1तिमोथि 5:10 - धिमाल

¹⁰ रेम्‍का काम पातेङ इङकोको मिङ चारचाराइका हिलि गोयाङ। इङको ताइको चान चामिन्‍दिगेलाइहेङ रेम्‍फा पातेङ हुर्किपाका रो बान्‍सालाइहेङ ताइको साअ्‌ता चुमातेङ बान्‍साबुझाइका हिलि गोयाङ। कालाउ इङको परमेस्‍वरको पुनित जनगेलाइको खोकोइ झातेङ चाकर पाका, तु:ता वाङकालाइहेङ साघाइका रो इसिकाङ रेम्‍का कामगेलाइ पाका हिलिगोयाङ।

Dhimal NT

¹⁰ गोताङ वा आसल काम पाका, चान-चामिन्दिगेलाइहेङ रेम्फा पोसेका, बान्सालाइहेङ ताइको साअ्ता सेवा सात्कार पाका, प्रभुको दासगेलाइको सेवा पाका, दुख परिकालाइहेङ साघाइका, कालाउ इसिकाङ ताइको जिबनता आसल काम पाका हिलि गोइखे।

1तिमोथि 5:10 Iomraidhean Croise

मत्‍ति 25:17

एन्‍सा दोङ न्‍हे टाका निङका बुङ बो न्‍हे टाका काम्‍हाइहि।

मत्‍ति 5:16

एन्‍सा दोङ गेसाको जोल्‍का भाइपाङ नेलाइको जोल्‍का बुङ द्‍याङगेलाइको आगाता चिल्‍काको रो एम्‍बालाइ नेलाइको रेम्‍का काम तिनाको, कालाउ सादेलता हिका नेलाइको आबाहेङ बाखिनाको।

लुका 7:38

वा न्‍हुअ्‌पाहासो लोतेङ इसुको खोकोइ भेर्पा जाअ्‌तेङ खारलि तेङहि रो मिसिय्हाँसो ह्‍याअ्‌का मितिसो इसुको खोकोइ झापिहि। कालाउ वाको खोकोइ ताइको पुसिङहोइ योअ्‌तेङ चुमाइतेङ आतर होपिहि।

लुका 7:44

वा बेबालभारि घुरितेङ सिमोनहेङ दोअ्‌हि, “यासिहेङ खाङ! का नाङको साअ्‌ता लोघा, ना कासेहेङ खोकोइ झाका चिसुदाङ मापिन्‍हा। कालाउ या ते काङको खोकोइ मितिहोइ झापितेङ ताइकोङ पुसिङहोइ योअ्‌पिहि।

साल्न्हाका चात्या 10:22

एम्‍बालाइ दोअ्‌हि, “काप्‍तान कर्नेलियस केलाइहेङ दिङगिल्‍का एइ। जाइ वा नोइका रो परमेस्‍वरदोफा थिका रो गोताङ यहुदि जात्‍यासो आदर निङका द्‍याङ एइ। नासेहेङ वाको साअ्‌ता काइगिल्‍तेङ नासो बानाल हिङलि दोअ्‌तेङ सादेलको काथा चुमाकासो वासेहेक हुकुम जेङका हि।”

साल्न्हाका चात्या 22:12

“इङको पुरता हननिया मिङ हिका एमि द्‍याङ हिघाखे। वा मोसाको पिका नियम मानेका धरम द्‍याङ हिघाखे रो दमस्‍कसता हिका यहुदिगेलाइ झाराङ वासेहेङ मानिघाखे।

साल्न्हाका चात्या 6:3

एन्‍साङ नेलाइको माझासो पुनित हाङसा, आकिलहोइ पोङघाका रो झाराङ मानेका न्‍हिअ्‌मि द्‍याङ साल्‍सु, जाइहेङ केलाइ इदोइ कामता भरना पाइने।

साल्न्हाका चात्या 9:36

योप्‍पा पुरता तबिता दोअ्‌का एमि प्रभुता खान्‍धुरपाका ओने हिघाहि। ग्रिक राउता वासेहेङ डोरकास दोअ्‌घाखे, जाइको माने नाकुना जेङखे। वा दिनाङ बोमिको भालाइ पाघाखे रो हाइदोङ मान्‍थुकालाइहेङ साघाइघाखे।

साल्न्हाका चात्या 9:39

कोलाउ पत्‍रुस ल्‍होतेङ एम्‍बालाइदोफा हानेहि। इन्‍ता थुकाकान्‍हुअ्‌सो एम्‍बालाइ वासेहेङ र्‍हुताको कोठाता चुमपुहि। रान्‍दिगेलाइ खारतेङ डोरकास एम्‍बालाइदोफा हिलाउ थिरतेङ ताअ्‌का धाबागेलाइ तिम्‍पातेङ पत्रुसको कोरबितिङ जोम्‍हि।

कलस्सि 1:10

एन्‍सा पासुन्‍हा पानु नेलाइ प्रभुहेङ मोन्‍दाताका काम पातेङ दिनाङ वासेहेङ लेङचा पालि दोस्‍वाना। कालाउ गोताङ काम रेम्‍का पातेङ नेलाइको आनिबानि रेम्‍का जेनावा रो नेलाइ परमेस्‍वरकोङ आकिलता बार्‍हेतेङ हानेस्‍वाना।

1तिमोथि 2:10

कालाउ परमेस्‍वरको चाकर पाका बेबालाइ ताइमिहेङ सोबाइका खाल्‍को रेम्‍का काम खिनिङ पाको।

1तिमोथि 3:2

इसिका आगुवाचाहिँ हिदिङ दुसमान्‍थुका रो इङकोको बेअ् एलोङ खिनिङ हिलिगोयाङ। इङको ताइमिङहेङ रो ताइको मनहेङ बसता ताअ्‌लि दोका कालाउ रेम्‍का चालचलनको हिलिगोयाङ। इङको बान्‍साबुझाइका रो बोमिहेङ रेम्‍फा बिद्‌या पिका हिलिगोयाङ।

1तिमोथि 3:7

इन्‍सिका आगुवाचाहिँ ताइको मन्‍डलिता खिनिङ माको मन्‍डलि बाहार बुङ मान निङका हिलि गोयाङ। एन्‍सा जेङनु खिनिङ इङकोहेङ द्‌याङगेलाइ निन्‍दा मापावा रो इङको दियाबलसको आस्‍तिता मादेकावा।

1तिमोथि 5:16

कालाउ हिदिङ खान्‍धुरि बेबालको जाहानता रान्‍दिगेलाइ हि पानु इङको खान्‍धुरि बेबाल इङको रान्‍दिगेलाइहेङ खाङकाखुङका पाको। एसा पाहि पानु मन्‍डलिहेङ ल्‍हिका माज्‍यावा। इदोइभाअ्‌सिङ हासुङ मान्‍थुका रान्‍दिगेलाइको खिनिङ मन्‍डलि खाङकाखुङका पाको।

1तिमोथि 5:25

एन्‍साङ पातेङ हेथे रेम्‍का कामगेलाइ लाम्‍फा दोङ छ्‌याङपा तिङखे। जेदोङ रेम्‍का काम छ्‌याङपा मातिङहि पानु म्‍होतेङहिलि बुङ मादोखे।

1तिमोथि 6:18

भालाइ जेङका काम पालि, भालाइ पातेङ धनि जेङलि, खुला मनको जेङलि रो जेलाउ बुङ बोमिहेङ पिलि त्‍यार जेङलि दोअ्‌तेङ एम्‍बालाइहेङ दोअ्।

2 तिमोथि 1:5

कासेहेङ नाङकोता हिका इङको जातिङको खान्‍धुरको फोम एला बुङ लोतेङ हिखे। नाङको आजाइ लोइसता रो आमाइ युनिसता जातिङको खान्‍धुर हिघाहि। नाता बुङ इन्‍सिकाङ जातिङको खान्‍धुर हिका कासेहेङ फोम हि रो एला बुङ नाता इन्‍सिकाङ खान्‍धुर हि दोअ्‌का का खान्‍धुर पाखा।

2 तिमोथि 2:21

गोताङ काथा आखेका कामगेलाइसो पुनित जेङतेङ हिका द्‌याङ हि पानु बाराका मानको भान्‍दा भाइपाङ ज्‍यावा। हाइदोनु इङको ते ताइमिङहेङ पुनित ताअ्‌तेङ गोताङ रेम्‍का कामको भाअ्‌सिङ गिर्‍हि चालाइलि द्‌वावा।

2 तिमोथि 3:15

ना आतुइनाङसो पुनित धरमकिताबको काथागेलाइ गिका हिन्‍हा। इदोङ काथाहोइ ख्रिस्‍ट इसुता खान्‍धुर पालाउ निङका छुटकाराबारे गिका आकिल पिखे।

2 तिमोथि 3:17

परमेस्‍वरको द्‌याङगेलाइ गोताङ रेम्‍का कामगेलाइ पालि दोका ज्‍याको दोअ्‌तेङ दोङ धरमकिताब पिका।

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

तितस 2:7

ना दोङ गोताङ काथाता रेम्‍का कामको नामुना जेङतेङ एम्‍बालाइहेङ तिम्‍पा। ना धिरपालाउ इमानि जेङतेङ हेन्‍जाङ ल्‍हिका काथा धिरपा।

तितस 3:1

हुकुमचालाइकालाइ रो हाकिमगेलाइको आधिनता ह्‍याको दोअ्‌तेङ द्‍याङगेलाइहेङ साम्‍झाइ। एम्‍बालाइ गोताङ खालहोइ भालाइपालि त्‍यार ह्‍याको।

तितस 3:14

केलाइको द्‍याङगेलाइ बिथाता ज्‍यान थाल्‍लिमागोयाङ। एम्‍बालाइ रेम्‍का काम पातेङ हारजा परेका पहरता द्‍याङगेलाइहेङ साहेता पालि द्‍वाको।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।

1पतरुस 2:12

बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

1पतरुस 4:9

ताइको साअ्‌ता लोकालाइहेङ लेङचातेङ बान्‍साबुझाइसु।

३ युहन्‍ना 1:12

झाराङ द्‌याङगेलाइ डेमेत्‍रियसहेङ रेम्‍काङ दोअ्‌खे रो वाको तिङपाका सत ज्‍यान बुङ इङकोङ दासि पिखे। कालाउ केलाइ बुङ दासि पिन्‍हाखे रो ना बुङ गेखेना केलाइको दासि सत हि।