1तिमोथि 4:11 - धिमाल

¹¹ इदोइ र्‍हुताको काथागेलाइता ना बोमिहेङ हुकुम पि रो धिरपा।

Dhimal NT

¹¹ इदोइ दोङ काथागेलाइ खान्धुराइगेलाइहेङ धिरपा कालाउ इम्बालाइ इङको काथागेलाइहेङ आग्या केम्लि दोअ्सु।

1तिमोथि 4:11 Iomraidhean Croise

1तिमोथि 5:7

एम्‍बालाइ दुस मालागायाको दोअ्‌तेङ खान्‍धुरिगेलाइको भाअ्‌सिङ इदोइ बिद्‌यागेलाइ पि।

1तिमोथि 6:2

खान्‍धुरि गिर्‍हिगेलाइहेङ इङकोको कामत्‍यागेलाइ खान्‍धुरता दादाओने दोङ दोअ्‌तेङ आनादर मापाको। भुरुङ एम्‍बालाइ ओबालाइको झन हेन्‍जा चाकर पाको। हाइदोनु एम्‍बालाइको चाकरसो लाभ निङकालाइ खान्‍धुरि रो मोन्‍दाताकालाइ दोङ। इदोङ काथागेलाइ साअ्‌लि धिरपा रो हाउसा पि।

2 तिमोथि 4:2

परमेस्‍वरको रेम्‍काबानाल पारचार पा, पहर हिलाउ बुङ मान्‍थुलाउ बुङ रेम्‍काबानाल पारचार पालि त्‍यार जेङ रो एम्‍बालाइहेङ बिद्‍या पिलाउ सान्‍तिहोइ साम्‍झाइ रो हाउसाला पि।

तितस 2:15

ना इदोइ बिद्‌यागेलाइ धिरपा रो खाबारासो एम्‍बालाइहेङ आरति पि कालाउ हाकाराइ। हासुङ बुङ नासेहेङ हेला पालि मानिनाको।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।