ्‌का काथाहेङ फोमपातेङ मादोका द्‍याङगेलाइको खाङठहर पालि दोकाझोको काम पालिगोयाङ दोअ्‌तेङ का गोताङ काथाता तिङपाका हिघा।”

साल्न्हाका चात्या 28:10

एम्‍बालाइ केलाइहेङ हेन्‍जाङ मान पाहि। जेलाउ केलाइ चिजाहाजता धोलन्‍हाहि, कालाउ एम्‍बालाइ केलाइहेङ दामाता गोइका झोको आनेमानेगेलाइ बुङ चिजाहाजता ह्‍वाअ्‌पिगिल्‍हि।

1 कोरिन्थि 15:10

का जाइ हिघा, ख्रिस्‍टको निगाहासोङ हिका हिघा रो वा कासिहेङ पाका निगाहा बिथाको माजेङहि। का बो साल्‍तेङ दिङगिल्‍कालाइ खान्‍तेङ हेन्‍जा भेम्‍ति ह्‍याअ्‌पाघा। कौलाउबुङ का ताइमिङ माको, कादोफाङ हितेङहिका परमेस्‍वरको निगाहा निङतेङ दोङ इदोइ पाघा।

1 कोरिन्थि 16:16

इसिका द्‌याङगेलाइको दोअ्‌का काथा हिङसु रो इसिकाङ काम पाका बो द्‌याङगेलाइको दोअ्‌का बुङ मानेसु दोअ्‌तेङ का नेलाइहेङ बिनइ पाखा।

1 कोरिन्थि 3:9

हाइपानु केलाइ झाराङ परमेस्‍वरको काम पाका खेताला हिन्‍हाहि रो नेलाइचाहिँ परमेस्‍वरको मिलिङ हिसुन्‍हा। कालाउ नेलाइचाहिँ परमेस्‍वरको साअ्‌ हिसुन्‍हा।

गलाति 6:6

परमेस्‍वरको कथन निङका झाराङ वा दोफा हिका गोताङ रेम्‍का थोकगेलाइ कथन धिरपाकादोफा बाखाराइयाको।

फिलिप्पि 2:16

नेलाइ ज्‍यान पिका रेम्‍काबानालहेङ थिर जेङतेङ खान्‍धुर पासु। एसा पासुन्‍हा पानु काङको धाअ्‌का रो मिनेत एन्‍साङ बिथाको माजेङहि दोअ्‌तेङ ख्रिस्‍ट लोलाउ का तुजुक पाका माउका निनाङका।

फिलिप्पि 2:29

प्रभुता वासेहेङ खान्‍धुरि ओने दोअ्‌तेङ लेङचातेङ रेम्‍फा पासु। कालाउ इसिका द्‌याङगेलाइहेङ मान पासु।

फिलिप्पि 4:3

काङको खान्‍धुरिलाएक सानाइति, इङको बेबालाइहेङ साघाइसु। हाइदोनु रेम्‍काबानाल हिङपालिको भाअ्‌सिङ एम्‍बालाइ कादोफाङ काम पाका हिघाखे। कालाउ कादोफा खिनिङ माको, एम्‍बालाइ क्‍लेमेस रो बो सानाइतिगेलाइ दोफा बुङ काम पाका हिघाखे। जाइको मिङ ज्‍यानको किताबता बुङ लेखेन्‍हाका हि।

1तिमोथि 3:5

हाइदोनु इङको ताइको साअ्‌द्वारहेङ दोङ रेम्‍फा चालाइलि मादोहि पानु हेसापा परमेस्‍वरको मन्‍डलिहेङ खाङलि द्‌वावा कुनु?

1तिमोथि 4:10

इदोइभाअ्‌सिङ केलाइ मिनेत पातेङ काम पान्‍हाखे हाइदोनु केलाइको आस सिन्‍हुका परमेस्‍वरता ताअ्‍का हिन्‍हाहि। वा दोङ गोताङ द्‌याङगेलाइहेङ खास पातेङ वाता खान्‍धुर ताअ्‌का झोकोहेङ छुटकारा पिका परमेस्‍वर हि।

1तिमोथि 4:14

नाङको निङका बरदानहेङ काम मालागेका दोअ्‌तेङ बादनाम मापा। जेदोङ दान मन्‍डलिको आगुवागेलाइ नार्‍हुता खुर ताअ्‌तेङ आगाधुइलाउ ना निङका हिघान्‍हा।

1तिमोथि 4:16

कालाउ ना ताइको बेभारको बारेता रो ताइमिको पिका बिद्‍याको बारेता होसपातेङ हि। इदोइ काथाता लागितेङ हिन्‍हा पानु ना रो नाङको काथा हिङकालाइ झाराङ छुटकारा निनावा।

1तिमोथि 4:6

ना इदोइ काथा खान्‍धुरिगेलाइहेङ धिरपान्‍हा पानु ना ख्रिस्‍ट इसुको रेम्‍का चाकर जेनाना। नाङको पाका खान्‍धुर रो रेम्‍का बिद्‌याता ना बाराकाताङ हानेका हिन्‍हा दोअ्‌का काथा या तिङपाखे।

1तिमोथि 5:19

न्‍हेमिसुमि दासि माजेङपाधाउ मन्‍डलिको आगुवाहेङ दुस लागाइका काथा हिङतेङ माहिङ।

1तिमोथि 5:3

ताइको हासु मान्‍थुका रान्‍दिगेलाइहेङ खाङकाखुङका पा।

2 तिमोथि 2:6

भेम्‍ति ह्‍याअ्‌पातेङ मिलिङ चोइतेङ थिङकालाइ दोङ बालिको लाङ आसि निङलि गोयाङ।

2 तिमोथि 4:2

परमेस्‍वरको रेम्‍काबानाल पारचार पा, पहर हिलाउ बुङ मान्‍थुलाउ बुङ रेम्‍काबानाल पारचार पालि त्‍यार जेङ रो एम्‍बालाइहेङ बिद्‍या पिलाउ सान्‍तिहोइ साम्‍झाइ रो हाउसाला पि।