1तिमोथि 5:1 - धिमाल

¹ वाराङगेलाइहेङ माहाप्‍काइसु, कालाउ इङकोहेङ ताइकोङ आबाहेङ भाइपाङ मान पातेङ मतो पि। कालाउ म्‍हुइकालाइहेङ चाहिँ ओनेगेलाइहेङ भाइपाङ बेभार पा।

Dhimal NT

¹ ताइमि खान्तेङ बार्का उमेरको वाबालाइहेङ मानाइ, कालाउ वासेहेङ आबाहेङ भाइपाङ आदार पातेङ सम्झाइ। ताइमि खान्तेङ म्हुइकालाइ दोफा ताइको खान्धुराइ ओने भाइपा ब्यभाहार पाअ्‌।

1तिमोथि 5:1 Iomraidhean Croise

मत्‍ति 23:8

“नेलाइहेङ हासुङ ‘मास्‍टर’ मादोअ्‌ताको, हाइपानु नेलाइको मास्‍टर एलोङ हि, नेलाइचाहिँ झाराङ दादाओने हिसुन्‍हा।

साल्न्हाका चात्या 14:23

जेलाउ पावल रो बारनाबास ओबालाइको गोताङ मन्‍डलिता एल्‍डरगेलाइ साल्‍हि, कोलाउ पुकार रो म्‍हितुपाङ हितेङ ताइमिको खान्‍धुर पाका प्रभुको जिम्‍माता ओबालाइहेङ जिम्‍मापिहि।

साल्न्हाका चात्या 15:4

जेलाउ एम्‍बालाइ यरुसलेम थुकालिलोहि, कोलाउ एम्‍बालाइहेङ मन्‍डलि, साल्‍तेङ दिङगिल्‍कालाइ, रो एल्‍डरगेलाइ मान पाहि। परमेस्‍वर एम्‍बालाइदोफा पाका गोताङ काथाको बिबरन एम्‍बालाइ इन्‍ता पिहि।

साल्न्हाका चात्या 15:6

इदोइ बारेता ठहर पालि साल्‍तेङ दिङगिल्‍कालाइ रो एल्‍डरगेलाइ जोम्‍हि।

साल्न्हाका चात्या 20:17

मिलेटस पुरसो पावल एफिसस पुरता हिका मन्‍डलिको आगुवागेलाइहेङ काइलिदिङगिल्‍हि।

गलाति 6:1

दादाओने बाइओनेगेलाइ, एदि हासुङ कुकरमको जालेता परेहि पानु नेलाइ पुनित हाङसाको आधिनता चलिकालाइ नोइका जेङतेङ इङकोहेङ सुधिर पासु। इदोइता ताइमिङ बुङ मारेम्‍का कामता मावालाताइने दोअ्‌तेङ हुस पासु। माकोनु ते नेलाइ बुङ कुकरमता वालालि दोस्‍वाना।

1तिमोथि 5:17

रेम्‍फा खाङकाखुङका पाका मन्‍डलिको आगुवागेलाइ मान रो जेला निङलि गोयाङ। खास पातेङ परमेस्‍वरको बिद्‍या हिङपालि रो धिरपालि मिनेत पाकालाइ ते इदोइ निङलि दोङ गोयाङ।

1तिमोथि 5:2

एन्‍साङ पातेङ बेराङगेलाइहेङ आमाइ भाइपाङ रो धानिगेलाइहेङ ओनेगेलाइ भाइपाङ पुनित मनहोइ बेभार पा।

तितस 2:2

वाराङ द्‍याङगेलाइहेङ ताइको मनहेङ आधिनता ताअ्‌का, इजत मान हिका, रेम्‍फा बिचार पाका, खान्‍धुरता बोल्‍याका, मायारो पाका रो गोताङ काथा सहेलि दोका हिलि गोयाङ दोअ्‌तेङ धिरपा।

तितस 2:6

एन्‍सा दोङ धानागेलाइहेङ बुङ ताइमिङहेङ बसता ताअ्‌का बिद्‌या पि।

याकुब 3:17

कालाउ जेदोङ आकिल सादेलसो लोखे, इङको पुनित, सुका पिका, नोइका रो मिलिका हिखे। इसिका आकिल दायाहोइ पोङघाका हिखे रो इङको रेम्‍का कामको फल सेपाखे। कालाउ इदोइ पछेपात रो छल मापाका जेङखे।

याकुब 5:14

नेलाइता हासुङ मेसाधुअ्‌का हि पानु, इङको मन्‍डलिको आगुवागेलाइहेङ कायाको रो एम्‍बालाइ प्रभुको मिङता चुइति लागाइपितेङ इङकोको भाअ्‌सिङ पुकार पाप्‍याको।

1पतरुस 5:1

एला का नेलाइकोता हिका मन्‍डलिको आगुवागेलाइहेङ एलोङ काथा दोअ्‌ताङका। ख्रिस्‍टको भोगेका तु: का ताइमि दोङ तिङका हिघा। कालाउ देखाल जेङलि तोम्‍का प्रतापता का बुङ भाग र्‍हुकाङका। का बुङ मन्‍डलिको आगुवा हिनाङसिङ नेलाइहेङ दोअ्‌दोङखा,

२ युहन्‍ना 1:1

सेउपाखा! का मन्‍डलिको आगुवासो, परमेस्‍वरसो साल्‍तेङ दिङगिल्‍का बेबाल रो इङकोको चानचामिन्‍दिगेलाइहेङ इदोइ चिथि लेखेदोङखा। नेलाइहेङ का जातिङको माया पाखा। का खिनिङ माको, कालाउ सतहेङ नाल्‍का झाराङ नेलाइहेङ माया पाखे।

३ युहन्‍ना 1:1

सेउपाखा! का मन्‍डलिको आगुवा युहन्‍नासो, काङको मोन्‍दाताका सानाइति गायसहेङ इदोइ चिथि लेखेदोङखा। नासेहेङ का जातिङको माया पाखा।