1तिमोथि 5:14 - धिमाल

¹⁴ इदोइभाअ्‌सिङ का बोइसाहिका रान्‍दिगेलाइ आरोङ बिहु पाको दोअ्‌तेङ साल्‍हा पिखा। एसापा भुरुङ एम्‍बालाइ चानचामिन्‍दि जोन्‍माइतेङ ताइको साअ्‌द्‍वार सामार्‍हाइयाको। एन्‍सा जेङनु खिनिङ केलाइको दुस्‍मनगेलाइ केलाइको बादनाम पालि माउका मानिनावा।

Dhimal NT

¹⁴ ओदोङ भाअ्सिङ का साल्लाहा पिखा, कि म्हुइका उमेरको के सिकालाइ बिहु पाको, चान-चामिन्दिगेलाइ जोलोम पाको, ताइको साअ् सामाराइयाको, कालाउ बिरोधिगेलाइ इम्बालाइको बादनाम पाका मौका मानिनाङ।

1तिमोथि 5:14 Iomraidhean Croise

1तिमोथि 2:8

इदोइभाअ्‌सिङ का भोखा, गोताङ थामेता वाबालाइ चेरमाताम्‍पासिङ, माचेरसुसिङ पुनित खुरगेलाइ तोल्‍हेतेङ पुकार पाको।

1तिमोथि 4:3

एबालाइ बिहुपालि माएलाङ रो हेथे थोकचाहिँ चालिमाएलाङ दोअ्‌तेङ द्‍याङगेलाइहेङ धिरपाखे। कालाउ खान्‍धुर पाका रो सतहेङ नाल्‍कालाइ च्‍याबास चार्‍हाइतेङ इदोइ चाका थोकगेलाइ चालिएल्‍खे। हाइदोनु इदोङ गोताङ थोकगेलाइ परमेस्‍वर दोङ सिरजाइका।

1तिमोथि 5:11

कालाउ बोइसाहिका रान्‍दिगेलाइहेङ चाहिँ ताइको बहिता एम्‍बालाइको मिङ दारता मापासु, हाइपानु एम्‍बालाइ माउका निङतेङसाङ ख्रिस्‍टको कामहेङ लाअ्‌तेङ आरोङ बिहु पावा।

1तिमोथि 6:1

कामत्‍या ताताइको गिर्‍हिहेङ मान पालि गोयाङ दोअ्‌तेङ फोम पाको। एन्‍सा जेङनु खिनिङ हासुङ बुङ परमेस्‍वरको मिङ रो केलाइको पिका बिद्‌याहेङ दुस लागाइलि मानिनावा।

तितस 2:5

कालाउ ताइमिङहेङ काबुता ताअ्‌का, पुनित मन हिका, दायाका, रेम्‍फा साअ्‌द्‌वार पाका रो केअ्‌को आधिनता हिका बिद्‌या प्‍यावा। एम्‍बालाइ एन्‍सा पाहि पानु परमेस्‍वरको बिद्‌याको बादनामि जेङलि मानिनावा।

तितस 2:8

बिद्‍या पिलाउ जातिङको रो ल्‍हिका, हासुङ पोलि मादोका बिद्‌यागेलाइ पि। एन्‍सा जेङनु दुस्‍मनगेलाइ बुङ हाइदोङ दोअ्‌लि मादोतेङ ताइमिङ लेदेरता पर्‍यावा।