1तिमोथि 4:6 - धिमाल

⁶ ना इदोइ काथा खान्‍धुरिगेलाइहेङ धिरपान्‍हा पानु ना ख्रिस्‍ट इसुको रेम्‍का चाकर जेनाना। नाङको पाका खान्‍धुर रो रेम्‍का बिद्‌याता ना बाराकाताङ हानेका हिन्‍हा दोअ्‌का काथा या तिङपाखे।

Dhimal NT

⁶ जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

1तिमोथि 4:6 Iomraidhean Croise

मत्‍ति 13:52

कालाउ इसु एम्‍बालाइहेङ दोअ्‌हि, “इदोइखातिर सादेलको सारभिको बिद्‍या निङका झाराङ धरममास्‍टर एमि साअ्‌को गिर्‍हिभाइका एइ। जाइ ताइको भाकारसो नावा रो पुर्ना जाङका आनेमानेगेलाइ बाहार ओल्‍हेपाखे।”

लुका 1:3

का बुङ इदोइबारेता सुरुसो दोङ रेम्‍फा भोघा रो नासेहेङ इदोइ बारेता मेलाइसो लेखेलि रेम्‍का ज्‍याङ दोअ्‌तेङ लेखेदोङखा।

साल्न्हाका चात्या 1:15

एनि इन्‍ता झान्‍दै एसाइ एकुरि झोको खान्‍धुर पाका द्‌याङगेलाइ जोम्‍का हिघाखे। कालाउ पत्‍रुस जाअ्‌तेङ एम्‍बालाइको माझाता धुइलि तेङहि,

साल्न्हाका चात्या 20:31

एन्‍सा जेङलाउ चालाक जेङतेङ हिसु कालाउ का सुम बाअ्‌सारथिकापा नितिमन्‍हिसिङ मिति ह्‍याअ्‌पातेङ प्रभुको एमिएमिहेङ पिका चेतानि मानिल्‍सु।

साल्न्हाका चात्या 20:35

एसापा ‘र्‍हुकाखान्‍तेङ पिकाता हेन्‍जा सहसाम्‍पा हि’ दोङतेङ प्रभु इसु ताइमिङ दोअ्‌का काथाहेङ फोमपातेङ मादोका द्‍याङगेलाइको खाङठहर पालि दोकाझोको काम पालिगोयाङ दोअ्‌तेङ का गोताङ काथाता तिङपाका हिघा।”

1 कोरिन्थि 4:17

एन्‍साङ पातेङ काङको माया पाका प्रभुता खान्‍धुरिलाएक चान तिमोथिहेङ नेलाइकोता दिङगिल्‍दोङखा। का गोताङ थामेता रो गोताङ मन्‍डलिता धिरपाकाआन्‍सार दोङ ख्रिस्‍टता काङको ज्‍यान हिसिका हि इङकोको बारेता इङको नेलाइहेङ धिरपावा।

फिलिप्पि 2:20

तिमोथि भाइका जातिङको मनहोइ नेलाइको भालाइ चिताइका खामाल कादोफा बो हासुङ मान्‍थु।

फिलिप्पि 2:22

कालाउ तिमोथि हिसिका लाएकको खामाल हिघाहि दोअ्‌का काथा नेलाइ दोङ गेसुखेना। जेसापा एलोङ चान आबाको चाकर पाखे, एन्‍सा दोङ इङको रेम्‍काबानाल पारचार पाका कामता कादोफाङ चाकर पाहि।

फिलिप्पि 3:16

जेदोङ जेङलाउ बुङ परमेस्‍वर केलाइहेङ लाम्‍फा जेदोङ देखालपाका हि इङकोता दोङ थिर जेङतेङ ह्‍याइने।

कलस्सि 2:19

एम्‍बालाइ ते ख्रिस्‍टदोफा हाइदोङ सामान्‍दा माताअ्‌खे। वाचाहिँ केलाइको पुरिङ हि, जाइ चाहिँ मन्‍डलि एइ। वा दोङ जिउहेङ बोल्‍याका बान्‍हाइखे रो जिउको आङगेलाइहेङ एदोफाङ जोरेतेङ ताअ्‌खे। कालाउ परमेस्‍वरको लाल्‍सा आन्‍सार केलाइको जिउ बार्‍हेतेङ हानेखे।

कलस्सि 3:16

ख्रिस्‍टको कथन नेलाइको कोन्‍धाङता इस्‍तुङ ह्‍याको। इङकोङ कथनको गोताङ आकिलहोइ ए भेनेङहेङ धिरपाका रो साल्‍हा पिका जेङसु। ताइको कोन्‍धाङसोङ च्‍याबासि जेङतेङ परमेस्‍वरको पिका भेभेनेङ लेगेलाइ लेतेङ वासेहेङ बाखिन्‍सु।

कलस्सि 4:7

केलाइको मोन्‍दाताका ओने तुखिकस दोङ काङको गोताङ काथा नेलाइहेङ हिङपावा। वा बुङ केलाइदोफाङ हितेङ प्रभुको सेवा पाका खान्‍धुरलाएक चाकर एइ।

1 थेस्लोनिकि 3:2

केलाइदोफा दोसाङ काम पाका केलाइको ओने तिमोथि ख्रिस्‍टको रेम्‍काबानाल हिङपाका परमेस्‍वरको चाकर। नेलाइहेङ हाउसा पितेङ खान्‍धुरता बोल्‍याका बान्‍हाइलि केलाइ तिमोथिहेङ नेलाइकोता दिङगिलन्‍हाहि।

1तिमोथि 1:10

दुराचारिगेलाइ, वाबाल वाबालता रो बेबाल बेबालता दुराचार पाकालाइ, द्‌याङ पिअ्‌कालाइ, असत धुइकालाइ, असत दासि पिकालाइ रो सत बिद्‍याको खिलापता काम पाकालाइको भाअ्‌सिङ बनेका।

1तिमोथि 4:16

कालाउ ना ताइको बेभारको बारेता रो ताइमिको पिका बिद्‍याको बारेता होसपातेङ हि। इदोइ काथाता लागितेङ हिन्‍हा पानु ना रो नाङको काथा हिङकालाइ झाराङ छुटकारा निनावा।

1तिमोथि 6:3

हासुङ भेनेङ बिद्‌यागेलाइ धिरपाखे पानु केलाइको प्रभु इसु ख्रिस्‍टको सत बिद्‌या रो परमेस्‍वरहेङ मानपाका बिद्‌याहेङ मासाअ्‌तावा।

2 तिमोथि 1:6

इदोइभाअ्‌सिङ का नासेहेङ आरोङ फोम पापातेङ दोअ्‌खा, का नार्‍हुता खुर ताअ्‌लाउ परमेस्‍वरको पिका बरहेङ ना बाहेतेङ हि।

2 तिमोथि 3:10

कालाउ ना चाहिँ काङको बिद्‌या, काङको आनिबानि रो बिचारहेङ र्‍हुका हिना। काङको खान्‍धुर, सहेका सरबङ, दाया रो धिरताहेङ तिङकाङ हिन्‍हा।

2 तिमोथि 4:3

हाइपानु एला द्‍याङगेलाइ जातिङको बिद्‍याहेङ सहेतेङमासहेका पहर बुङ लोदोङखे। एम्‍बालाइ ते ताइकोङ लाल्‍सागेलाइको न्‍हु लाग्‍यावा। एम्‍बालाइ ताइमिहेङ माजा लागेका काथा हिङपाका मास्‍टरगेलाइहेङ दोङ हेन्‍जा कायावा।

तितस 2:1

ना चाहिँ जातिङको बिद्‌याता हिका काथा धिरपा।

1पतरुस 2:2

एलाङ खिनिङ जोन्‍मिका जामाल म्‍हितुतेङ आमाइको दुदु आम्‍लि भोकाभाइपाङ नेलाइ बुङ परमेस्‍वरको सत कथनहेङ आम्‍लि भोसु रो इन्‍तासो ताइको छुटकाराता आगा लाङतेङ हानेलि दोस्‍वाना।

२ युहन्‍ना 1:9

ख्रिस्‍टको बिद्‌याता माहिगिल्‍कालाइ रो इङकोहेङ केउपाकालाइदोफा परमेस्‍वर माहिखे। कालाउ वाको बिद्‌याता लागेकादोफा आबा परमेस्‍वर रो चान इसु ख्रिस्‍ट न्‍हेमिङ हिखे।